انا عندي مشكله مع كريم وبودرة الاساس
شفت اردودكم الاغلبيه يستخدمون ماك او كانيبو
انا عني خاطري اجربهم بس حرام اشتري ماركتين
انا بشرتي جافه وحاليا استعمل سمر كيك
والمصيبه انه تخلي البشره كانه مقشره
وجافه
ويش تنصحوني انتم فيه
لا تبخلون علي بنصيحه
اللى بشرتها مثلي تخبرني ويش تستعمل
انتظركم
انا من راي اتروحين المحل عند ماك
وتتدخلين غرفة
وتجربين البودره على ويهج كله
وترجعين البيت
واتشوفين النتيجه
اولا بشرتج جافه يعني انوع الاساس الجافه مثل الكيك لاتناسب بشرتك بتاتا فابتعدي ابتعاد كلي عن سمر كيك
استخدمي كريم اساس سائل وافضل نوع من ماركة كانيبو وماركة ماك فاختاري واحده منهم وليس الاثنين معا .
دائما وابدا استخدمي الخطوة الاولى كريم مرطب لبشترك قبل وضع كريم الاساس السائل تقريبا بربع ساعه او نصف ساعه .
الخطوه الثانيه امسحي وجهك بثلجه قبل وضع كريم الاساس السائل بدقيقتين تقريبا ثم امسحي وجهك بالمنديل على شكل التربيت .
الخطوه الثالثه لابد ان تكون طريقة توزيع كريم الاساس على وجهك هي الطريقه الصحيحه وهي :
بان توزعي الاساس بالاصبع بان تضعي اصبعك السبابه على الاصبع الذي بجانبه وتقومين بتوزيعه على كامل الوجه بطريقة التربيت او باسفنجه رطبه ( شبه ناشفه ) وبنفس طريقة الاصبع توزعين السائل على وجهك .
الخطوة الاخيره تقومين بتوزيع البودره المنثوره او المضغوطه على وجهك ويفضل ان تكون من نفس الماركه لكي تعطيك نتائج رائعه .
وعلشان خاطر جمالك :cool2: ماتهم الخساير .
تحياتي لك واتمنى ان تعجبك نصيحتي . لانها انسب طريقه لبشرتك الجافه .
وعلى قولة القايل اسأل خبير مكياج ولا تسأل طبيب ( طبعا من عندي تغيير المثل ) (a)
اختك في الله / الموناليزا
والله فكرتج حلوووه يالغاليه
هذا اللى بسويه وامري لله
وبجرب كانيبو بعد لان فاديا حتطه لي يوم طلبتها
لاحد الاعراس بس كانت وايد سائله
تسلمين ياختي وبارك الله فيج واشكرك
على ردك
الف شكر:shy:
هلا ياختي والله مادري كيف اشكرك
عن جد وايد استفدت من ردك
الف الف شكر
بس اختي ابي اقولك شئ ولكني مستحيه مالي خبره فيها وايد
انا اسمع دائما اني بشرتي جافه كل ماحط سمر كيك
او اللى يمكيجوني يقولولي نفس الكلام
بس في نفس الوقت وجهي يعرق بسرعه
واللى اعرفه اذا يعرف بسرعه
يعني دهني
والله مهب عارفه هو دهني ولا جاف
بس بتوكل على الله وبجرب طرقتك
والله كريم
تسلمين ياعمري
الله يجزيك خير
والله يعطيك الف عافيه
اختك شهد
انا عجبني رايك ياختي والله
يوفق
انا بحاول اخذ العينه اذا امكن
الف شكر يالغاليه وبارك الله فيك
انا عندي نفس مشكلتج ان بشرتي مررره جاافه وكنت واايد اعاني عشان ماقدر احط اي شي الا يبين بعد ربع ساعه كان ويهي متشقق
بعدين قلت اروح ماك واشوف سالت الفلبنيه اللي هناك وعطتني على طول كريم اساس كانه كريم في علبه مدوره لكن شنووو رووووعه
من هذاك اليوم دوم اروح اخذه من عندها
تحياتي
سحابه
من رايكم اخذ فقط كريم اساس ماك
مااخذ بودره
والله مقتنعه في كلامكم لان فاديا حطتلي كانيبو
كريم اساس وبودره
ماجا اخر الاعرس اللى من جمب شفايفي وبعض مناطق ثانيه
كانه متشقق
كل اشوي كنت اعدل فيه
بجربه واكيد برد عليكم
والله يعين
تسلمون ياخواتي والله اني فرحانه انكم رادين علي
عن جد فرحتي انكم تحاولون تساعدوني اكبر من فرحتي
اني لقيت حل لمشكلتي
الله يخليكم يارب ويسعدكم ويبارك فيكم
الف الف الف شكر فديتكم