كيفكم يا امهات؟
اليوم حابة اعمل موضوع و كل ام تكتب فيه كل شئ يتعلق باستخداماتها لاطفالها من حليب و حفايض و شامبو و لوشن و كريمات و ياريت تحدد من فين بتشتريها و اسعارها لاننا حانعمل حملة لايجاد الافضل و باقل سعر و خاصة في الغلاء اللي صاير الايام دي و ياريت تحدد قبل كل شئ من اي بلد هي….
و لكم جزيل الشكر…
________________________________________________
قبل كل شئ انا من مدينة جدة….
انا عن نفسي اخد حليب بيبيلاك ايه ار و علبته دايما صغيرة من صيدلية اسمها عائلتي السعيدة بسعر 23 ريال
ودا جاء بالصدفة كنت اخده من النهدي بسعر 28 ريال اتخيلو الفرق انصدمت واتخيلو كم علبة في الشهر استهلك امكن 10 علب
و اخد حفايض بيبي جوي من سوبرماركت جيان بسعر 42 ريال و لو في عرض ب 39 ريال ممكن يوصل و هو اصلا سعرها الاصلي 45 ريال ثابت للكيس الكبير
و استخدم شامبو تيمو من الدانوب ب 10 ريال و دا بحجم شامبو جونسون او اخد شامبو لانا مرة ممتاز من الدانوب ب 7 ريال
و استخدم لوشن سيباميد للاطفال و اخدته ب 26 ريال من صيدلية المتحدة و اشتريت من كم يوم كريم بيزليين ب 10 ريال من سوبرماركت النخيل و حاجربه واشوف لاني احب التوفير
اما كريم الحفاض اخذ سودو كريم ب 24 ريال اعتقد سعره ثابت
و اخد سيريلاك من شركة ميلوبا انواعه العسل و الارز والفواكه المشكلة ب 8 ريال من صيدلية عائلتي السعيدة و لاحظت النهدي تبيعه ب 11 ريال او 12 ريال
و كلنا نحب الافضل لاولادنا
اعطوني اللي عندكم…
اني من البحرين,,
استخدم حليب بيبيلاك العادي واخذه بدينارين و300 فلس,, والشامبو الكريماات من جونسون وهيمالايا وما اذكر السعر لان من زمان ماخذتهم من قبل لا اولد اخذت حجم كبير
الحفاضات استخدم بامبي وكنت اخذه ب4 دينار و900 وحصلته عقب في رامز ب4 دينار و200 شوفوا الفرق!!
والسريلاك اخذ له من الصحه ونستله واثنينهم بدينار و750 فلس,,
اولا قبل كل شي،، هل فعلا صيدلية النهدي غالية؟؟؟ لأن المعروف عندنا أن اسعار الأدوية ومستحضرات النظافة بالسعودية أرخص من البحرين بكثير،،، بس هذي الصيدلية غالية وكنت فاكرة ان الأسعار موحده عندكم؟؟؟؟؟
أنا ولدي كبر على سالفة الحفاظات والحليب،، وقبل سنتين والأسعار غالية وأكيد الحين أرتفعت أكثر..
كنت أشتري له نان وبعدين لما كمل السنة أخذت له بروجرس،، كنت أشتري العلب الكبيرة جدا من السعودية لأنها وايد أرخص وماعندنا بالبحرين الحجم الجامبو مثل مايقولون…. فعلا في فرق بالأسعار…
بخصوص ادوات الإستحمام. أنا آخذ منتجات هميلايا.. الشامبو والبودر واللوشن والصابون.. اسعارهم بين الدينار والدينار ونص…….
إن شاء الله امهات الأولاد والبنات الصغار ينفعونك أكثر… والله يعطيني نونو وأ خبركم بعدين بتجربتي الجديدة…
كنت استخدم سيميلاك اتش ايه وسعره 36 ونص ومافي منه حجم كبير وكل يومين يخلص فتمللت وحولت عالعادي لان في حجم كبير منه
اسعار الحليب الصناعي ارتفعت اصلا لاحظت من سنه ونص كانت اقل بوايد في قطر
معاكم ماما حسون من البحرين ..
انا بصراحه ما احط بالي في الا سعار وايد ..
لكن من فترة انتبهت لشي .. انا استخدم حليب نيدو 1 حق ولدي ، ومرة كنا ماخذينه من الصيدلية اللي جنبنا ب7.550 دينار للعلبة الكبيرة .. وبعد كم يوم سمعنا ان اسعار الحليب الصناعي بترتفع وبعدين رحنا جيان وانتبهنا ان سعر العلبة عندهم ب8.150 دينار ، احنا قلنا يعني خلاص ارتفع سعر الحليب.. لكن زوجي ما يأس ههههههههههههههههههههه قام وراح الصيدلية اللي جنبنا وشاف ان سعر الحليب ما ارتفع واشترى علبتين كبار قبل ما يرتفع سعره بعد ..
هالكلام كان الشهر اللي طاف ،، وهالشهر بعد رحنا كالعاده نتسوق للبيت في جيان وشفنا سعر الحليب نفس الشي ( 8.150 ) وبغيت اخذ بس قال زوجي بيشوف الصيدلية يمكن للحين سعره ما ارتفع واذا ارتفع بيكون نفس الشي مو خسارنين شي والحمدلله سمعت كلامه لانه يوم راح الصيدلية شاف ان سعر الحليب ما زال 7.550 واشترا علبتين بعد ..
وبصارحه الاحظ جيان رغم عروضهم الحلوة الا ان عندهم اشياء تنباع بسعر اغلى من برا (n)
ولدي كبير يعني ما استخدم له حفاضات وهالسوالف
لكن لحين استخدم له اللوشن والصابون ماركة جونسون وشامبواطفال
وكل اغراضنا ناخذها من الحلي احس اسعارهم حلووووووة احسن من غيرهم
الله يعينا على هالغلاااء:tears:
انا من البحرين
ممممم بالنسبه لسعر النيدو اللي استخدمه حق عبودي الحجم لمتوسط بسعر 4.680 و سيريلاك الارز سعره 1.400
ولي عوده باسعار اخرى