اريد اعرف عن هذه الماركه اذا عندكم فكره .. زينه والا لا؟ شفتها في كذا مكان والوانها حلوة بس خفت اشتري واكتشف بالاخير ان الوان الشدو ما تثبت ..
اذا وحده عندها فكرة ومجربه يا ريت تفيدني ..
مع الشكر ..
او انه هو لاينر لانه يستوي احطه داخل و خارج العين بس حلوووو عيبني خذت الاخضر و البنفسجي
و ايبين ..
وخذت من عندهم منيكير وألوانها زينه
وناويه آخذ الكحل السائل 
ان شاء الله تلاقين الاجابه الكافيه والوافيه
* مكياج من ماركة MAKE UP FOR LIFE السينمائي
هذه الماركة شبيهة جداااا بماركة MAKE UP FOR EVER من حيث الشكل الخارجي والداخلي والالوان والجودة وتنافسها في السعر فقط
من المعروف عن ميكب فور ايفر انه المكياج السينمائي الاول في العالم والمكياج الذي يفضله خبراء التجميل في العالم والمشاهير
وهذه الماركة التي سوف اعرضها عليكم اليوم شبيهة بها وايد ولكن ليست تقليدهذيك ماركة بروحها وهذه ماركة ثانية واثنينهم اصليات اكثر شي عيبني في هذا الماركة القلوسات والايلاينر الكريمي الذي يستخدم بالريشة وبخليكم مع الصور
* باليته قلوسات مكونة من 5 الوان روووووووعة رووووووعة روووووعة الوانه جذابه وراقيه جدااااااا وضد الماي وسهله الدمج وبالغعل تستحق التجربة
العلبة الاولى ( تدرجات اللون البني )
العلبة الثانية (تدرجات اللون الوردي )
العلبة الثالثة ( تدرجات اللون الفوشي )
العلبة الرابعة ( تدرجات اللون الاحمر )
* ايلاينر كريمي في علبة صغيرة يرسم بالريشة اسود فاااااااااااااااااحم ضد الماي ثااابت جداااااااا ويدوم لفترة طوييييييييله ولا يتاثر بالحرارة والرطوبة يعني ما يسيح
كما يتوفر الوان اخري من الايلاينر الكريمي مثل ما هو مبين في الصورة
الالوان بالترتيب من اليمن الى الشمال ( اسود ، عيناوي غامق، ازرق غامق ، اخظر غامق ، بني غامق )
بالنسبه لتجربتي الشخصيه اقدر اقول لكم ان الشادو تقريبا نفس جودة شادو ماك
الالوان واضحه و ثابته
و رايي الشخصي ان الشادو اللي فيه لمعه اقوى و احلى خصوصا للمناسبات
اطول مده لإستخدام الشادو (o) 8 ساعات (o) ما اخترب ولا خف اللون
قبل لا ابدى بعرض الصور:
سامحوني لاني ما كتبت ارقام الشادوهات لاني ثبتهم في الباليتات قبل لا اكتب الارقام و ما اقدر اشيلهم من مكانهم لانهم ملزقين فاعذروني
ما اسمح ولا احلل لاي كان انه ينقل الصور او الموضوع لاي سبب من الاسباب
اول شي براويكم الالوان الي بدون لمعه
طبعا انا استخدمت URBAN DECAY PRIMER POTION بيس لهم و يفضل استخدام اي بيس للشادو اذا تبينه يثبت فترة طويله
الالوان اللي بلمعه و اللمعه يا فضيه او ذهبيه (y)
تسلم ايدج ع التوضيح جزاك الله خير..
تشجعت اني اخذهم الحينه .. بس خساره هم كانوا مسوين عرض على هالماركه وانا للاسف ما كان عندي فكره عن الجوده وما اخذتها بس اصريت اني اعرف عنها وجيت كتبت الموضوع .. وشفت ردودكم والحينه ان شاءالله ادور عليها واحصلها ..
حصلت تاجرات يبيعونها في المنتديات وهني بعد .. لكن اتوقع الالوان غير تكون على الطبيعه ..
اشكركم مره ثانيه والله يوفقكم ويرزقكم اللي تتمنونه