آه يا زين الامومة زيناه ،، بس تعب تعب تعب:p
انا بقولكم سالفتي واتمنى تساعدوني تكفوووون
بنتي ميساء الله يحفظها ويهديها ويصلحها قولو آمين عمرها شهرين ونص..
مره متعلقه فيني وبشده ماتبي احد غيري يشيلها او يلعبها …
وهذا الشي متعبني كثير كثير
وغير هذا بكايه درجه أولى ..
يعني والله ما اكذب عليكم صرت ما اعرف للاكل والنوم معنى ..
تنام الساعرة 10 بالليل وارمي نفسي تعبانه ع السرير ابي انام وتصحى الساعه 2 الفجر تبكي تبي ترضع؟؟
والمشكله ماتبي صناعي حاولت كذا مره تدفه وتمخش باظافرها بصدري وتنتحر ماتبي الا صدري وانا ابي اعطيها صناعي عشان تطول بالنومة :badly: لكن كل محاولاتي فاشله حتى حطيت نقطه شيره على الحلمه يمكن ترضعها ابدا .. مافي فايده
وظهري صار يوجعني من الرضاعه ،،
والله ارضعها 2 الفجر وتنام 3 الفجر
وتصحى الساعه 5 ص تبكي … آآآآه ياربي:sick:
وكل يومي معاها كذا ،، لدرجه ماعندي وقت اطبخ .. والله صرت بس آكل آندومي وهمبرجر وهوت دوق هذا غداي 😡
حتى لو طبخت ماعندي وقت آكل تبي ترضع كيف ارضعها واتغدى ايش انا اخطبوط كم يد عندي ؟؟
والله طفشت زهقت ، صار الوقت اللي تنام فيه ساعه انظف فيه الشقه واغسل الملابس..
ويدي ع قلبي لا تصحى وتسوي فضيحه وطبعا ما اتروش لين يجي ابوها من الدوام يمسكها ولا كانت طلعت جدي م قبره من قوة صياحها ماشاء الله عليها:hysterical:
حتى قاعدة اكتب لكم وهي نايمه بحضني لو احطها بسريرها بتبكي …
انتو يا امهات عندكم خبره …
علموني كيف انظم وقتي معاها ، اخاف يجيني انهيار عصبي من قلة النوم ، والاكل وعدم الراحه؟
علموني كيف اقدر اعطيها صناعي ، علما يوم كان عمرها شهر كانت تشربه بس اللحين ماتبيه؟؟
وايش احسن نوع حلمة تشبه حلمة الام عشان ترضع منها؟؟
كيف اخلي بنتي تنام اكثر من 5 ساعات متواصل؟
كيف اعودها ترضع بدون هز او اني امشي فيها ؟ لانها ماترضع الا بالهز والمشي وانا صراحه دخت وتعبت
تكفوووووووووووووووووووون ساااعدوني وبدعي لكم من كل قلبي
لاني قربت انجن:badly:
وانا ماعندي فكره والا كنت اساعدك
ان شاء الله البنات ما يقصرون
مشكورة حبيبتي
انه بنتي عمرها 8 شهور .. وعندي مثل المشكله
بس يمكن انه اكثر شويه لان ما تنام في الليل الا الساعه 2 وتقعد بعد ساعتين
وهذا اذا نامت 2 يعني يوم عيد عندي ,, احيانا ما تنام الا 6 او 5 الصبح
الله يكون بعونج يارب
ويعينا على تربيتهم
ماشاء الله بنتج كبيرة 8 شهور .. على كذا انا اكيد بجن ههههههههههه
وثانيا في هالعمر اول الشهور لازم حياتك تتخربط علشان بيبي جدي وخصوصوا انه البكرية
اشوي اشوي تتعودين
لكن انه تبين اتعليمنها على الحليب الصناعي كلش ماانصحك
لازم تحمدين ربك انها ترضع من صدرك ولا تبي صناعي علشان صحتها
شوفي اني لما عودت عبادي على الحليب الصناعي في البداية كان مثل سالفتك ابي انام واخذ راحتي اشوي
والله بعد ماكبر اشوي صار عمره 4 شهور صحيت على حالي وجيت ابي اعودة على صدري مرة ثانية ماقدرت وتعبت نفستي والصياح كنت اصيح ولما اسمع عن وحدة ترضع ولدها او تشتكي من هالشي تتعب نفستي واجد
لانة من لما كنت حامل كنت كل يوم ادهن حلمة صدري وابرزهاا للخارج علشان الرضاعة
نصيحة مني وحتى لو كنتي فعلا تعبانة واني عارفة هالشي ومجربتة وعاذرتك بس اتحملي واتصبري اشوي
لازم تنسين النوم مثل قبل مافي تعودين نفسك تنامين معاها علشان لما تصحى تكونين ارتحتي اشوي
وعن الاكل لازم يكون احد يساعدك يعني تجبين مثلا غدى من عند الوالدة او من عند ام زوجك لازك احد يساعدك
وان شاء الله لما تشوفين عمرها 6 شهور بيعتدل نومها اشوي
وعن الحليب مثل ماقلتي اخذي لها الحلمة الي تجي مثل حلمة الدر لكن واحط تحت كلمة لاكن الف خط احمر
اعطيها بس وقت النوم حليب صناعي اما باقي اليوم خليها على صدرك احسن والله علشان صحتها مناعتهااا
طولت عليك مسامحة
ان شاء الله اكون افتك
الأطفال في هاسن كلهم مثل بعض و الأمهات نفس المعاناة
و الظاهر انتي عودتيها على الهز و المشي وتعودت
و اذا كان هذا اكلك يمكن حليبك ما يكفيها من جدي تطول على ما تشبع وتنام اهتمي بتغذيتك اكثر علشان يدر الحليب اكثر
وخلي احد مثل ما قالت ام عبادي يساعدك في موضوع الأكل و ترتيب الشقه جيبي الخدامه ام الساعه او اذا الوالده او ام زوجك عندها شغاله تاخذيها كم ساعه تنظف وتدفعين لها وجدي يخف عنك الحمل شوي
ما يجيها شي يقوي لها جسمها:cool:
الوقت اللي يكون ابوها موجود كلي اي شي يعطيك قوة
يدر الحليب :thumbs_up:
وانتي حاملتنها سوي لك شاي يانسون
كلي طحينيه اي شي يدر الحليب ويصير يشبع;)
لووووو بتضلي للسنتين كدة ههههههههههه:rolleyes:
كأنج تتكلمين عن يويو
والله انتظر الوفت الي ينام وارتي شقتي ويقعد وانه ماخلصتها
وحتى الله يعزج الحمام ساعات ادخله معاي احطه بحضني تخيلي
استخدمي مراضيع افنت الحلمه نفس مالت الام
والله يهدي عيالنه
صحيح كلامك ،، بس انا تعبت والله تعبت جسديا احس راح انهار
عشان كذا ابي اعطيها صناعي قبل النوم عشان تطول بالنومة
والله يعطيك الف عافية يا حبيبتي