كيف حالج ؟
ادش بالموضوع
صارلي جم يوم اشوف بشرتي جافة حيل خاصة منطقة الذقن
حتى من الجفاف تحرقني وصاير شكلها بصراحه غرف ومقشرة
من كثر الجفاف اللي فيها وطالع لي خطين واضحين من الصوبين
انا النفسيه عندي 0% هالدور اتيي بشرتي وتكمل علي
الحين وانا اكتب حاطه فازلين الابيض اللي غاطه وردي ودابقه ويهي
كله فيه حتى اختي توها جاية من بيتها مابستها والسبه كمية الفازلين
لكبيرة اللي على ويهي
اذا عندج خلطة وشي يرطب الوجه ويرده مثل ماكان والمشكله
عندي اربع اعراس من هلي واخوي واحد منهم عقبال الجميع
انتظر خلطتج
تحياتي
اكيد بنت عذاري مب مقصره معاج فديتج بس ترى الفازلين مب حل فيه وايد خلطات بتنفعج + لازم يكون عندج كريم مرطب طبي ……………….
أوديت
هلا فيج يا عمرى هلا بالطش والرش
مشكورة على سؤالج فديتج
ولا يهمج..
اول شىء روحى الصيدليه الحين..
واخذى المرهم هذا ..
ULTRACORTENOL OINTMENT
وهو مرهم خاص للعين لداخل وخارج العين لجفافها او احمرارها او تهيجها
وهو روعه للبشره اذا لا سمح الله وحصل جفاف او التهاب او تهيج او احمرار
وهو يحتوى على كورتيزون بسيط جدا النسبه اللى تتحملها العين يعنى
ودايما احتفظى به للطوارىء وليس كل يوم
يعنى مرة بالشهر اذا صادف وصار عندج نفس المشكله وبيعالجها من مرة واحدة استخدام
وبتلاحظين بشرتج بعدها تبارك الرحمن …وعلى ضمانتى وبدون خوف لانه لايضر من استخدام
الطوارىء
وبيعالج الجفاف وحالة الصحراء القاحله اللى تشتكين منها ههههههههههههههههه
وهو لا يحتاج وصفه وممتاز للعين للطوارىء ايضا
والطريقه وزعيه على بشرتج قبل النوم وبشرتج تكون نظيفه ومغسوله
وهو آمن لمحيط العين مو مشكله حتى اذا هى جافه حطى عليها المرهم او فيها عادى جدا
واول ماتصحين شوفى بشرتج جناااااااااااااااااااااااااااااااااااااااااان(ادعي لى)
واما كعلاج للجفاف:
تفضلى يا حياتى
وصفات بنت عذارى للجفاف لعيون اوديت:
الوصفه الاولى:
تنعيم موزة واحدة بشوكه بدون عصرها+ملعقة عسل يقلب القناع ويوزع على البشرة
10 دقايق بس ويغسل بماء بارد وبتلاحظين البشرة حلوة ورطبه
الوصفه الثانيه:
لا للاسكينول ولا للتونر من اى ماركه ولا للوشن من اى ماركه ولا لمزيلات الماكياج
العلاج حليب طازج بارد لدرجه وجود ثلج فيه طول اليوم تبللين قطنه وتمسحين بها كل الوجه بالرقبه بدون ماتشطفينه بعدها بماء
الوصفه الثالث:
ملعقة عسل
صفار بيضه
نصف ملعقة زيت لوز حلو
ملعقة وربع روب غير محمض
يوزع على الوجه والرقبه المغسولين
لمدة 10 دقائق ويغسل بماء دافىء
الوصفه الرابعه:
اشترى كبسولات فيتامين E من الصيدليه( كبسولات الفيتامين الهلاميه الرخوة)
فتحى واحدة بابرة كل ليله قبل النوم ووزعيها على البشرة ونامى بها
ونامى بكير وشوفى الصحه كيف بتصير خخخخخخخخخخخخخ
والله يا قلبى سوى النصايح وبتدعين لى من قلب
ولا اتضايقين روحج كلنا ايام كثيرة نواجه زلازل تغيرات البشرة ولازم نواجهها مو نزعل
والحلول بسيطه بس تبى تطبيق!!!!
وطمنينى يا عمرى
ومافيج الا كل خير انشاءلله
وربى يحفظج ويسعدج
اختج
بنت عذارى
قبل لا انسى
لا للفازلين
الفازلين لا ينفع فى حالات الجفاف وخصوصا الجفاف الداخلى للبشرة
لان البشرة لا تمتص المحتويات الثقيله القوام ومكوناته لا ترطب البشرة هى مثل الورنيش تلقلق وتلمع لكنها لا تنفع ولا تضر فى حالتج
والرجاء التوقف عن الفازلين بالمرة لانه يزيد من الجفاف ويهيج البشرة فى حالة جفافها
وهو يسد مسامات البشره على الفاضى
وحياتكم من غيرى سلطه خخخخخخخخخخخخخخخخخخ
وتقبلى تحياتى يا عمرى
اختج
بنت عذارى
وبنت عذاري القمر ماقصرت
وبس حبيت اأكد كلامها عن الفازلين لاني شئلت دكتورة وقالت لي ان الفازلين
ماينفع لانه مايجدد الخلايا الجافة والميته بس يعدلهم فترة وطبعا بعد الفترة البشرة
تدمر زيااااادة
وان شااااء الله ترجع بشرتج احلى من الاول 
تحياتي
#رومانسية#
شكرا بنت عذاري
هلا فيج زود ياقلبي
وهلا بالطش والرش والماي المصفف في لغرش
والله اني احبك في الله انت واختي رومانسيه
وقليل بحقج الشكر فعلا ماقصرتي على الوصفات وبأذن الله تعالى
راح امر على الصيدليه واغتني هالمرهم للطوارئ
اما عن الاسكينول فهو منور على الكميدينو ما ان يخلص الا واشتري غيره
ومزيلات المكياج ياكثرهم
كينيبو _ جفنشي _ شنيل _ روك _ لوريال _ وهلما جرا والله مايمدي المزيل
يخلص الا ولحقته بالثاني وانا اكتب الف رقبتي على الدرج ياكثر الغسولات
والمزيلات ويمكن تلخبط الاشياء هذي اللي سببت لي الجفاف
لانه قليل ما استخدم الطبيعي الكل يبي الاسهل والاسرع وانا وحده منهم
مشكوره مره ثانيه
ومشكوره على تواجدج ونصحج الله لايخليني منج
ماقصرتي بمعنى الكلمه والله يجعل كل سعيج لاخواتج ونفعج لهم بالخير
في ميزان حسناتج
لا لمستحضرات التجميل
فقط لانصائح بنت عذاري
شفتي الدعايه
تسلمين ياقلبي
لج ارق تحياتي
اسبايكي
شكرا على مرورك