بعد التشجيع الي لقينه باطباقي السابقه …و الي و الحمد الله نالت اعجابكم
اليوم يايه لكم طبق حلو باااارد و لذيذ و ان شاء الله يعجبكم بعد
ندخل في الموضوع على طول
المقادير
اناناس معلب .. و نحتفض بالعصير
علبه فيلادلفيا الكبيره او علبتين صغار 250 جرام …او حسب ما تحبين نكهت الجبن بالاكل تزيدين او تنقصين
تقريبا كوبين كريمه مخفوقه.. .. ويب كريم …دريم ويب تسوينه مثل التعليمات الي على العلبه ……
4 م ك طحين
4 م ك سكر
بسكويت
الطريقه
اول شي نصف الاناناس في الصحن مثل الصوره
ثاني شي ناخذ ماء الاناناس ((العصير الي بالعلبه)) و نحطه في قدر على النار مع السكر و الطحين
و نستمر في التحريك حتى نحصل على صلصه غليظه …يعني و انتي تحركين بتلاحظين ان علامات الملعقه ما تروح بسرعه تعرفين انه صار غليظ
بعدين تسكب الصوص الي صار عندنا على الاناناس .. و ندخله الثلاجه يبرد .
في هذي الاثناء تخفق الجبن لين يصير طري …و بعدين نضيف عليه الكريمه المخفوقه ..
ملاحظه :: كميه الجبن و الكريمه تعتمد على الذوق الشخصي …يعني اذا تبين طعم الجبن اقوى زيدي جبن … و اذا تبين طعمه اخف زيدي كريمه …يعني ذوقوا و لين توصلون للطعم الي يعجبكم
بعد ما برد الطبق نطلعه من الثلاجه و نحط عليه الكريمه بالجبن الي سويناها
و اخر شي نزينها بالبسكويت المفتت او المطحون …او كل وحده تزين على كيفها … و نحطه بالثلاجه يبرد لحين التقدين
و هني و عافيه
و ان شاء الله يعجبكم
تسلمين حبيبتي على هذه الوصفة الرائعة
راح اطبقهة ان شاء الله و مشكورة:clap:
وانا بجربه بكره ان شاااء الله
وننتظر كل جديدج
نونو …و ربي يسلمج …. و راح اتنظرج باجر و اسمع اخبار تجربتج و ان شاء الله تعجبج …
ام المجاهد …نورتي الموضوع و كل المواضيع …شكرا على المرور و المشاركه