شلونكم حبايبي ….
طبعا معظمكم يعرف اساس ديرماكول و الكفرديرم
انا كنت اسمع البنات يمدحون كفرديرم وقلت اجربه ..طبعا ما عجبني ابداااا لانه ثقيل مع اني حطيته مع اساس شارمل وانتوا عارفين ان شارمل سااائل بس مافي فايده بالكفرديرم صعب توزعينه
وشفت البنات يمدحون ديرماكول قلت اكيد فاشل نفس كفرديرم ويتعبون البشره لانهم ثقاااال
ومره بمعرض لقيت ديرماكول بسعر رخيييص جدااا واللي تبيع تقنعني فيه وكانت حاطته على وجها وعجبني و جربت التيستر وانصدمت انه خفيف مو مثل كفرديرم …وشريت منه اثنين لان صعب القاه وقلت اجرب شوراي
وصارت عندنا عروس وجربته ما اكذب عليكم يا بنات يهبللللللل وثابت ويغني عن الكونسيلر …لان عندي هالات سودا وكنت احط كونسيلر جيرلان بالعروس بس الديرماكول احسننن
وهذي صورته
واذا تبين كريم اساس يبرق برق خخخخ و مايسسيح ولونه نفس الصوالين
شوفي طريقتي في وضع الاساس
اول شي انظف بشرتي
بعدين احط البيس حق فيزرت ترطيبه رووووعه وريحته تجنن و يثبت الميك اب
عقب ما تمتص البشره المرطب احط ديرماكول على كامل الوجه واوزعه باصابعي بدون اسفنجة ماي ولاشي
اخليه على وجهي شوي عقبها احط اساس شارمل بس بالعدال مو دفاشه يا بنات ترى اهو حيل سائل
اخلي الكريم شوي على وجهي لانه اكبر غلط تحطين البودره على طول … بعدين اجيب بودرة اليزابيث هيلين السائبة و اوزعها بالاسفنجه حقتها ( طبطبه )
بعدين اجيب بودرة فيزرت الزهريه السائبه رقمها 08voile واحطها على كامل الوجه
هذي صورة فيزرت السائبه بس اللون الزهري مو بالصوره
وطبعا لاتنسون تحطون الاضاءة حقت بي ان وتحطون منها على الخدود وعظمة الحاجب بس بخفففففة مو واجد و تجيبون لمعة نوبا البيضه الخفيفه وتحطونها فوق الاضاءه عالخدود و حطوا من نوبا على الشدو وعلى عظمة الحاجب وشوفوا شلون خياااال
والله بيطلع لكم نفس الصوالين بالضبطططط و انا ما اروح الصالون الا قليلللل لاني متعوده اسوي مكياجي بنفسي والناس عبالهم رايحه صالون …لأني اعتمد عاللمعات واللوز بودر البيضه والشدو المائي.. وترى الخطوات السابقه تضمن لكم ان الكريم ماراح يسيح ابدا مهما ردحتي بالعرس خخخخ يعني full options
بس نصيحه يا بنات ديرماكول للاعراس فقط مو للاستعمال اليومي …
بانتظار ردودكم
جويل
طلعت طلعه بسيطه ولما رجعت حسيت انه اخترب مع اني حطيت فوقه لوس باودر
بخصوص دريما كول اناا موصيه عليه من لبنان
وان شاء الله اجرب طريقتج
قريت بعد عن وحده من البنات في منتدى ثاني تقول انه هي تخلطه مع اي مرطب
اوبيس ميك اب فور ايفر الأورنج او طبعاً مع اي اساس سائل
ماركة فيزرت ماشفتها عندناا في الدوحه بس أكيد اي مرطب ثاني بيأدي الغرض
ومشكوره على هالمعلومات الحلوووه واللي اكيد الكل بيستفيد منهااا 
.
و انــــــــا معك اخت جويل
دريما كول فعلاً شئ بس للي يعرف يستخدمه
هو يجي ثلاث الوان بس
وردي وهذا اللى انا دوم اشريه
و ابيض و بيج
انا واخواتي صار لنا فتره عليه
جربوه بنات تروه عن جد شئ
يعطيك العافيه عيوني جويل
بأختصاااار
انتي جناااااااااااااان
تحياتي،،
بس من يعرف وين الاقي ديرما كول في قطر….؟؟
وبصراحة صار في خاطري اجرب الديرماكورل احسه حلو
بس ياريت حد يقولي وين اقدر الاقيه في الامارات ؟؟؟!!