كيف حال الجميع؟؟
أتمنى بخير..
سألتني أحدى الأخوات عن طريقة الحمام المغربي بالبيت..
عطيتها الطريقة.. وأنشرها لكم .. لتعم الفائدة..
(((أول شي تخلين الصابون المغربي يذوب… ( ذوبيه في علبة مع ماي ساخن) وخليه جاهز للأستخدام أي وقت
بعدين لازم يكون عندج جهاز بخار.. ينباع في الصيدليات والمحلات..
أذا ما عندج أو ما تبين تشترين.. خذي قدر أو قدرين ماي( على حسب حجم الحمام) وحطيه على سخان صغير في الحمام .. غسلي جسمك وريحي أعصابك.. حرب هههههه..
وخلي الماي يغلي لما يصير الحمام ما تشوفين أيدج من البخار.. زين؟
بعدين نشفي جسمك.. بس مو تخلينه ناشف حيل.. لا رطب شوي
وخذي الصابون المغربي السايل وفركي به جسمك كله وخليه يغطيك تماما
بعدين خلية 20 دقيقة وتعرضي للبخار ليما تحسين أن جسمك تشبع وتفتحت مساماته..
بعد المدة خذي الليفة المفربي وفركي جسمك كأن فيك حرة..هههههه
أحسن شي بعد الدورة تسوينه وتفركين مع وضد أتجاه الشعر بعنف شوي.. عشان يطلع الشعر وتقدرين تشيلينه بعدين.. زين؟
بعدين أغتسلي بماي فاتر.. مو ساخن حيل.. لأن المسامات مفتوحة .. تحملي تحترقين..
بعدين يا عمري يكون عندك كريم سنفرة خشن شوي ويناسب طبيعة جسمك.. أنا أستخدم سنفرة مسحوق لب المشمش واللوز.. انتي شوفي اللي يناسبك وأختاري..
أفركي جسمك زين ما زين بالسنفره.. بس مو بقوة.. عشان ما يلتهب.. يعني دلعيه شوي.. وريحي أعصابك.. ههههههه
بعدين أغسليه.. وتسبحي عادي.. بسائل أستحمام ريحته حلوة.. لازم.. هههههه..
آخر شي.. أدهني جسمك بريلاكسيشن كريم.. أو أي كريم تحبينه وتحسين أنه يريح جسمك..
خلاص.. خلص الحمام..
ملاحظة: فكرة حلوة لو في نفس وقت الحمام.. العشرين دقيقة مع البخار تسوين لشعرك حمام زيت وتلفينه بنايلون.. وتغسلينع مع الحمام النهائي بالشامبو..
أتمنى أكون أفدتك..)))
تحياتي..
شكرا أختي على الطريقة السهلة و الواضحة
متأسفة على التأخير في الرد..
بس انا عندي مشكلة في الدخول للمنتدى.. ليما ألحين ما حليتها:confused:
اختي جنين..
شكرا لمرورك الكريم.. البخار اللي اعرفه أنه ما ياثر.. لكن أذل وحدة عندها ضيق تنفس الأفضل تمتنع..
وحياك الله..
أختي نور..
شكرا لك.. أن شاء الله أكون أفدتك
تحياتي
أختي مرموم..
أشكرك على الرد.. أتمنى تجربين وتقولون النتيجة..
حياكم الله..
سلااااااام
and for your clear instruction
hope i try it for myself and my husband
😮 this way we will not need to go to the saloons and that will get the <Zunoub away>,thanks again
أنا جدا سعيدة أنك أستفدتي..
والله يجيرنا من الذنوب أجمعين.. آمين
تحياتي لك..
امي قبل تستخدم البخار والمسكينة وييها الحين كله مسامات مفتوحة.. وللأسف مالها علاج..
وبعدين بالنسبة اني احط جدرين ماي تحت مسخن وبعدها ماشوف شي من البخار!!:eek:
اخاف اتخزبق وانسى مكان الجدرين واحترق..:confused:
ههههههه حلوة أتخزبق..
حبيبتي أنا بعد بشرتي حلوة.. بس لازم نحافظ عليها:cool:
البخار طبعا ما نستعمله كل يوم.. لالا..
كفاية مرة بالشهر..( معروف بعد الدورة) مع الحمام المغربي.. مفيد للجسم .. و أن شاء الله ما يضر..
لكن بعد أنا معاك.. كل وحدة لازم تعرف طبيعة بشرتها.. وفي ناس مثل والدتك الله يحفظها.. ممكن أن البخار ما يناسبهم.. فيجب الحذر
وطبعا الكل يقول تجاربه.. وعليك أنت الأختيار بحسب ما يناسبك.. تمام؟:cool:
تحياتي لك.. والله لا يحرمنا..
باي
1: انا لى 13 سنه استخدم الحمام المغربى وكان ينزل بلاوى منى ..
الحين اجلس ساعه ولا ينزل شئ يااااااادوب شئ بسيط مانى عارفه انا اللى نظفت خلاص …خخخخخخ
ولا الليفه ماهى اصليه لانى اشتريها اول بـ 50 ريال والحين ييبيعوها بـ10 و5 ريال
يااااااريت اللى تعرف محل فى جده يبيع الاصليه يقولى لان حرام تجلسين فى الحمام ساعه وبعدين ماينزل شئ منك ويروح تعبك فشوووووووش
وبالنسبه للزيت اللى فى الشعر
وانتى تعملى حمام مغربى اعرف انه ماينزل منك الوسخ لو فى زيت فى شعرك او جسمك لانى جربت من زمان ايام الليفه الاصليه …..مادرى انتوا زى ولا لا ….
استنى ردودكم
:p