الموضوع ده اهداء لأى بنت بتجهز شقتها لسة ..
فى حاجات صغيرة بس ممكن تتنسى.. حاجات كنت شارياها ماحستش قد ايه هى مهمة غير بعد ماتجوزت وحاجات ماكنتش عندى احتجتها واشتريتها
اتمنى ان الموضوع يفيدكم
(i) سكينة خشب او سيليكون عشان الصوانى التيفال
(i) ماسك شبه المقص كده خشب او معدن بتبقى حلوة قوى لو بتشوى حاجة او بتقلى حاجة كبيرة فى الزيت
(i) مصفاة مقاسها مناسب لحلة عندك وتركب عليها كويس هتفيدك قوى لما تيجى تسوى حاجة على البخار او تسخنى رز أو محشى بيتسخن كأنه لسة طازة بالظبط
(i) ادوات خشبية عشان الطبخ فى الحلل التيفال
(i) مقصين للطبخ
واحد صغير وخفيف عشان الاوراق الخضرا (جرجير – بقدونس – خس – …)
والتانى كبير وتقيل عشان السمك واللحوم والفراخ
(i) قطاعة بيض مسلوق
(i) مصفاة صغيرة عشان لما تيجى تفصلى صفار البيض عن بياضه تفصليه بسهولة
(i) مضرب بيض بس يكون من السيلكون عشان لما تيجى تعملى باشاميل فى التيفال
(i) فرشاة لدهان الاسطح بالزيت أو السمن
(i) انا مش بحب قطاعة اللحمة والخضار سواء البلاستيك او الخشب بحس انهم بيتملوا ميكروبات وتنظبفهم صعب جدا
هاتى احسن قطاعة زجاج او استعيضى عنها بطبق ميلامين مسطح أو صينية وهينظف اسرع بكتير واسهل فى الاستعمال
يارب يكون الموضوع عجبكم
لو عجبكم ادعولى فى ظهر الغيب ان ربنا يتم حملى على خير واجيب بيبى بصحة سليمة
الموضوع مجهودى الشخصى واللى عايزة تنقله تتفضل بس تقول اسم منتدى عروس
اللهم اني أعوذ بك جنيني بكلماتك التامة من كل شيطان وهامة ومن كل عين لامة اللهم احفظه وثبته يامن ثبت السماء بغير عمد انك على كل شيء قدير
رووووووووووووووووووعه
تسلموا يا حبيباتى يعطيكم العافية
عزيزتى عروس 
الموضوع مجهود شخصى
اللهم اني أعوذ بك جنيني بكلماتك التامة من كل شيطان وهامة ومن كل عين لامة اللهم احفظه وثبته يامن ثبت السماء بغير عمد انك على كل شيء قدير
تسلموا على مروركم حبايبى
اللهم اني أعوذ بك جنيني بكلماتك التامة من كل شيطان وهامة ومن كل عين لامة اللهم احفظه وثبته يامن ثبت السماء بغير عمد انك على كل شيء قدير