السلام عليكم ورحمة الله وبركاته
شخباركم حبوبات؟
هذي اول موضوع لي في قسم الطبخ
ويمكن يكون موجود من قبل في المنتدى
سمعت ان عمتي عندها ضيوف باجر واهي مسكينه مريضه الله يشفيها وما تقدر تسوي لهم شي
فقلت بسويلها حلى ومنها اني حصلت شي احطه لكم في هالقسم
وقعدت افكر وافكر يلا يا رحوله الحبوبه فكري
وتذكرت حلى سهل وبنفس الوقت لذيذ
والاغراض متوفره في البيت
بس حبيت ازيد عليه اضافات فالتزيين عشان يطلع منظره حلو وشهي ويبيض الويه جدام الضيوف
الحلى اهو : حلى السميد النوتيلا
مقادير العجينه:
كأس ونص سميد
كأس حليب بودر
كأس سكر ناعم
علبة قشطه
ملعقه صغيره نسكافيه
ملعقه كبيره ونص كاكاو بودر
للتزيين:
فستق مطحون
فستق صحيح
جوز الهند مبشور
كاكاو نوتيلا
الطريقه:
نحط المقادير الجافه اللي اهي السميد والحليب والسكر على النار
ونحركهم لين يصير لونهم اشقر
نضيف عليهم علبة القشطه والنسكافيه والكاكاو البودر ونبتدي نخلط
لين تتحول لنا المقادير الى عجينه متماسكه
صوره من كواليس العمل
نبدأ نشكلها في قوالب اذا وجدت
او تقدرون تكورونها وتضغطون على الكره ضغطه بسيطه لين يصير عندنا شكل قرص
انا هني استخدمت القالب احلى وارتب
عقب ما نشكل العجينه نمسح الاشكال بكاكاو نوتيلا ونغمسها في الفستق المطحون او جوز الهند او نحط عليها حبه فستق صحيحه
وانا هني نوعت مره فستق ومره جوز هند ومره حبه فستق صحيحه ومره بس النوتيلا
وهذي الشكل النهائي للصينيه
الموضوع حصري فقط لعروس واللي تحب تنقله تذكر اسمي والمصدر
أول شي الله يشافي عمتج و تقوم بالسلامة، و قدامها العافية إن شاء الله…
و تسلم إيدج على الحلى اللذيذ… أنا مجربته من قبل و فعلاً طعمه رااائع…
و أفكارج في التقديم حلوة ما شاء الله عليج… عجبتني القوالب 
عساج عالقوة F:
Daisy Ash
آمين الله يشفيها ويشفي مرضى المسلمين
الله يسلمج حبوبه
تسلمين اختي مرورج في موضوعي الاحلى
فعلا أعطيتينا فكره حلوة و سهله جدا و مبتكره…
يعطيكي العافيه أختي راحيل
سؤال صغير…تعتقدي بتفرق لو إستعملت السكر العادي مش المطحون ؟
مرموم
الله يعافيج حبوبه
بالنسبه حق سؤالج
انا اول مره اجربها تكيسلت اني اطحن السكر
بس اكتشفت بعدين ان خربلي الطعم لان صار يتقرمش مع باقي المقادير
كلش كلش ماعجبني
السكر المطحون افضل لان ما يبين بعدين
وتسلمين اختي على الطله الحلوه
شكلي بجربه
الله يشفي عمتك ياغالية
يعطيك الف عافية