——————————————————————————–
هالموضووع قريته وعيبني ونقلته وطرحته في هالمنتدى .. موضوع وااايد حسااس ..
هذا موضوع نبى نتناقش فيه ،،، انتوا اقروا وقولولي شو رايكم في هالبنت ؟؟!!
في الجامعة .. مجموعة بنات بيستخدمن المصعد .. وهن داخلاتنه .. لقن فيه واحد …
اسمر .. لابس بدلة … و واقف في المصعد ..
دخلن …
وطاحت شيلة وحدة منهن …… لكن … ما عدلتها!!!!!!
خلتها جي طايحة …
جان يقولن البنات :عدلي الشيلة وغطي شعرج ريال في المصعد !!!!!!!!!
قالت بكل لا مبالاة : عاااااااااادي ….. الا هندي هو !!!
وصلن البنات للدور اللي يبغنه و وقف المصعد ..
جان يلتفت الريال للي طايحة شيلتها وهو ياي بيطلع وقال :
جي والهندي مب ريال؟!؟!؟!؟!
صخـــــــــــــــت …. طلع دكتور مواطن يدرس في الجامعة .. بس مب لابس كندورة!!!
شو رايكم ؟!
ليش هاي النظرة للهندي على انه عادي مب شرط نلتزم جدامه وكانه محرم .. اما المواطن حتى لو محرم فالمستحى جدامه يبلغ مداه وما تظهر ولا شعرة !!" مش دايما طبعا .. في ناس فاصخة الحيا مولية " …..
شو سبب هالظاهرة ؟! … او العادة؟!
من المسؤول؟! … و وين بتوصل فينا؟!
للامانة منقول اافائدة
حتى لو تلاحظن في الاسواق تدخا البنت المحل وهي متغشية وتشل الغشوة جدام الهندي ومن يدخل مواطن المحل تارد تتغشى
بذمتكن منو اللي بيخاف عليج اكثر هالهندي والا ولد البىد
المواطن شايف خير وعنده اهلهلكن الهندي بعيد عن اهله
هالموضوع وااااااااااااايد قاهرني وباط جبدي
بس شنقول غير الله يهديهم بس
لي رجعه إن شاء الله ……..
اختج في الله
بنت العين
الرجل رجل والحرام حرام
ولكن ماذا نقول ناس عقولهم متحجره واللي يرغبون فيه يحللوونه واللي مايرغبون فيه يحرمونه
الله يهديهم ويصلحهم ان شاء الله
شكرا لك على طرح الموضوع وان شاء الله نرى مشاركات البنات وارائهم بالموضوع
دمتم سالمين
اختكم شريفة
هذا اللي يصير في السوق
حبيبتي مب جذه بس
الحين اصلا الريال اللي عندال حرمته طالع مب ريال مخلينها على راحتها مش متغشية وكل ريال يطوف يناظرها واهو مثل اللي يقول تعالو شوفو حرمت ي شحلاتها
الحين العنز لو سوت ميك اب بتطلع جنها هيفا وهبي الله يخلي عمليات التجميل والمكياج
اللهم يا رب نسألك حسن الخاتمة والله مصايب بها الزمن
الا هو هندي أو اجنبي ..
وياكثر البنات اللي طايحات شيلتهن في الكليات والجامعات ومن يدخل مواطن
تحطها اللهم ياكافي
بس صدق صدق هو قلة ايمان ولا استهباااااااااااااااااااال؟؟؟
ولا مايعرفون انه الريال ريال..هندي زلمة …مصري ..مواطن
يبقى غريب عنها وأجنبي
الله يهديهن البنات
مشكوورة حبيبتي عالموضوع
للاسف كذا مره يصادفني موقف جذي واتنرفز
الريال ريال … مو بجنسيته
وكذا مره اشوف عندنا بالكليه بعض المتنقبات لمن يمرون جدام عامل النظافه تنزل نقابها !!!
ولمن تشوف دكتور ترفعه بسرعه !!!
لوووووووول
شالنفاق ؟؟!!
مشكووره اختي
والله يعطيج العافيه
الله يهدي الجميع يارب
كنت في القريه واقفه عند محل…ين بنات شله كبيره…كلهن متغشايت..وكلهن رفعن العشوه وقامن يرمس ويا راعي المحل وهو يمني وربيعه حذاله…يعني صج صج انقهرت…منهن….يا تتغشن يا تعقن الغشوه…