شاخباركم
ان شاء الله طيبيي
ببدا على طول
المدخل حق شقتنا
ضيييييييق يدوب ينمر فيه:o
هو ضيييق وطويل :s2 وماادري احس بكتمه اذا جيت اطلع او ادخل
شلون اخليه يشرح الصدر وباي لون اصبغه
فهمتو على شرحي؟؟:smile:
يعني على عرض الباب ممر طوويييل يودينا للمطبخ وباب ثاني يودي للموزع(للغرفه والحمام والمجلس)ماادري فهمتو ولا لا
احس بضيقه لضيق الشقه بس الحمد لله على كل حال في كل حال
وسلمتم لاختكم
انا اعتقد كل ما يكون لون الجدار فاتح فا راح تحسين براحة مثلا ممكن انج تصبغينة يا لون بنفسجي فاتح او اصفر فاتح جدا و حاولي تحطين مراية على الجدار بس ما يكون له اي برواز جربي ..
ما شاء الله
أختنا jumana
كفت ووفت
ام النور
:shy:
لالالالا عاد شو قلت انا بس ؟ انا اتلعوز اذا حد مدح فيني تراني اصدق عموما هذا بعض مما عندكم يا الغالية وتسلمين
jumana
أنتي كدا 
وتستاهلين لأن كلامك حلو
وتواضعك أحلى
تحياتي
و كنت جايه اكتب موضوع و اسال البنات …و كانت في بالي فكره المرايا …و كنت ابي اشاور البنات بس طاعت عيني على موضوعج و شفت ان الكل ينصح بالمرايا
يعني خلاص اقتنعت من ردود البنات و بتوكل ان شاء الله
بس سؤال ..انا فكرت في مرايا ايكيا الي تكون مربعات متوسطه يجون مع بعض يعني كيف ارتبهم
اكون شكل مستطيل في نص الممر …يعني اخلي المربعات متراصه …او اني ابعد بينهم مسافات صغيره …و ما اكون مستطيل متساوي يعني اخلي مثلا سطر اطول من الثاني …يعني يوم احط
المرايات ما ابدا السطرين من نفس المكان يعني اخلي واحد اقصر من الثاني و بالاحير العكس الي طان اطول يصير اقصر …ما ادري فهمتوا و لا دوختكم
الي فهمت تقول لي
سؤال ثاني …اسمحيلي محبوبه اسنخدمت موضوعج لاسالتي .. لاني ما حبيت اكرر الموضوع اوكي تسمحين لي …ادري اكيد بتسمحين لي 🙂
السؤال الثاني
عندي جدار بالصاله مافيه غير تلفزيون على طاوله صغيره يعني التلفزيون و القاعده مالته ..و على اليمين حطيت شجره … و بالنص معلقه ساعه على الجدار ….و الجدار كبير …قيكلع شكله فااااااااااااااااااااااااااضي
و ما اعرف شو احط فيه
فانا فكرت و فكرت و فكرت ….عندي براويز صعيره ذهبيه يعني تقدرون تقولون 13×18 .. و كنت ابيهم لشي ثاني و غيرت راي فقلت بستغلهم
الحين شو رايكم اذا حطيت فيهم ماظر طبيعيه و علقتهم بجنب بعض بس في مسافات متساويه صغيره بينهم في نص الحدار و جذي بيتكون سطر من اللوح الصعيره …و عدد البراويز الي عندي تقريبا 9 …اتمنى اني اكون قدرت اشرح و تفهمون عليه
هل الفكره زينه و لا ما تنفع و لا مب حلوه …
انتظركم لا تخجلوني
بس يمكن البنات كان قصدهم المرايات الطويلة ..
عشان تعكس وتبين الوسع ..
اللي اتيج على طول الشخص ..
بيت اخو ريلي جيه ممرهم ضيق ..
بس حلو يشرح النفس ..
لانه لونه برتقالي محروق ..
مثل لون المحارة الي في دعاية أصبغ جوتن ..
ومن السقف منزلين سلاسل ورد متداخلة في بعضها ..
فتلفت النظر على طول .. كنج في أدغال ..
عجبتني صراحة ..
وآخر الممر ستارة صغيرة على الموزع
اللي فيها كركش من الأطراف وملمومة للجنبين ..