السلام عليكم
مبروك عليكم رمضان مقدما هذي اول مشاركه لي وانشالله تلاقي اقبال منكم يا بنات وتعجبكم بما انه رمضان على الابواب شرايكم كل وحده فينا تكتب نوع حشوة السمبوسه الي تستخدمها والكل يستفيد وانا بكتب كذا نوع
سمبوسه الدجاج والشبث
دجاجه مقطعه صغيره جدا – شبث – فلفل اسود ملح – بصله مفرومه
اقلي البصل حتى يصير شفاف واضيفي الدجاج واتركيه على النار وثم اضيفي باقي المواد وقومي بحشي السمبوسه بها والمميز بهذي السمبوسه هو عند التقديم قومي بتقطيع شرائح ليمون وقدميها للضيوف او الاهل بحيث يعصرون اليمون في السمبوسه وتؤكل لذيــــــــــــــــــــــــــــــــــــــــــــذه بشكل تعلمتها من صديقتي اتمنى تعجبكم
سمبوسه جبنه فيتا
جبنه فيتا – جبنه موزوريلا – قليل من الفلفل الاسود
لاتحتاجين للملح لانه الفيتا مالحه وعند خلطها وحشوها بالسمبوسه عند القلي وقضم هذي السمبوسه تصبح جبنه المزوريلا ذائبه ومطاطه مثل البيتزا يم يم
سمبوسه الدجاج بالجبن
دجاجه مسلوقه ومفرومه – ذره – جبن كرافت سائل – جزر مبشور – ملح – فلفل اسود –
يخلط الكل تتميز هذي السمبوسه بطعم الدجاج مع الجبن والذره وهي ممتازة للكبار والصغار
سمبوسه اللحم
لحم مفروم – بصله مفرومه – خضار مجمده مشكله – بهارات حسب الرغبه – ملح – فلفل اخضر حار – قليل من صلصه الطماطم
يقلى البصل حتى يصبح شفاف يضاف الفلفل ويشوح ثم اللحم ويترك حتى ينشف مائه ويضاف الخضار والبهارات والصلصله والملح ثم تحشى السمبوسه
عورتوا قلبي الله يسامحكم لهل درجه موضوعي مو حلو :pain:
تقدرين تضفين بعد حشوة الخضار
وحشوة الجبن مع البقدرنس
ويعطيكم العااافيه :clap:
دمتم بود
مشكوره على الوصفات ( يم يم )
الله يعطيك العافيه
نحن دايما في رمضان نسويها..
و ممكن تخلطين مكعبات بطاطس مطبوخة مع جزر مبشور وشوي بازلاء تطلع حشوة خضار حلوة
ومشكورة على الموضوع الحلو
والله اني قاعده ادور حشوات جديده00:clap:
تخبرين قبل رمضان الله يشرفه – خاصه اني هاليومين الف السمبوسه واحطها في الفريزر عن الزحمه في رمضان الله يشرفه 0
اعجبتني الدجاج والشبت شكلي بجربها 0
بس اضاافه :
فيه حشوة خضار حلوة اللي هي تسلقين بطاطس وبعدين تصفينه من المااء وتهرسينه زين وتخلطين معه ذره وبازلا وجزر مبشوور وتحشين << مره حلوة اذا قليتيها
واليوم جربت احشي السمبوسه بجبنه فيتا +جبنه سايله + فلفل بارد +نعناع مفروم
طلعت لذييييييييييييييييييييييييييييييذه جداااا
>> لاتلومونها عندها اخوو نبااتي واخو ماياكل الا لحم:gum:
شكرا يالغلاا 0