السلام عليكم ورحمة الله وبركاته
يبتلكم اليوم حركات رومانسيه بسيطه و سهله و ان شاء الله تعيبكم
و لا تنسونا من الدعاء الصالح
الحركه الاولى:
انثري ورد على السرير على شكل قلب…سهله ما يبالها شي
الحركه الثانيه
انثري على مدخل البيت الخارجي لين المدخل الداخلي ورد و جلتر..احتفالا برجوعه من الشغل..مره عاد مب كل يوم لووول
الحركه الثالثه
ارسليله باقة ورد للدوام..بس طبعا جسي النبض قبل..يمكن ريلج ما يحب هالحركات او ينحرج
عندكم شجره في بيتكم او في حديقة دايما تسيرولها..او في العزبه
احفرو عليها حروف حبكم
الحركه الخامسه
سأليه اذا يبا عصير…و هاتيله اياه في كوب كبير و حطي مصاصتين وحده لج و وحده له في نفس الكوب…مصاصه = سترو << بس ما عرفت مثنى سترو لووول
الحركه السادسه
حطيله عدال كمبيوتره شرات هاي الحركه
بس لا تتكلمين و لا تقوليله شفت شوووو حطيتلك سوالف الحريم هاي..خلج ساكته لين ما هوو يتكلم و لو عقب شهر
حطيله رسالة حب بين اغراضه كل فتره..ابيات شعريه و اي شي من هالدلع
و الحين حركات البحر
الحركه الاولى
سيرو البحر و امشو على الشاطئ خذولكم مشيه طويله..لونج ووك يعني و سوالف و رومانسيه و ضحك
الحركه الثانيه
مع بعض على شاطئ البحر ابنولكم قلعه…يعني سوو هالشي مع بعض..بس ويا خليجي صعبه الصراحه..الا اذا كان يتمتع بروح دعابه و يحبج وايد
الحركه الثالثه و الاخيره
ارسمي له قلب على الشاطئ و هو بعيد و فاجئيه
و اكتبي حرفه او اسمه فيه
بالعافيه عليكم و لا تنسونا من الدعاء
هلا يا قمر..
يعطيك العافيه حبيبتي عالحب والرومانسيه اللي مسويته لنا..
افكار حلوه وبسيطه نسعد فيها ازواجنا..
تسلمين يا قمر..
ولا تحرمينا من جديدك..
افكار حلووووووووووووووووة
وفكرة شكل القلب جنب كمبيوتره ما تصلح لأنه ماراح يقول شي
وانا ماراح اقدر اضل ساكته خخخخخخ
عموما افكار حلوه ورومانسيه
مشكوره عزيزتي
السلام عليكم اختي الغالية ..
ماشاء الله عليك دائما متميزة بذوقك الحلو وافكارك الروعة
مشكووورة والله يعطيك العافية
واحنا بانتظار كل ماهو جديد لديك