قبل أكثر من سنتين تقريبآ كنت منزله طريقة حلاوة الحليب أو حلوى الحليب …
هالحلاوه تجننننن تجنننن أموووووت عليها
وكنت أسويها بطريقه مختلفه وكانت تطلع جامده وايد ويابسه وناشفه ..بمعنى ثاني ماكنت اضبطها عدل
بس الحين عدلت الطريقه ..بعد ماسألت أكثر عنها عند اللي يضبطونها ..
بس امشوا مع الخطوات عدل معاي
وحطوا في بالكم قياس الكوب تستخدمونه نفسه في كل المقادير حتى القطر(الشيره)..
أول شي مقادير الحلاوه :
كوب حليب بودر
كوب طحين جميع الاستعمالات
كوب نشا
كوب خليط من الزبده وزيت الذره (انا احط ثلاث ارباع الكوب زبده وأكمل على الكوب بالزيت)
الطريقه:
أول شي احط الحليب والطحين والنشا في مقلاه عميقه شوي
ثاني شي اذوب الزبده والزيت
واضيفهم لخليط الطحين والحليب والنشا في المقلاه
اشغل الفرن على نار وسط وابتدي اقلب لين ما يصير لون الخليط بني فاتح ..مثل الصوره
اشيل المقلاه من النار ..وأسخن ماي حار للشيره
مقادير الشيره (القطر):
كوبين سكر
كوب ماي مغلي
نقطة عصير ليمون(ربع ملعقه صغيره أو اقل شويه)
الطريقه:
في جدر صغير احط السكر والماي المغلي واخلي الجدر على نار حاميه وأول ما اشوف السكر ذاب ارفعه عن النار و احط الليمون نقطه أو نقطتين مب أكثر .. (ماانتظر الشيره تغلظ أبيها خفيفه مثل الماي)
وفورآ اصب الشيره على الخليط اللي عندي وعلى نار وسط اخلط دقيقتين أو أقل ..لين مايغلظ شووووي بس
واصبه في صحون وأقدمه دافي مع القهوه وبالعافيه
ولا تحرموني من ردودكم وتقييماتكم الحلوه اللي ترفع معنوياتي
 |
اقتباس |  |
 |
المشاركة الأساسية كتبها كتكوته نايمه  |
 |
 |
| هالحلاوه تجننننن تجنننن أموووووت عليها | ||
 |
 |
انا فعلا اول مره بشوفه وشكله لذيذ
يشبه المهلبيه
ويعطيكي العافيه
تسلم ايدك يالغلا
تم الحفظ للتطبيق ..