السلام عليكم ورحمة الله وبركاته
شخباركم عروسات؟
اليوم بحط لكم صور حفلة تخرجي من الجامعه اللي كانت في تاريخ 30-5-2009
بس الصور كانو ضايعين من عندي ومن حظكم اليوم لقيتهم وقلت بحطهم لكم
الحفله كانت بسيطه جدا في صالة بيتنا
والمدعويين كانو بنات عمتي وبنات عمي
وبنات خالي وبنات خالتي
وصديقاتي الثلاث
ثيم الحفله كان بثلاث الوان البيج والذهبي والاسود
تزيين الصاله اكتفيت بنفاخات بألوان الثيم
النفاخات السود دار راسي وانا ادورهم آخر شي حصلت لونهم اسود بس عليهم رسمت جمجمه وقلت العوض ولا الحريمه
لصقتهم وخليت الجمجمه ما تبين بس مع الهوا النفاخات يتفرفرون وتطلع الجمجمه
اجرت كراسي وكنت ابي اسويلهم لبس باللون البيج والذهبي والاسود بس ماكان في وقت وخليتهم مثل ما اهم
سويت مسابقات وجهزت الهدايا
هذي طاولة المسابقات ويمها طاوله مغطيه بالذهبي وعليها ستاند التوزيعات
لاب توبي طالع فالصوره لاني كنت ميمعه اناشيد تخرج حلوه وحطيتها فالحفله
هذي طاوله الاكل قبل لنحطها فالميلس لان هناك بيكون الاكل
التوزيعات عن قرب
وطبعا انا شريتهم واشتغلت عليهم وفكرة الستاند بعد من مخي وشغلي
كيكة الحفله هديه من امي وابوي الله يخليهم لنا ويطول بعمرهم
الهدايا اللي حصلتها
ماصورتهم واهم مغلفين عمتي بطلتهم كلهم قبل لا اصور
قبل الحفله بخمس دقايق وصلني مسج من صديقتي الغاليه وقالت لي عندي ظروف وماقدر ايي 
نهاية الحفله حبيت اشكر عماتي وبنت عمتي اللي ساعدوني فالحفله الله يعطيهم العافيه وفكرت في طريقه خاصه اشكرهم فيها
فسويت لكل وحده شهاده تقدير وشريت لهم هديه بسيطه وعطيتهم اياهم قبل لا اقص الكيكه
الحمدلله الحفله كانت مرتبه وبسيطه
ماشاااااء التوزيعات جدا راقيه
والاهم انها من شغل ايدك
تسلم الايادي
عجبوني الستاند + الكيكه
عاد دعواتج لنا بالنجاح ان شاء الله
الف مبروك التخرج
نوارة الحياة2
الله يبارك في حياتج اختي
والله يسلمج
نورتي الموضوع بطلتج 
غاليه بنت عبدالله
الله يوفق الجميع اختي
والله يوفقج وتنجحين بتفوق وتحطين لنا صور حفله تخرجج
اسعدني مرورج وردج
مكعبات سكر
الله يبارك في حياتج اختي
مرورج في الموضوع الاحلى
ماشاااااء التوزيعات جدا راقيه
والاهم انها من شغل ايدك
تسلم الايادي
DarkStar
الله يبارك في حياتج اختي
الله يسلمج
تسلمين على المرور
اموت فى حفلات البنات
بنبقى واخدين راحتنا