المهم المقادير عادية وخبصة بس طلع حلو
المقادير
1- علبة حليب طازج المراعي او العين او أي نوع المهم العلبة المتوسطة الي فيها 500 مل
2- علبة كريمة الخفق أنا سويت المراعي مكتوب عليها كريمة الخفق تنفع للحلويات او القهوة
3- وعلبة دريم ويب الكبيرة الي فيها 4 أظرف
4- فراولة طازجة بس أنا ما عندي طازج سويت الفراولة المثلجة حطيتها بشوية ماي مدة 5 دقايق وذابت حتى اقل عن 5 دقايق بس كمية الفراولة مو وايد لان انا زيدت الفراولة وطلعت شوي حامضة يعني ممكن تحطي مقدار الفراولة ما يقارب 4 ملاعق اكل او ثلاث أرباع الكوب
5- علبتين جلي أحمر فراولة ( في حالة استخدمتي الجلي لاتضعي الايسكريم في الفريزر وإذا استغنيتي عن الجلي عادي تحطي الايسكريم في الفريزر )
الطريقة
1- اغلي ماي وذوبي فيه الجلي ماي شوي يعني كوبين كل كيس كوب وخليه يبرد
2- اخفقي كريمة الدريم ويب
3- حطي الفراولة مع الحليب مع كريمة الخفق في خلاط العصير واخلطيهم زين وبعدين كبي هالخليط على الكريمة وكبي عليه الجلي بعد ما يكون برد طبعا وإذا حابة تحليه حطي سكر أسمر أو عسل أو بدون سكر عادي أنا حطيت سكر أسمر
الزينة
الحين أنا سويت 3 طرق
1- غلفت بايركس صغير بورق شفاف العادي الي نستخدمه بالطبخ يعني فرشته في البايركس الصغير حتى من الجوانب يعني خليت أطرافه خارج الصحن عشان أقدر أتحكم فيه وكسرت بسكويت في الصحن وكبيت ربع الخليط وحطيته في الثلاجة
2- نفس الطريقة بس بدل البسكويت حطيت فستق
3-والثالث سادة بدون شي حتى بدون ما أحد نايلون شفاف
التقديم الصحون الصغيره بعد ماتبرد بعد حوالي 4 ساعات أقلبها في صحن التقديم وأشيل الورق بينزل بكل سهولة عادي وأزينة بكاكاو هيرشي حسب ذوقج والبسكويت والمكسرات
التقديم الثاني بالنسبة للسادة أغرف بملعقة في صحن التقديم مال الايسكريم وأزينه حسب رغبتي أرش تحتالايسكريم مكسرات وفوقه كاكاو هيرشي ومكسرات أو فواكهه مجففه هالشي انتي وذوقج أو كاكاو بودرة أو بسكويت أي شي تحبيه :L:
اسمحولي ما حطيت الصور لأنه من كم يوم مسوية الحلوى ونسيت أصور بس بالحلوى الثاني بصوره ولا يهمكم بسوي نفسه بس كاكاو لأن بالبيت طلبوه بس بالكاكاو :p
ها عجبكم ترا عمله سهل ما ياخذ وقت بس كله خلط F:
تسلمي على وصفة
مشكورة تسلمي
يعطيك العافيه
لازم اطبقها
وهي روععه مثل صاحبتها
سلمت اناملك ويداك
جزاك الله خير
رذن
يعطيج الف عافيه
F:
روز تسلمي الغالية على المرور بس حاولي تجربيها
ويعطيكي العافيه
😉 تسلم ايدك حبيبتى