كيفكم بنات اتمنى الكل يكون بخير وعافيه
اليوم عندي نصيحه لكل بنت تعاني من حب الشباب مثلي .. وراح اكتب لكم تجربتي
انا اعاني من حب الشباب ومن انا عمري14 سنه وطبعا استمر معاي المهم لما صار عمري 17 رحت عند دكتوره الله يسامحها:ss: قالتلي انتي مالج غير الكرتزون لان الهرمونات عندج مرتفعه وسوتلي التحاليل وكل شي طلع اوكي
المهم واستخدمته لمده 6 شهور وبشرتي صفت وصارت تلق بس بعد ماخليته بشهرين رجع كل شي على ماكان عليه ويمكن اسواا
المهم انا تزوجت وسافرت للخارج للدراسه واليوم يابنات رحت لدكتوره على اساس اني ابي اتعالج فسالتني انت اي ادويه كنتي تستخدمين قلتلها استخدمت حبوب الكرتزون؟ طبعا كان ودي كلكم تشوفون علامة الدهشه على ويهها :eek:والله كذي.
. قلتها ليش ؟ قالت هذا خطير كيف تعطيج اياه قالت انه يسبب ضعف مفاصل وهشاشه عظام على المدى البعيد والله يابنات اني شوي وبصيح من الخوف وانا ابلعه منه 6 اشهور على حسب كلام الدكتوره الله يسامحهاا
المهم حبيت انصحكم يابنات انتبهوا من الكرتزون ولا ترضون تاخذونه وتغريكم النتيجه السريعه خليكم على الكريمات .. طبعا انا لما كنت استخدمه سبب لي جفاف في العين وتساقط فالشعر وزياااااااااااااااااده غير طبيعه بالوزن يعني ودي بس تاكلين
وهذي خلاصة تجربتي بس ابي انصحكم ولا تتورطون مثلي الله يبعد عنكم الشر:15:
الله يبعد عنك كل شر
وصادقة اختي ان الكرتزون اضراره كثير وكانت زميلتي تستخدمه
وكان وزنها 45 كيلو ولما استخدمت الكورتزون صارت تقريبا في السبعين
سمينه مررررررررررة وتساقط شعرها وصار زي المتقطع
وصحيح يسبب هشاشة عظام
دمتي بكل الود