مرحبا ،
بما إني من النوع الملول ، يعني النوع اللي ما تحب الشغلات تبقى عندها لفترات طويلة ،
يعني أحب أفسفس البيزات على الميك أب بين فترة وفترة ، وباختصار ما أحب أحتفظ بالمكياج لمدة طويلة <<< طبع أقشر بعيييد عنكم :p ،
لكن لما أجي صوب باليتات ماك أوقف ومو قادرة أسوي فيها شي ،
لأني قاطة عليها مبلغ وقدره ،
كان عندي 3 باليتات شادوووو ، وباليت بلاش ،
وزعت واحد من باليتات الشادو لأني للأمانة ما أستخدمه ،
وبقى عندي 2 شادو و1 بلاش ،
تعالوا ، شوفوا شنو سويت فيهم ،
هذا واحد من الباليتات قبل الحوسة والتعديل ،
رحت ، شلت كل الشادو اللي فيه ،
طبعاً حاولوا تتركدون وإنتوا تشيلون الشادو ، لأن كذا شادو انكسر معاي لما كنت أشيلهم ،
شوفوا الإصابات 
،
وبعدين جبت الـ Pusher مال الأظافر لأن أطرافه حادة ، وممكن تجيبين سجين " سكين " ،
وتحطينها على طرف الباليتة ، وعقب ترفعين الطبقة الفوقانية ، وإن شاء الله الصورة توضح لكم ،
هذا الـ Pusher اللي كنت أستخدمه ، أطرافه حادة ،
وبديت أفرغهم 
،
وبديت أحرق القاعدة البلاستيك من تحت علشان أطلّع قاعدة الشادو ،
وهني طلعتها ،
وعقب جبت لزاق مغناطيس تلاقونه بالمكتبات ، وهذا شكله ،
وحطيت على القاعدة من تحت علشان أحطهم في الباليتة ،
والنتيجة ،،، تراااااااااااااااااااااا
باليت الألوان الطبيعية ، وشال هالباليت 26 لون ، والباليت أساسًا يشيل 15 لون لو ما شلنا القاعدة مالته ،
وباليت اللون الأزرق والأخضر رديت القاعدة مالته بعد ما شلتها لأني ما راح أضيف عليه ألوان ثانية ، ومثل ما تلاحظون بقى لون واحد فاضي ناوية أشتري لون Green Smoke إن شاء الله ،
وهذا باليت البلاشر قبل ،
وهذا البلاشر قبل لا أفرغه ،
البلاشر في غرفة العمليات 
،
والنتيجة ،
صدقوني الحوسة أأأقصد التجربة كانت حيل ممتعة ، صج كانت فيه ريحة شلاويط وحريج ، وحصلت من وراها زفة ، لكن النتيجة تستاهل ،
F:
تسلمين با مجد
واحلى تقيم
اللهم إنك عفو تحب العفو فأعفوا عنا..
ههههه لو انا منك اخاف يتكسرو وما اغامر بهم ابدا
نتيجة حلوة وخطوات مشوقة
ولكم باك واشتقنا لمواضيعك الحلوة
نجي للموزوع:biggrin:
فكرته حلوووة وهي انك تستغلي اكثر المساحات وبنفس الوقت ما يكون عملي اذا بغيتي لون معين ع حدا ..
يتحرك هو بعد المغناطيس صح ؟؟
حبيت الفكرة .. شفت ماركة اتوقع لوحده من الشرق الاسيوي بس منتشر بين الاجنبيات باليتات مال ماك وبالوان تعبيها على راحتك حتى ما تتقيدي بنوع معين من اشكال الشدو
وبطريقتك هذه نفس فكرة الي شفتها بالعكس ما مكلفة
في شي دوريه في دايسو مقالم من جديد ممكن تستغليها بعد بس مساحتها اقل او تذكري علب الوان الخشب ممكن تفرغيها ونحط <<:worn_out: وايد شحطت كاني !!
مجودة موضوع له تجربه مفيدة وحلوة ومشتاقة اشوف مواضيع كذا من كل العضوات
نورتينا F:
موضوع حلو وتجربة مفيدة
تسلمين على مشاركتنا الفكرة
كل عام وأنتى بخير
تم التقييم + LIKE
بس شنو ال5 الشدوات الالوان البنية الطبيعه (التوب عندج )
بما انج مجربة معظم الوان ماك …..؟
وناطرين يديدج على احر من الجمر