خاص للكويتيين والكويتيات فقط لاغير ومساعدتكم يالطيبين 2024.

السلام عليكم ورحمة الله وبركاته

اخواني واخواتي شباب وبنات الكويت

بصراااحة وايد حابة الكويت وخاطري ازورها قريب
المهم ابغي مساعدتكم

في العيد حابه اعمل مفاجأة لزوجي وخاطري احجز بس ما اعرف اي شي في الكويت

ابغي احلى وارقى فندق عندكم واحلى الأماكن اللي ممكن ازورها ورحلتي للكويت بتكون بس يومين

ارجوكم ساعدوني ولا تخذلوني

هلا وغلا في ( دمعة حايرة )
الكويت وكل أهل الكويت يرحبون فيج وأن ماشالتكم الأرض نشيلكم في عيونا
شوفي حبيبتي
عندنا فنادق وايد حلوة في الكويت
1- هيلتون – في منطقة المنقف مطل على البحر واكثر من رائع في مطاعم روعة وفخم جدا
2- فندق المرينا – وإذا تبين نصيحتي يالغالية نزلي في هالفندق أولا لأنه وااايد راقي واستايل وحديث جدا وثانيا لأنه في وسط الديرة يعني بكون كل شي قريب منج ومطل على البحر وبجوارة مجمع المارينا مول وهو من الاروع واحدث مجمعات الكويت وفيه محلات وااااااااااااايد حلوة ويمتد منه جسر يربطة في مجمع ثاني داخل البحر فيه كل المطاعم العالمية يعني مجمع كامل عبارة عن مطاعم وكافيهات وقريب من جميع المجمعات مثل
1- مجمع الثريا
2- مجمع زهرة
3- مجمع الفنار
4- مجمع ليلى جاليري
5- مجمع البستان
6-مجمع جاليري 2000
والكثير من المجمعات التجارية
وغير المطاعم الموجودة على الكرنيش
ونهاية الكرنيش مجمع شرق وهذا المجمع لما تدخلينه راح اتحسين انج ماطلعتي من السعودية لأنه المجمع كله عائلات سعودية وخليجية ( طبعاً احنا نفرح في شوفتكم في ديرتكم الثانية الكويت

وإذا بغيتي أي استفسار يالغالية أنا حاضر

تسلم الاخت الزين كله ماقصرت

اقتباس

المشاركة الأساسية كتبها ALZEEN KELLAH

	هلا وغلا في ( دمعة حايرة ) الكويت وكل أهل الكويت يرحبون فيج وأن ماشالتكم الأرض نشيلكم في عيونا شوفي حبيبتي عندنا فنادق وايد حلوة في الكويت 1- هيلتون – في منطقة المنقف مطل على البحر واكثر من رائع في مطاعم روعة وفخم جدا 2- فندق المرينا – وإذا تبين نصيحتي يالغالية نزلي في هالفندق أولا لأنه وااايد راقي واستايل وحديث جدا وثانيا لأنه في وسط الديرة يعني بكون كل شي قريب منج ومطل على البحر وبجوارة مجمع المارينا مول وهو من الاروع واحدث مجمعات الكويت وفيه محلات وااااااااااااايد حلوة ويمتد منه جسر يربطة في مجمع ثاني داخل البحر فيه كل المطاعم العالمية يعني مجمع كامل عبارة عن مطاعم وكافيهات وقريب من جميع المجمعات مثل 1- مجمع الثريا 2- مجمع زهرة 3- مجمع الفنار 4- مجمع ليلى جاليري 5- مجمع البستان 6-مجمع جاليري 2000 والكثير من المجمعات التجارية وغير المطاعم الموجودة على الكرنيش ونهاية الكرنيش مجمع شرق وهذا المجمع لما تدخلينه راح اتحسين انج ماطلعتي من السعودية لأنه المجمع كله عائلات سعودية وخليجية ( طبعاً احنا نفرح في شوفتكم في ديرتكم الثانية الكويت وإذا بغيتي أي استفسار يالغالية أنا حاضر

يعل ربي يسلمج يالغالية او الغالي ما ادري بنت والا ولد
على العموم باخذ بالنصيحة والفندق هذا فيه مطاعم راقية

هلا حبيبتي طبعا انا بنت
فندق المرينا أكيد في مطاعم وبجانبه مجمع في البحر كامل كله مطاعم وكافيهات يعني كل إلى بخاطرج إنشالله بتلقينه
بس نصيحة حجزي من ألحين لأن بعدين صعب اتلاقين حجز

اتمنالج رحله سعيدة

هبـــــونه ( الزين كله )

حبيبتي الزين كله صحيح انك انسانه راقية وستايل من قلب على اسلوبك وسردك لمناطق بلادك
جعلك موفقة في كل خطوة تخطيها
وجزاك الله خير:clap: :clap:

رايي من راي اختي الزين كله .. فندق المارينا احسن فندق للي يبي القرب من الديره .. لكن اذا تبين تكونين بعيييده عن الديره و اللويه و الزحمه .. عندج هيلتون المنقف مثل ما قالت الزين كليه … شاعري و رومانسي ومكانه حلو..
وحياج الله انتي و زوجج في بلدج الثاني الكويت

تسلمين يا الغالية هذا من طيبج وإذا بغيتي إي شيء مايردج إلى لسانج
أنا في الخدمة

السلام عليكم
مبروك عليكم الشهر

انا ان شاء الله بزور الكويت في شهر نوفمبر والدوام حاجزين فندق راديسون ساس
بغيت اعرف اذا الفندق في نص الكويت والا بعيد

افيدوني خواتي من الكويت

حبيبتي الزين كله وين احصل الدراريع الكشخة والعادية اللي للبيت
بس ممكن توضحين لي وين اي يعني في اي مجمع واسم المحل

ومشكورة