السلام عليكم
كيفكم بنات اليوم جايبتلكم حلى خطييييرررررررر
المهم نبدا بالمقادير:
اول شي اهي بسكويت وفوقه خلطه
مقادير البسكويت:
4 بسكويت ماري الحجم الوسط
1علبة حليب نستله كبيره
1 قالب زبده الحجم الوسط 113 غم
2ملعقة اكل ماء دافيء
الطريقه:
– نحط البسكويت بالخلاط
ونطحنه ليما يسير ناعم
– نضيف له الزبده بعد مانسيحها عالنار وحليب النستله و2ملعقة اكل ماء دافيء مو اكثر
ونخلط عدل لما تتكون عندنا عجينه نقدر نشكلها
– نكورها…
بعدين نسوي مقادير الخلطه:
1قيمر كي دي دي
1ونص كيس دريم ويب
4حبات جبن كيري
نص علبة حليب نستله كبيره
– نحط المقادير بخلاط القلاص
ونخلط عدل
– بعد مانخلط نجيب 3 اطباق ونقسم الخلطه فيهم على 3 مرات
واحد منهم نضيف له لون طعام اصفر
وواحد منهم نضيف له لون طعام وردي
واخر واحد نضيف له لون طعام ازرق
وهذا شكل الكور قبل لانغمسها بالخلطه
– بعدين نغمس الكور باللون
انا غمست مره بالاصفر ومره بالازرق ومره بالوردي
– وكملي الكور ليما يكمل الطبق عندج
– بعدين شكي كل كره بعود اسنان
– اخر شي رشي الطبق بالفليك المفتت
– وهذا الشكل النهائي
طبعا انتو تقدرون تنسقون الالوان على كيفكم وتقدرين تحطين اي لون تبين لان الخلطه بيضه وانتي تلونينها
ونسيت اقولكم
انا حطيت طعم الفرواله بالكور الورديه بس
وانتي وكيفج طعم الخلطه لذيذ مايحتاج شي بس انا حطيت كنوع من التغيير
جربوها انا متأكده انها راح تعجبكم وراح تعجب كل من يذوقها
وبالعافيه على قلوبكم
لاتنسونا من دعائكم
منقووووووووووووول للأمانة
أتمنى أشوف ردودكن وإذا أعجبكن الحلى قيموني 😮
وإذا ما أعجبكن صارحوني :confused:
الله يعطيكي الف عافيه يا عسل
ومشكوووووووووورة
سلمت يداك ع الوصفه النايس مثلك
بآنتظار جديدك المتميز..
حبيت موضوعج وااايد
وبانسبة للألوان بتحصلينها بأغلب السوبر ماركات ’’’ 😉
وأنا أستخدمها في تلوين الرز وعجينة الفطائر يطلع الشكل رووووووووووعة :tongue::tongue: