على فكره انا سمعت انه في حبوب اسمها حبوب الخميره
وهذي الحبوب تنباع في مكان ما والله نفسي اعرف فين ويا ريت اذا وحده عندها اي فكره تخبرنا والله يجزاها الف خير
المهم يا بنات هذي الحبوب تساعد على تصفيه الوجه من الحبوب ومن البثور
وطبعا هيا حبوب للبلع من للدهن
2 ممكن سوال لو سمحتي
هل جربتيها او هل تعرفي احد جربها واذا ايه ايش كانت النتايج
وشكرا مره اخرى
وهى تنباع في الصيدلية على شكل حبوب
هذه من أغنى المواد الطبيعية بالفيتامينات والمعادن والبروتينات.. وإذا أُخذت عن طريق الفم فإنها تحسن الدورة الدموية، وتبعث في الجسم الحيوية، كما تحسن عامة من حالة الشعر والجلد والاسنان والأظافر.
كما أنّها إذا استخدمت ظاهرياً للبشرة فإنها تمتاز بقدرتها الفائقة على التنظيف العميق للجلد، ولذا تدخل في تركيب بعض الكريمات والأقنعة.
ودمتى سالمة
انا امي خذتها من الصيدليه .. حبوب … ولالازم الواحد ياخذها 2 باليوم ..
ومثل ماقالت الاخت نور الهدى هي واااايد مفييده 
… بس في سؤاال
يقرقع برااسي .. هل صحيح بأن هالحبوب تسمن الجسم .؟؟؟ :eek2:
يالييت اللي عنده فكره ولا مجربنها يفييدنا :cool2:
وسلالالالالالالالالالام
اذا قبل الأكل تفتح الشهية واسمن وإذا بعد الأكل عادى ما اسمن
والله اعلم
بس هي فعلاً ممتازة الى الشعر والبشرة
وجربتها فعلاً روعه
اختي اشلونج واشلونكم حبيباتي
بالنسبه للحبوب الخميرم انا جربتها والله تمتن بس طبعا مو على طول لاني انا جربتها لمده خمس شهور والله ومتنت عليها
طبعا جسم عن جسم يفرق في ناس تمتنهم بسرعه اما طولت شوي معاي معني كنت اخذ حبتين باليوم
باستشارة الطيب طبعا
واهيا بالصيدليه
وان شالله تمتنييييين
لاني انا نفسج ادور المتن
يالله غناتي بايوووو
أقول لك
بشكل عام .. أن الأدوية الطبية من بندول ومضادات حيوية مثل أموكسل ….. وغيرها بكافة أنواعها .. نعم تسبب السمنة.
لماذا ؟؟ حقيقتاً لا أعلم. ولكن أمي تستخدم حبوب خاصة تسببت لها برتفاع وزنها .. ولكن ليست السمنة
كذلك عمتي .. وكذلك أصحابي من هم يعانون من أمراض وراثية
يشتكون من ارتفاع في الوزن.
هذا .. والله أعلم
أختك
الـــــــــــــشيخة
شكرا اخواتي على الردود الطيبه
ادري ازعجتكم بالاسئله:o:o
ممكن سوال:shy:
ايش اسم الحبوب بالظبط لاني ما اعيش في دوله عربيه وما ادري ايش اقول للصيدلاني:confused::down:
فاذا لها اسم معين بالاتجليزي او ايش يكون مكتوب في علبتها؟
يا ريت تقيدوني وباكون من اشد الشاكرين
اختكم
حبوب الخميرة ..معروفة من زمان واغلب الاطباء يوصفونها للبشرة وللنشاط ولوقف تساقط الشعر مثل ماقالت اختي نور الهدى 
انا مجبرتها من زمان .. ولا لها اي اثار جانبية نهائي
اما مسألة انها تسمن او لا .. فهو على حسب قابلية جسمك للسمنة ،، يعني اذا انتي من النوع الي تسمنين على اي شي فممكن تسمنك والعكس
عموما الي خايفه من السمنه تاخذ من حبة -2 باليوم وانشالله ماتأثر على جسمها
انا كنت اخذ من 2 – 3 حبات باليوم ولا سمنتني بس اعطتني نتائج روعة للبشره والشعر ووقف تساقط شعري عليها ، هذا غير اني كنت احس بالنشاط والحيوية عليها .
انا اعرف بنات كانوا ياخذون حبتين مع كل وجبه باليوم عشان يسمنون .. وفعلا سمنوا عليها ،، هذا للي يبغى يسمن
انشالله اكون افتدك