المقادير:
-بيضتين مع شوية فانيليا
-2 ملعقة كبيرة سكر
-2 ملعقة كبيرة بيكنج باودر
-3 ملعقة كبيرة زيت
-كوب طحين
-نص كوب حليب طازج أو حليب بودره مخلوط مع نص كوب ماي
-نص كوب ماي
-ذرة ملح
-زعفران وهيل مطحون (اذا اتحبون ماي الورد حطوا منه بس انا ما احبه)
الطريقة:
1-أول شي نخفق البيض مع شويه فانيليا
2-بعدين نضيف السكر
3- وبعد انضيف الزيت
4- ونحط عليهم شويه هيل وزعفران زذره ملح
5- ننخل الطحين مع البيكنج باودر ونضيفه على الخليط
6- اخر شي انحط الماي والحليب ونخفق الخليط عدل .. وكل ما خفقنا زياده راح ايزيد عدد الفتحات والفقاقيع في الخبز بعدين..
A-هذا شكل العجين لازم ايكون سائل اخف من عجين الكيك واذا احتاج ماي زيدوا .. المهم يكون سائل.. انا الصراحه الكميه كانت مضبوطه وما احتاييت ازيد شي ..
B-بعدين نيب تيفال ونخليها تسخن .. اذا التيفال الي عندكم يلصق في العجين انصحكم تدهنونه بشوية زيت خفيف.. انا الصراحه ما دهنته لانه الحمدالله ما يلصق.. بعدين نصب مقدار من العجين على التيفال..
C-ولما ينشف السطح وتطلع فيه فقاعات وفتحات مثل الصوره نقلبه على الجهة الثانيه ونخليها تحمر شوي..
D&E- هذا شكل الخبز بعد ما قلبناه .. حطيتلكم مثالين ..
F- وهذا الشكل النهائي للخبز … بذمتكم ما ايشهي .. والاحلى يوم تاكلونه بجبن كرافت ودبس .. يا ربي لذيذ ..
 |
اقتباس |  |
 |
المشاركة الأساسية كتبها السداااوية  |
 |
 |
| بجربها باجر.. | ||
 |
 |
ولا تنسين اتصورين تطبيقج وان شاء الله تضبط معج ….
تسلم ايدج على الصورة
والطريقة والمقادير
|
اقتباس | |
|
المشاركة الأساسية كتبها ام نيلا |
|
|
| ما شاء الله شكلها ضابط عدل
تسلم ايدج على الصورة والطريقة والمقادير |
||
|
|
الحمد الله … تسلمين على المرور والتعليق …
|
اقتباس | |
|
المشاركة الأساسية كتبها مرمر |
|
|
| خالي المشاعر ..تطبيق حلو ..ما شاء الله عليج ضبطيه … | ||
|
|
مشكورة حبيبتي على المرور والتعليق … وزين يوم حطيتي الرابط تبعج لاني انا طبعت الطريقة من دون اسم البنت الي خذت منها الطريقة … ولما جيت احطه ما عرفت اكتبه باسم من!!!
السموحة منج الغاليه ..ز
ماشاء الله روعة
مشكووورة على هالوصفة
يعطيك العااافية يارررب
|
اقتباس | |
|
المشاركة الأساسية كتبها خالي مشاعر |
|
|
| ولا تنسين اتصورين تطبيقج وان شاء الله تضبط معج …. | ||
|
|
:21_195:ماضبطت وياااي
تسلم ايدج عزيزتي..
وان شاء الله دايما نشوف مواضيعج المميزة