خبيراتنا ممكن طلب 2024.

مرحبا الغالين

ابي مساعدتكم

انا يا الغاليين عندي مشكلة في ملمس جسمي

يعني مناطق ناعمة ومناطق محبحبة يعني اذا تمررين يدج عليها مثل الحبوب الصغيرة وايد من تحت الجلد يعني اذا تشوفين ذراعي مثلا ما يبين ان ملمسه جذي بس مرري يدج وتحسين :shy:

واحس في مناطق الشعر ينمو تحت الجلد وما ادري ليش

المشكلة خصوصا في الذراع

خاطري يدي تصير ناعمة لان الي يشوفها من بعيد يقول ناعمة بس من يلمسها يخترع:cool2:

ما شاءالله عليهم بنات اشوفهم مثل القطن ابي اصير مثلهم

واكيد بمساعدتكم

ما تقصرون ادري عنكم

🙂
مشكورين مقدما

مرحبا حبوبة,
أول شي دهني جسمك بزيت اللوز المر وقعدي فيه ساعتين وبعدين تسبحي بس لا تتسبحين بصابون استعملي شاور جل أحسن. وبعدين ابتدي بالسنفرة وأحسن سنفرو والي صج تنعم وتخلي الملمس نفس الحرير ماركة لوريل لونها أخضر تلاقينها بالجمعية وبعد السباحة طبعا تحطين لوشن "الجلسرين مسوين خوش منتجات منها لوشن ما جربته بس أعتقد أنه ينعم أحسن من الباجي لأن الجلسرين معروف أنه ينعم الجسم نعومة فائقة". أما بالنسبة للشعر تحت الجلد أحسن شي الحمام المغربي يطلع الشعر والسنفرة بعد زينة.
والروب والهردة بعد زينين لتنعيم الجسم وبعد القيمر والعسل لا وبعد للتبييض.

كريم فازلين كل يوم بالليل

وكل صبح غسلي بصنفرة او سكراب مع ليفة مغربية عساس تسوين تقشير بس صنفرة مو قوية ناعمة جربي صنفرة بودي شوب زبدة الكاكاو

ومع الوقت بشرتك ولا احلا

السلام عليكم ورحمة الله وبركاته
مرحبا اختي ..
شوفي هالروابط وان شاءالله تفيدج المواضيع

ملف شامل للجسم

لتنعيم الجسم

لوشن الصبار لنعومة الجسم

لنعومة مثل الحرير

تقبلي تحياتي
ام عدول

اختى ملكة الغزلان

الجادل

وام عدول

مشكورين ما قصرتوا والله

انا صار لي يومين اجرب

واول ما اشوف نتيجة بقول لكم اكيد

تسلمووووو واللله

:clap:

اهلين اختي ..

انا ممكن افيدك عشان الحبوب الصغيره ..

انا عارفههي مو حبوب .. بس ليها نفس الملمس صح ..

انا جت لي فتره وصار لي كذا ..

استخدمت الخل لجسمي .. ورااح الحمد الله ..

وبعد حمام المغربي ..

ومقشر لوريال ..

تحياتي ..:smile::smile:

ابتسام العمر

عدل كلامك اختي اهي مب حبوب بس ملمسها نفس الشي

يعني في رايج اجرب الخل؟؟

انا صار لي الحين جم يوم قبل ما أنام اخلي فازلين

واليوم ان شاء الله بجرب الخل وبقول لكم النتائج

تسلمي اختي الله يخليج