مين عنده حل للخطوط السمراء على الرقبة؟؟ كيف الوحدة تقدر تخلي جسمها كله نفس الدرجة و خصوصاً لون الرقبة مثل بقية الجسم؟؟؟:icon9::icon9::icon9:
بقولج شغلة جربتها بس 3 مرات
كنت اعاني من هاي الخطوط في الرقبة
وتضايقني وااايد .. حتى اكنت اقول معقولة كل هذي أوساخ ؟
ولما أدخل اسبح افرك فيها فرررك ولا تتغير
قعدت افكر وو قلت خل اجرب هالشغلة يمكن تنفع
بدل ما أحفها بالخيط خل احفها بمووس مالت الحلاقة
يعني اللي يستخدمونهم الصالونات الرجالية مب اللي نحن نستخدمها
إذا حصلت صورتها بخليها
و وينج يختي تعالي حفيها لي بذا الموووس
أول شي قامت تقوولي بلا غبااء ولا تخربين رقبتج
قلت لها معليه خل اجرب إذا ما نفعت ما بتضر …….
وقامت وحفتها لي
ووالله ما اجذب استوووت روعة
بس لحين فيه الخطوط يعني ما راحت 100%
لما شفتها جييه قلت خل اجرب على ويهي بعد !
وووالله وجربت ….. وانصدمت من النتيجة بجد آثار الحبوب و الحرار كلللها رااحت
يعني صارت بشرتي صااافية
بس أول كنت اخلي على ويهي كريم بعدين ابدأ احفها بالمووس
وقمت وحفيت لأختي بعد لما شفنا النتايج حلووة
لما ردت أمي من برى تطالعنا وهي فاتحه حلجها وعيوونها على الآخر
تقوووول وش مسوووين بعمرك شوو هالحلاة ؟؟؟؟؟؟؟!!!
قعدنا نضحك قلنا لها تونا رادين من الصالوون
إلا تقوول الحين تودوني للصالون هذا والله انهم محلوااات واايد
وكل من شافنا فتح عيونه على الآخر
المهم
جربت هالطريقة 3 مرات وبعدين راااحت الخطوط اللي في الرقبة نهائياً
