حركة بسيطة من زوجي خلتني أطير ! 2024.

حبيت اقولكم ان تاريخ 12-6 انا وزجي كملنا 4 سنوات مع بعض على الحلو والمر:o

طبعا هاليووم غالي ع الكل وغالي علي وعلى زوجي ، بحكم اني حامل توني

فللأسف ماسويت لزوجي هالمرة شي وفكرت اخذ هدية بس تعيجززت ومالي

خلق ولا شي وقلت ان شاء الله راح اعووض بالمرة الجااية وهو اكيد عاذررني ..

ليلتها كنت طالعه ورايحة بيت يدي وهو على زام آخر ليل يعني ماراح يكون وياي ليلتها

بظروف شغله ، بعدين وصلني البيت خالي ومشى ، وأول مابدش غررفتي جاان اشووف

شي >>> تدروون خل احط الصوور وافصل لكم

هذا باب غرفتنا كان مسكرر ومحطوطة هالوورقة

بسويها لكم زووووووم لحظة

واضح الخط اول لا ؟؟(a) وغلط زوجي في الاخير بدل لا يكتب المكرويف كتب الماكريوف

معليشش مشيتها له لوووووووول

عاد انا ماصدقت رحت ع المطببخ افتح المكرويف 😎

جان صدمني بعد ورررررقه !!! ههههههههههه يلعب وياي طلع 😎

وهذي زوووووووم اكثررر

عاد انا جفت مكتوب حووض السمج قلت اكيد شاري لي سمج وبوزت شوي هههههههههه

تابعته ورحت ع حوض السمج وللأسف ماكو هدية ولا هم يحزنووون 😡 قلبت الورقة عشان

اشوف آخررتهاا وياه :15:

يعرفني ادور الهدية وانا اركض ههههههههههه بس قلت خل يتصل اززفه تعبني اليووم :confused:

لا ماتعبتني ابد :confused: بعدين عرف اني حامل وبتعب لووووووولز

عاد انا حسيت ان اخر شي راح يكون بالابتوب بعد اذا مو موجودة هونت مابيها >>> لاتصدقونها

اطل ع الشنطة هههههههههههاي:cool:

شلتهاا وبطلتهااا طبعا وطلعت لي هذي

صرت جذي قلت وأخيرا حصلتهاا بعد التعب :tongue:

هذا البووكس وهذي الوررقة اللي وياهااا >>> ليكون بعد كاتب مو هذي الهدية هههههههه

لا اتغشمرر الحين اقولكم شنو مكتووب فيها

مادري اذا فهتتوو خط زوجي او لا المهم انا فهمته ههههههههههه(a)

وبطلت الهدية طبعاااااااا وكانت

سلسال ذهب وآية الكررررسي

طبعاا انا استانست واااااايد مو عشان الهديه عشان اول شي تذكرر هاليووم وعشان

الحرركة الحلوة اللي سواها هي صج بسيطة وايد بس هو متأخر ووراه دوااام ، فررحت وايد وطررت من الفررحة

الله يخليي لي زوجي ياارب ولا يحرمني منه ..