[ جيز كيك من ايد شواقي ] 2024.

سويت لكم جيز كيك يوومي (y)
بس بطريقتي …

المقادير * الطبقة الاولى "
وعاء خاص بالجيز كيك .. ( في كل سوبر ماركت تلقونه )
بسكويت من اختياركم بس يفضل " الخاص بالجيز كيك "
والكمية تكون حسب حجم وعاء الجيز كيك ..
2 ملعقتين زبدة كبار ..

( تطحنون البسكويت وتذوبون الزبدة وتخلطونها مع كل الكمية بالتساوي )
وتحطون الخليط في الوعاء ..

[ الطبقة الثانية ]

* المقادير
جوكلت نوتيلا " علبة كبيرة " ( نحتاج منها 4 ملاعق )
ملعقة سكر بودرة ..
علبة قشطة ..
{ نحطهم في المايكرويف لمدة دقيقة بس , وعقب نخلطهم ونسكب الخليط على البسكويت بطريقة متساوية }

[ الطبقة الثالثة ]

نفس طريقة الطبقة الاولى بالضبط ..

[ الطبقة الرابعة ]
كل المقادير الي بكتبها تخلطونها في الخلاط ..
ظرفين دريم ويب " لاتكثرون "
كوب حليب
3 ملاعق سكر بودرة ..
4 مكعبات كيري ..
نص علبة قشطة ,,
وعقب تحطونه فوق البسكويت ..

الحين تاخذون سوس الستروبري + ستروبري مقطعة وتخلطونهم مع بعض
وتحطونه ع اطراف الكيكة ..
عقب تطحنون 2 فليك وتنثرونه في الوسط ..

وخلاااص
تحطونها في الفريزر لمدة 3 ساعات عشان تتماسك