حابه تفيدوني بشغله وبالذات الخبيرات ؟؟؟بليز 2024.

كيفكم عرايس انا بإذن الله قررت افطم ولدي وهذا اول واحد عندي وهوعمره سنه وشهرين تقريبا
وكنت حابه اخذ رايكم لاني تعبت ابي وقت حق نفسي وحق زوجي وابيه يأخذ رضاعه الله يخليكم
لا تبخلون علي بالنصيحه مهما كانت لانه كاسر خاطري ساعات اقول بفطمه وساعات اقول خله
شو رايكم…شو الاشياء الي اقدر اسويه له او لي مشكورين(f)

طيب على الاقل خليه يتم السنة ونص وبعدين افطميه الرضاعة مفيدة بالنسبة له .. يعني هانت انتظري كمان 4 او 3 شهور … وممكن حليب بالرضاعة من الان يعني لازم تخليه يتعود عليها وتدريجيا افطميه من صدرك ..

والله بعده صغير ومثل  ماقالت الاخت ام وسام انتظري كمان شوي انا فطمت اولادي الاتنين على السنة والنصف هيك افضل والمفروض حولين كاملين لمن اراد ان يتم الرضاعة مثل ماقال ربنا سبحانه وبرايي انك تفطميه عن صدرك وتعوديه على الشرب بالكاس افضل ماتخلصيه من عادة ويتمسك بعادة ثانيةاللي هي الرضاعة وتحتاسي كيف  تفطميه من الرضاعة بعدين (( البيبرونة ))

استني عليه شوي وحاوللي تعوديه من هلأ على الشرب من الكاس بمساعدتك في كاسات من تشيكو وبيجون وغيرها للاطفال لعمر طفلك

والله انا هيك عملت مع اطفالي وارتحت كتييير وربي يخليك طفلك ويكون لكي معين

انا مع البنات

حاولي تعودينه بهالاشهر على الكوب مو الرضاعة لان بعمره المفروض ما ياخذ رضاعة بعد

و حاولي تقللين مرات الرضعات تدريجيا

بالتوفيق

اهلا اختي ..

اضيف على رد الاخوات ،،

واصلي للسنتين بس بعدد رضعات اقل ! يعني مجرد للنوم ( نومة الليل ، و الظهر ) .. !

بعدها لما يوصل عمره للسنة و عشرة شهور تقريبا و تبدين تتدرجين في فطامه راح يصير سهل عليك .. و بترتاحين بعدها انك رضعتي طفلك سنتين و هذا انجاز !

موفقة !

صحيح اختي الولد بعده صغير

وما اعتقد ان الرضاعة عائق قدام اهتمامك بنفسك وزوجك

يعني أكيد بهالعمر عدد الرضعات يقل بحكم ان الطفل بدا يعتمد عالأكل أكثر من الحليب بمعظم الحالات

واذا نويتي وقررتي تفطمينه فانصحك مثل ما قالوا الاخوات انك تعودينه على الشرب بالكوب

عشان لا يعتاد على الرضاعة وبعدين تتأذين انتي وياه عشان يفكها

وبالتوفيق اختي

ايه والله اصبري عليه كم شهر بعده صغير (وفطامه في عامين) وبعدين بيتغير كل شي واذا تبغي تعطيه الرضاعه جوعيه واتركيه اصيح وبعدين اعطيه الرضاعه طبعا حسب الطفل يمكن يقبلها ويمكن لا الله المعين
لاني بصراحه مو مجربه ولدي مارضع من صدري الا شهر بس وبعدين الرضاعه بس بنت عمه فطمتها امها من صدرها وعطتها الرضاعه..

مشكورين والله كلامكم في محله يالله هانت بس ساعات يزهقنني ما يبقى الاصدري

أختي صبري عليه شوي و بعدين عوديه يأخذ الحليب من علبة الحليب بالمزاز على طول أريح لك من الكأس أني سويت مع بنتي كذا

أنا مـــع خواتـــي في كلامهـــــــــــم….