بسم الله الرحمن الرحيم ..,
السلام عليكم بنات عروس ..,
أول مره أعرض تجربتي في شيء جربته .. 
قرأت كثير في مدونة عن (الترمس) .. و أنه يفتح البشره ويوخر الحبوب الي في الوجه
لكن كنت كالعاده ما أصدق أي شيء أقرأه وكان أصلا ذيك الفتره ماتبين الحبوب الي فوجهي
المهم من سنه تقريبا بدأ حب الشباب فوجهي وكان بارز بصراحه وكان على شكل
رؤوس بيضاء .. وكان متعبني ويوجع مرات
كان عندنا كتاب في مكتبتنا في البيت يتكلم عن كل أنواع الخضروات والفواكه والبقوليات
وكيف نتعالج فيها بدل الأدويه ..
والله يابنات من اسبوعين قرأت الكتاب وكان كاتب كل مشكله وحلها فلمحته كتب عن حب
الشباب وحله الترمس .
هنا انا تشجعت اني اشتريه وأستخدمه .. والحمد لله ربي .. خفت الحبوب كثير وتفتحت بشرتي
قليلا .. وأنا أستخدمته فقط بضعة ايام ..
لما أشوف وجهي بالمرايه استانس واحمد ربي ان الحبوب خفت كثيير وقلت بيني وبين
نفسي ليش ما أجربه اسبوع كامل يمكن رح تختفي الحبوب بالمره ..!
الموضوع سهل يابنات .. رحت كارفور واشتريت الترمس وطحنته ..
و خذيت كميه منه ( ملعقه كبيره ) وخلطته مع ماء ورد وملعقه صغيره روب و حليب انكور البودره
مع أنه يابنات تقدرون تستخدمون الترمس وماء الورد فقط ..و
المهم خليته نص ساعه يمكن .. ولاحظت التفتيح وان الحبوب نشفت بعد ما غسلت ويهي
وبعدين جربته فيوم ثاني .. والحمد لله انا مارجعت استخدمه مره ثانيه من الكسل
لكن قلت ماله داعي لأن الحبوب خفت كثير ومارجعت تظهر مره ثانيه .
يا بنات أنا بشرتي دهنيه وحساسه وهذا الي صار معي
أنا ما أدري اذا رح يناسب بشراتكم ولا لاء .. ولا حتى إذا بيضرها ولا لا ء
أنا أقول لكم من الحين ترا كل بشره تختلف عن الثانيه فلا تحملوني مسئوليه
اذا لاسمح الله ماناسب وحده فيكم وتضررت منه ! حتى أنا نفسي ما ادري اذا الخلطه
بتجيب لي اضرار مستقبلا والله العظيم ,
بس من القهر الي فيني من هاذي الحبوب الي منعتني استمتع ببشرتي رحت وجربت
لكن انا اطمنت أكثر لأن الخلطه كانت مكتوبه في كتاب لعالم في الأعشاب يمكن الله أعلم
وانا والله من القهر الي فيني قلت اذا استفدت مارح انسى الموضوع ورح اقول لكل وحده فيها
حبوب على وعسى ينفع لأني أدري كيف الحبوب تقهر الوحده فينا >< حتى مكياج
مانعرف نحط .. بس الحمد لله على كل حال غيرنا فيه ابتلاءات أكثر ..<< احمدوا الله ع النعمه
المهم اذا سألتني وحده هل الترمس الي اشتريتيه حلو ولا مر ؟
فأنا أقولكم والله اني ما ادري انا أخذته من كارفور وطحنته وخلاص !
سوري طولت عليكم بس حبيت اقول شو صار معاي .. لازم اتدرب المرات الجايه كيف اختصر اكثر خخخخ
….
هيه صح الي تبا تعرف اسم الكتاب الي قراته ترا هو (أعشاب ونباتات طبيه للتداوي بها في متناول يدك ) للأستاذ محمد عبد الرحيم .
موضوع مفيد جدا
شكرا لك يا فريدة
العفو يا قلبي .. موفقات يابنات ..,
الترمس بالفعل ممتاز وعن تجربة انا استعمله هذه الايام وبشرتي ماشاء الله صافية ومتوردة .
استعمل ملعقة ترمس مطحون مع مخفف خل التفاح وماء الورد وملعقة زبادي.
تم التقييم & لايك
مشكـــوورة اختي على طرح تجربتج
بس بســآآلج مـن اي صووب فـ كــآآفوور اخذتيــهـ ..؟؟