بنات من عندها جهاز المساج السحري وإنطفى عليها فجأه
تخيلوا أناشريته في قريب وحاطه كل أملي فيه أنه بيشيل الخطوط
إنطفى فجأه حاولت أرجع أشغله ماأشتغل بس اللمبات شغاله
المشكله زواجي بقي عليه 3 شهور وماني عارفه أتصرف
جسمي الخطوط اللي فيه بيضا في أكتافي وأفخاذي منتشره والله
وماخذه جزء كبير من تفكيري
وربي بكيييت من القهرررررمن زمان وأناأتمناه
واللي عندها خلطه تعالج التشققات مجربه ياليت تفيدني أناطلبته
من تاجره بس وهو تصنيعه برى المملكه تهقون أوديه مصلح
ويعرف له..
حاليا أسوي رياضات شد الجسم وأدهن بزيت سمسم ويارب ينفع
بنات شجعوني حدي محبببببببببطه:thumbs_down:
وازا مازبط اشتري اي جهآز للمساج مش لـازمـ السحري ، لـانو اهمـ اشي التدليك والترطيب
وانشالله مابتمرء هالتلت تشهر الـا والتشققات كلها راحت من جسمك وتكوني قمر بعيون جوزك
بس قريت قبل كذا موضوع لها انه تخلصت من التشققات انها اشترت من الصيدليه زبدةالكاكاو مع الفازلين يلي لونه موف وتستخدمها طول اليوم لو لقيت وصفتها بنسخها وأرسلها لك
موفقه
وأيضا زيت الزيتون ولوش نزبدة الكاكاو من بالمرز أو فازلين
والمهم فى الموضوع هو تقشير البشرة بإستمرار ومثل ما قالوا البنات الترطيب الداااااااااائم لأنك حتى لو وصلتى لنتايج حلوة ورجعتى أهملتى بترجع التشققات من جديد
أما الجهاز فأكيد ليه شهادة ضمان أعيدى الإتصال بالتاجرة وإسأليها ممكن يتصلح فيين
وربنا يتمم لك بخير ومبروووووووووووووووك مقدما 
فيه زيت Bio Oil
ينباع بصيدليه وايتس ب١٧٠ ريال
يخفف من التشققات بشكل كبير جداً
عن تجربه كلامي
—
يااارب يفيدك ولاتنسيني من دعواتك بالشفاء وعيالي بالتوفيق
اخباركم حبيبات قلبي ..
شكلكم داخلين عالموضوع فاقدين الامل ههههه ..
بسم الله نبـدأ ..
حبيباتي انا أأومن و بشده بهذي المقوله ( لكل داء دواء) ..
انتي فقط توكلي على الله ثم حطي في بالك هالمقوله ..
مين فينا ما يعاني من الخطوط البيضا .. اتعبت الكل .. ( الا من رحم ربي ) ..
يعني تلاقين عندك لو خط صغيييير ما يبين بس ودك تقشعينه .. تحسينه ينرفز ههههه ..
في معلومه عند البنات خاطئه .. و هم انهم ما يفرقون بين السيلوليت و الخطوط البيضا ( السترتش ماركس ) ..
على بالهم كلهم واحد .. عشان كذا حبيت اوضح لكم بصوره ..
هذي الخطوط البيضا + الحمرا .. اما السيلوليت فهو شي ثاااني ..
طبعا غالب هالخطوط تتركز في الفخوذ – البطن – المؤخره ..
من التجارب اللي جربتها ..
كريم افالون .. Strech Mark cream
نفس هذا بس اخذته عصار ..
النتيجه:
استعملته لين خلص الكريم و كأنه كأنه كأنه انطفت لمعة الخطوط البيضا شوي ..
ممكن يفيد اذا اخذتي كريم ثاني و ثالث .. مذكر المده اللي استخدمتها ..
كريم بانثينول ..
النتيجه:
استخدمته لمدة شهر وخفت الخطوط بنسبة 5% بس ..
زيت الزيتون + ليفه خشنه:
هذي طريقة احدى الاخوات هنا يجزاها خير ذكرت تجربتها ..
نحط زيت الزيتون على الخطوط ثم ناخذ الليفه الخشنه و نفرك فيها الخطوط لين تصير حمرا ..
و بالتدريج بتخف مع الوقت ..
النتيجه:
استخدمتها 3 مرات صارت تعورني مررره اذا انقلبت حمرا ..
و طول اليوم اتألم .. مع ان بشرتي مو حساسه .. فـ وقفتها ..
ملاحظه/ تختلف البشرات فـ هو يضبط معها بس معي ما ضبط ..
زيت الزيتون + ليفه عاديه (ناعمه):
هذي ايضا طريقة احدى الاخوات هنا يجزاها خير ذكرت تجربتها ..
نحط زيت الزيتون على الخطوط ثم ناخذ الليفه العاديه (ناعمه) و نفرك فيها الخطوط لين تصير حمرا ..
و بالتدريج بتخف مع الوقت ..
النتيجه:
مذكر المده اللي استخدمتها لكن ..كانت مع كل شاور ..
لكني ماشفت نتيجه ابد
——
هنا حطيت ستووووووب .. الوقت يمر و الخطوط ثابته ساكنه لا حرك ولا شي ..
و بديت اشتغل بهالبحوثات .. كثير يمدح كريم زبدة الكاكاو .. و الشيا .. و زيت جنين القمح ….الخ ..
خلاصه بحوثاتي كانت .. اكثر الاشياء اللي تجيب نتيجه هي:
– زبدة الشيا ( لها دور في تخفيف الخطوط البيضا و التنعيم)
– زبدة الكاكاو ( لها دور في تخفيف الخطوط البيضا )
– الكولاجين ( يجدد لك طبقة الجلد التالفه )
ملاحظه/ لا تخافون حبيباتي كملوا الموضوع وكل شي متووووفررررررر و يمكن عندكم فالبيت ..
و موجود بالصيدليات و بعض العطارين ..
لقيت زبدة الشيا في لوكسيان – الظهران مول .. بس العلبه صغيييييره ماتكفي شي ..
و بغيت زبدة الكاكاو من بالمرز وما ألقى الا الحجم الكبييييييير ..
و انا مو من النوع اللي اشتري من النت و كذا .. ما احب ..
و تعرفوني حبيباتي احب استخدم اشياء ما تكثر عن 50 ريال .. ولو زاد يزيد بـ شي معقول ..
مو بخل والله .. بس كثير رميت فلوسي على منتجات غاليه ما جابت معي أي نتيجه ..
اللي بقوله لكم ما بيكلفكم شييي .. كل اللي تحتاجونه شيئين:
– كريم ريينيوول ( Renewal ) البنفسجي من فازلين ..
– كريم زبدة الكاكاو و الشيا من فازلين .. ( العلبه المدوره و ليست الطويله ) ..
ملاحظه/ بعض الاخوات يبالغون لما يقولون ريحته تلوع الكبد و بغينا نستفرغ ..
بصراحه ريحته اقل من عاديه .. و اذا تشربته البشره يروح على طول ..
انا اختي تحب ريحته ..
و كريم فازلين المدور يحتوي على ( زبدة الكاكاو + زبدة الشيا ) مع بعض ..
انتبهوا يا بنات انا قلت العلبه المدوره و ليست اللوشن الطويل ..
لان اللوشن يحتوي على زبدة كاكاو و فيتامين E و ليست زبدة شيا ..
يعني الاختصار المفيد هالصوره تعبر ..
—————-
النتايج :
مدة استخدامه:
عندي خطوط بيضا في:
صدري: اسبوعين ونص ..
جوانب بطني: اسبوعين ونص ..
اسفل ظهري (بداية المؤخره): 3-4 اسابيع ..
الفخوذ: 3 اسابيع ..
كيفية استخدامه:
كريم زبدة الكاكاو و الشيا: العصر او الصبح
كريم رينيوول: قبل النوم
حطيتهم بدون لا تدليك ولا مساج ولا شي ..
فقط لين تتشربه البشره و ألبس لبسي
ملاحظه/ اذا بتحطينه الصبح او العصر لا تتعرضين لأشعة الشمس ..
لان معروف منتجات فازلين بالشمس تسمر .. وهذا مكتوب خلف كل علبه ..
الخطوط البيضا:
في اول اسبوع راح تحسين ان لمعة الخطوط البيضا تنطفي .. ثم بعدها بتخف بالتدريج ..
الخطوط الحمرا:
في اول اسبوع راح تحسين ان لونها ينقلب للبني .. ثم بعدها بتخف بالتدريج ..
النتيجه:
صدري: اختفت بنسبة 98%
جوانب بطني: اختفت 95%
اسفل ظهري (بداية المؤخره): جهه 96% .. و جهه 90%
الفخوذ: جهه 100% .. جهه 99%
مدة النتيجه:
صدري: اختفت بعد اسبوعين ونص
جوانب بطني: اختفت بعد اسبوعين ونص
اسفل ظهري (بداية المؤخره): جهه اختفت و جهه بقى لها شوي
الفخوذ: جهه اختفت و جهه بقى لها شييييي يذكر (ما تبان ابد)
ملاحظه/ احيانا اسحب كم يوم لاني اضطر انام خارج البيت وما تكون عندي العلب ..
( ممكن تلاحظين الخطوط تخف في اقل من مدتي انا .. لان كل وحده تختلف خطوطها عن الثانيه
يعني حطوا في بالكم ان الخطوط البيضا اساسا يبيلها 3 شهور لكن الحمدلله جبت لكم شي بأقل بإذن الله)
السعر المستخدم كله:
33 ريال ونص ..
كريم رينيوول: 26 ريال ونص ..
كريم زبدة الكاكاو و الشيا: 7 ريال (العلبه الصغيره) ..
للامانه انا استخدمت علبه وربع من كريم زبدة الكاكاو و الشيا ..
يعني الاجماعي: 40 ريال ونص ..
ملاحظه/ صيدلية النهدي تبيعه بـ 8 ريال .. اما الدواء تبيعه بـ 7 ريال ..
————–
عذرا:
حبيباتي ماكان ودي اقلل من قيمة الموضوع لكن..
الردود المتوقعه من بعض العضوات:
ملاحظه/ بعض الردود كانت حقيقيه موجهه لي و لبعض الاخوات في مواضيعهم ..
– وش عندها ذي تتفلسف علينا كأن عندها سالفه
– نصااااااابه اصلا مافي شي يوخرها غير الليزر لا و يخففها بس
– اللي يقولك استخدمي (……..) كذب كذب كذب انا استخدمته ولا جاب اي نتيجه
– دكتورتي تقولي مالها حل وفقدت الامل
– انا جربت كل شي ولا فاد
– انتي مجنوونه حبيبتي شوفي الامر الواقع هذي بلوى من ربي
– انتي تستهبلين ولا مين قاص عليك انها تروح
– انتي شكلك ماتشوفين زين و على بالك انها راحت روحي شيكي نظرك
– بنت خالة عم جد ام خال ابوي تصير اختي من الرضاعه قالت ان دكتورها قال الليزر بس يخففها
و انا اقول لكم ستووووووووووووووووووووووووووب من هالاسلوب السلبي ..
خلوا عندكم امل بالله و توكلوا عليه .. ليه التحطيم !!!
و اللي تقول انا جربت كل شي ولا فاد!!!!! طيب انتي جربتي اللي قلت لك عليه ولا فاد ؟؟
لا تحطمون بنات عندهم امل .. بـ جملة ( الليزر بس يخففها ما يوخرها) ..
للمعلوميه//
هالكريمات عطيتهم:
امي: زنودها الخطوط البيضا خففت كثيييييير
اختي: خطوطها حمرا (في بطنها) خفت كثييييييير مع انها ما تداوم ابد ابد ..
خالتي: خطوطها البيضا في زندها رااااحت
خالتي الثانيه: دكتورها قال لها مافي فايده من هالخطوط مافي شي يوخرها .. الليزر فقط يخففها ..
وكانت فاقده الامل .. ولما شافت الخطوط عندنا راحت انصدمت و بتستخدم هالكريمين بإذن الله ..
—————–
ان شاء الله ما طولت عليكم ولا كثرت كلام ..
حبيت اني افيدكم وما اطلب منكم الا ياااارب يتحقق اللي في بااالي و يجمعني معه ..
و أي سؤال حاضره حبايبي