انشاء الله سفرتي بتكون شهر اغسطس لمدة اسبوعين ويقولون انها باردة الصغرى 6 والعظمى 14
متمشكلة في الملابس ما اعرف شو اخذ وياي
يعني كله ثقيل ولا اخذ شي خفيف للنهار بس والبالييل بالطو او جاكيت عليه ما ادري والله ياريت الخوات الي زاروا استراليا يفيدوني
ارجوكم دلوني لااتوهق
ان شاء الله خواتيه اللي سارن استراليت يفيدونج..
السمووحه منج..
الجو بارد بس مو الى هناك
اذا ما تلبسين عباية فخذي معاج كله قمصان باكمام طويلة وفوقها جاكيت جينز او سويتر صوف
خذي معاج قبعات صوفية وقفازات للاماكن الباردة اللي بتزورينها
بس بالنها يكفي انك تلبسين اكمام طويلة مع قبعة وخلاص
اتمنى اكون افدتج
انا ماسافرتها من قبل بس فالليل هلي يقولون برد
يعني خذي وياج هاينكس وقمصان طويله ولازم جاكيت يدفي عدل
وفالظهر مب ذاك الزود برد يعني درجة الحراره توصل 23 او اقل
بس فاليل لازم جاكيت ثقيل ويدفي عدل يكون احسن لو من الصوف او الجلد لانهم ينفعون حق فاليل
وخذي كمن تيشرت ولبسي فوقه جاكيت خفيف حق الظهر وبس ويكون عملي
وانشالله تستانسين فالسفره
وخلينا نشوفج هناك خخخخخخخ 
!!!!
ورحله موفقه .!!
والقمصان الطويلة لانه الجو بالفعل باااااااارد حتى لو كنتي تلبسين عباة شلي معاج جاكيتات
اوحتى دلاقات عشان الليل الواحد مايتحمل البرودة
خصوصا الجولد كوست وهي اكثر منطقة يروحون لها الناس
وانشالله تستانسين الغالية