عندي ابني حبيبي حمودي عمره 7 شهور
:15:
عصبي جدا جدا
لدرجة اني اجلس اعطيه اكل .. فترة مااشيل الملعقه من فمه عشان احط ثانيه يصرخ ويعصر نفسه لين يحمر من العصبيه حتى عروقه تطلع
ويحب الدواره اذا كان جالس وانا امشي يصارخ ويبكي
يعني ماعنده شي بالصبر كله بالعصبيه هههههههههههه
:15:
وفيه عاده قبيحه
مايحب الضم
اجي اضمه يبكي ويصيح
اي احد يضمه في الدنيا يبكي ويعصب 
وبوسه حدك وحده ماتعطيني اكثر من 2 ..
بنت خاله…صغيره قامت باسته … وهو ساكت…ثاني مره باسته…وثالث مره..ورابع مره
اخر شي ابعدها عنه بقوه وهو يتحلطم ومعصب:mad: ويقول كلمات خرافه وزعلان جدا جدا
:15:
اذا اعطيته شي على طول جسمه يتحول بقع حمرا
خضار,,,فواكه..شوكولاته…يبقع مره ويخوووف
ثالث شي اليوم حصل موضوع الى الآن الولد متأثر
عنده لعبه بقره اذا مسكتيها تطلع صوت بقره (امبااااع ) وهو مستانس عليها ويضحك
انا سويت مثل صوت اللعبه وان العب معه قمت اقلد الصوت
فجأه يوم سمعني صرخ ويبس من الصياح … ماادري خاف مني والا من الصوت ماادري
واحين خايف وعلى اي صوت يطلع مني يتفحص شوي بعدين يسرح
واذا فيه صوت غريب مثلا يبكي
عطوني رايكم هل هذا عادي
للعصبيه
الخوف
البقع
 |
اقتباس |  |
 |
المشاركة الأساسية كتبها مذكرات ام  |
 |
 |
| السلام عليكم
عندي ابني حبيبي حمودي عمره 7 شهور :15: لدرجة اني اجلس اعطيه اكل .. فترة مااشيل الملعقه من فمه عشان احط ثانيه يصرخ ويعصر نفسه لين يحمر من العصبيه حتى عروقه تطلع ويحب الدواره اذا كان جالس وانا امشي يصارخ ويبكي :15: اجي اضمه يبكي ويصيح بنت خاله…صغيره قامت باسته … وهو ساكت…ثاني مره باسته…وثالث مره..ورابع مره اخر شي ابعدها عنه بقوه وهو يتحلطم ومعصب:mad: ويقول كلمات خرافه وزعلان جدا جدا :15: اذا اعطيته شي على طول جسمه يتحول بقع حمرا ثالث شي اليوم حصل موضوع الى الآن الولد متأثر عنده لعبه بقره اذا مسكتيها تطلع صوت بقره (امبااااع ) وهو مستانس عليها ويضحك انا سويت مثل صوت اللعبه وان العب معه قمت اقلد الصوت فجأه يوم سمعني صرخ ويبس من الصياح … ماادري خاف مني والا من الصوت ماادري عطوني رايكم هل هذا عادي للعصبيه |
||
 |
 |
هلا اختي .. اول شي تطمني هذي ما نسميها عصبية ، انما هي تصرفات للطفل الطبيعي .. !
و انتي مثلي اكيد ام بكرية ، اول ولد لك و تشوفي التجارب عليه و كل ما شفتي حاجة ما تعجبك خفتي انها تكون سلبية صح ؟ ! الحين كتكوتك صغيرون بعد انطري لين عمر السنة و فوق و بتشوفين اشياء اكثر !
لما كان ولدي بعمر ولدك هادىء و حبوب بس بوقت الاكل تبدأ الحرب ! اول شي يرفض الاكل و بعد ما يذوقه و يعجبه ياكل و انا اجهز له الملعقة الثانية يعفس نفسه من الصياح عشان يبي بسرعة و كنت اتوتر لانه يعجلني و يطيح الاكل على ثيابه ! بس مع الوقت عرفت ان الطفل هذي طريقته في التعبير عن رغبته ، و صار المسكين يكسر خاطري لانه ما يعرف يتكلم و يطلب .. بس بالصياح يفهمني لحاجته ! .. يعني بالمختصر تطمني هذا شي وارد مع معظم الاطفال و ماهو عصبية !
و لو لاحظتي ان كل الاطفال اللي بنفس المرحلة تصرفاتهم و ردات فعلهم متشابهة !
انا بعد ولدي لين الحين يحرجني مع الكل لما يبون يضمونه .. حتى انا وابوه احيانا يرفضنا ! لانه ما يبي يتقيد و اتوقع انه الاطفال الذكور هم اللي يتكرر عندهم هالشي لانهم نشيطين بكعس البنات نعومات و هادئات !
و بخصوص البقع .. شكلة الولد معاه حساسية .. راجعي الدكتور افضل !
و تصدرين اصوات له و لا تبينه يخاف ههههههه .. بس لا تكرريها و لا تتركي حد يتعمد تخويفه حتى ما يصير جبان و يخاف من كل شي !
و اتمنى اكون افدتك !
حبيت افيدك باللي اعرفه ظهور البقع يعني الولد عنده حساسيه من هالاكل،،والخوف شكله حبيبي تروع من تقليدك للصوت فصار يخاف من الاصوات وولدي مره سوين معاه نفس الحركه وبالفعل صار نفس ولدك سبحان الله يتركز ببالهم انتبهي يمكن انتي عليتي صوتك بزياده واو نبرة الصوت كانت حاده المهم مثل ماقالت اختي انثى والعصبيه الله يعينج بصراحه عندي ولد نفسه من يوم صغير وللحين على عصبيته اقل شي يتنرفز منه وهاي كله طبعا بسبب تأثرة مني واهو جنين لانيب نت طول فترة حمله عصبيه واعصابي مشدوده وغير عن هاي شربي للكافيين بكثره اتصور السبب الرئيسي في عصبيته مالك غير الدعاء له من اللحين ربي يهدي سره
حبيبتي ما اشوف اي شي من اللي قلتي مو طبيعي
بالنسبة للعصبية بهالعمر انا دايما اقول سببها من الدلع الزايد لان ولدي نفس الشي
و بالنسبة للاكل فهذا ولدك عنده حساسية من بعض الفواكه فانتي لمن تعطينه اي صنف جديد عطيه على 3 ايام و بدون ما يكون معاه اي شي جديد ثاني و شوفي اذا تحسس وقفي لحد ما يكبر اكثر
بالتوفيق
فهمتي الطريقة مثل الأجانب تحطين عينك بعينه وتتكلمين بهدؤ .. قولي انت ولد شاطر .. وتسمع كلام ماما … لا تعصب شوشو … وهكذا
واهم شئ لا تتهاوشون قدامه او تبكون
اما الضم .. اذا سوى شئ ايجابي صفقي له وضميه علشان يحس ان الضم شئ حلو … الولد توه صغير لا يفرض طبعه عليك .. انت اللي توجهينه
اما البقع الحمراء سوي له تحليل عن الحساسية ممكن يكون عنده حساسية من نوع معين .. علشان تتجنبينه
والخوف .. اذا خاف من الصوت اول مره .. اضحكي وسويه مره ثانيه على طول علشان يتحس انه صوت طبيعي .. يعني اي حركة تخوفة لا تضمينه وما تسوين هالحركة مره ثانيه .. بالعكس سويها خليه يحس ان خوفه في غير محلة
ترى الأطفال اذكياء .. احنا على بالنا انهم مايفهمون