هلا خواتي،
بغيت أسالكم اذا حد منكم جرب ياخذ حبوب بذرة الكتان وشو اسمها بالإنجليزي وهلا نشتريها من الصيدلية ولا من مكان معين ،، واللي جربت هل لها نفس مفعول الحبة نفسها اذا تاكلينها بطبيعتها ؟؟؟ وكم ينزل في الإسبوع ؟؟؟
اللي جربت تفيدنا ويزاها الله الف خير مقدماً
يعني عندكم من السوبر ماركت,,,
تستعملينها مع السلطه,,,, تنحف وتزيد من هرمونات الانوثه,,,,
بالنسبه لبذرة الكتان أنا مجربتها وفي طور التجربه للحين بس نتايجها مبينه معاي بصراحه نزل وزني بس لا تسألوني كم لاني ما اجرب ناحية الميزان اعتمد على رد فعل المعارف والأهل وقياس الملابس بصراحه حلوه ومو مثل باقي الخلطات اللي تنزل في يومين وترجعين بعدها مثل أول وزياده وقبل لا ينغلق المنتدى أنا رديت على أختي أسامي وذكرتلها بعض المعلومات بس ما أدري ليش الحين انحذفت وهذا اسمها بالانجليزي Linum Usitatissimum بس يبيلها تصبرين عليها يعني مو بين يوم وليله تنحفين ,,, أنا عن نفسي أخذها أيام الفطر الصبح ع الريق وما أكل شي لمدة ربع ساعه وقبل الغدا نفس الشي وقبل لا أنام بمقدار ملعقة شاي وحاليا في رمضان أكلها بعد الفطور بساعه ونص تقريبا وقبل السحور…وأنا اشتريها من عند العطار
وهذي صورتها
اتمنى أكون افدتكم
تحياتي للجميع: شيتا
لا ما تسوي اسهال بس مدره للبول الله يعزج بس بصوره غير مزعجه واخذيها حبوب غير مطحونه بمقدار ملعقه صغيره قبل كل وجبه طبعا في رمضان بعد الفطور بساعه ونص أنا اخذها وقبل السحور وفي الأيام العاديه الصبح ع الريق وما أكل شي لمدة ربع ساعه وقبل الغدا نفس الشي وقبل النوم ولا تخافي ما بتكون مزعجه أثناء النوم لانها ما راح تترددج كثير ع الحمام وانتوا بكرامه <<<< هذا حسب جدولي وانتي براحتج
تحياتي لج : شيتا
لكن ضروري تطحنين الحبه لأنك اذا اخذتيها من دون ماتطحنينها ماراح تستفيدين منها راح تنزل كما هي وبعد في كل مره تطحنين قليل لأن هذي البذره تحتوي على زيوت طياره وبالتالي راح تخسرين فايدتها اذا بقت مطحونه لفتره
والله لازم تنطحن عيل أنا قالولي لا تطحنيها وبصراحه محصله منها فايده بس مو مشكله نجرب بالطحان ليش لا
يعطيج العافيه
تحياتي : شيتا