ازيكم يا عرايس؟؟؟؟
أنا متابعة للمنتدى من مدة و مواضيعكم بجد مفيده بشكر كل وحده كتبت موضوع نيتها فيه تساعد غيرها وربنا يجازيكم خير
ودي أول مره أكتب فيها و أطلب مساعدتكم فياريت متخيبوش ظني فيكم و متبخلوش بنصايحكم..
طبعا عرفتو انا بكلم عن ايه من عنوان الموضوع..انا بشرتي لونها أبيض و حساسة قوي و فيها عيبين العيب الأولاني هو حب الشباب الي بيشوهها ولما يروح يسيب آتار و بقع ..والعيب التاني اني وشي بيسمر بسرعه من الشمس يعني عامل زي مغناطيس لأشعة الشمس 
بالنسبة لمشكلة حب الشباب السنة الي فاتت رحت أخصائي جلد وفي الأول قالي ان حب الشباب الي عندي خفيف ومش حياخد أكتر من 6 شهور علاج ده على أكبر تقدير ..المهم فضلت مع الدكتور 9 شهور عشان الدكتور كان مادي جدا وحاول يطول مدة العلاج بس قلت ما علينا عشان الحمد لله الحبوب راحت ومبقتش أشوفها غير في مدة معينة من الشهر انتو عارفينها و بتبقى حبه و لا اتنين..
المشكلة التانيه الي هي اسمرار وشي بقيت بعمل واقي من الشمس طول أيام السنه سواء صيف أو شتا بستعمل نوعين واحد اسمو Avene و التاني soladerme بغير كل كام شهر بين الاتنين عشان البشرة لما بتتعود على حاجه مفعولها بيقل..الاتنين دول عامل الوقاية فيهم من الشمس كبير جدا 60+spf وهما للبشرة الحساسة ..
لحد هنا وكلو تمام..بس للأسف من كام شهر رجع حب الشباب تاني الكل قالي دي مشكله ملهاش حل و فتره و حتعدي بس انا قررت اعمل علاج تاني دورت على أحسن عياده عندنا ادتني موعد فشهر 8 يعني لسه كتير و انا كتب كتابي فشهر 7 كنت عايزة اتخلص من مشكلة حب الشباب قيل كده
وما يزيد الطين بلة!!! هو اني بالرغم من كل الاحتياطات الي بعملها لوشي و الواقي الشمسي بردو بتأثر الشمس فيه وبتغير لون وشي وعشان انا لابسه حجاب بيبقى فيه لونين يعني الجزء الي مخفي ورى الحجاب أبيض و الجزء الباين أغمق..لما بشيل الحجاب ببقى عامله زي الي حاطه على وشها ماسك..
آسفه طولت عليكم بس حبيت أشرحلكم الحاااااااالة بالتفصيل والي بطلبو منكم الي عندها مستحضرات أو خلطات طبيعية مجربينها تنفع للمشاكل دي :
حب الشباب
بقع
تبييض البشرة..مش تبييض الأدق ترجع البشره للونها ..
ياريت تشاريكنا بيها و ربنا يجازيها كل خير
ومعلش حاجه أخيرة ياريت الي تقترح حاجه تقلي بتجيبها منين يعني من الصيدليه و لا العطار و يا ريت تاخدو بعين الاعتبار اني من المغرب وفي اسماء حاجات طبيعيه بتقولوها مش بفهمها وساعات بتبقى مش متوفرة عندنا………
أختكم ماياروز
انا كتب كتابي قرب ياريت تساعدوني :confused:
فشلتوووووووووووووووووني:confused:
عموما مشكورين
خميرة-عسل- زيت زيتون -عصير حامضة.تخلط هذه العناصر وتوضع على الوجه نصف ساعة ثم يغسل الوجه ويمسح بعد ذلك بعصير الحامض ويترك 10دقائق ثم يغسل.
بالتوفيق ان شاء الله