خلطة سكراب دلع الخطير لتفتيح وتنعيم وتلميع وتدليع الجسم من اختراعي 2024.

واخيرا بعد تجارب سويت خلطه للجسم رهيبه ومثل مايقولون الحايه ام الاختراع 💡

اول شي بخبركن بقصة اختراعي ___دلع ___

لانه صدق دلع للجسم يخلي جسمج بيبي وطري طراوه انما ايه هههههه دعايه صارت هب سكراب

نرجع للاهم ا لا وهي قصة دلع الدلوع هههه

من فتره يايه من السفر وحسيت انيه مسمره وضاربني جفاااااااف فضيع فجسمي فأحترت كيف برد

لوني قبل لااسمر وكيف في نفس الوقت برطب جسمي لاني اتعايز احط مرطب عقب الشاور فدايما احب استخدم الاسكرابات اللي مثل السكر ومعاها زيت كنت استخدم سكررابات البودي شوب اللي على هالشكل بس من فتره رحت ومالقيتهن

فقلت اجرب اخلط كم شغله وادلع جسمي وواشوف النتيجه يمكن تنفعني

المهم رحت ويبت المحتويات اللي اباهن واحس انهن بينفعني وخلطتهن رباعه وطلعت النتيجه

فتااااااااااااكه :nanaparty: صدق دلع في دلع

تفتيح +ترطيب+لمعه وانتعاش روووووووووووووووووعه وهذا المطلوب :2_71:

وهذا كله ماياخذ منج اكثر عن دقايق فرك وتدلعين نفسج ترا جسمج له حق عليج لازم ندلع انفسنا شوي بسنا اهمال هب لازم قبل العرس بس اهتمام

وانا وحده احب ادلع نفسي مع اني عزابيه :cool2: لازم نحب نهتم بانفسنا عشان انفسنا قبل لانهتم بانفسنا عشان الناس واهمهم عند العرايس الحبيب الزوج :2_106:

تعالن اخبركن عن المقادير

سكراب دلـــــع:9_28:

اولا هذا الكوب اللي استخدمته في مقادير الخلطه

كوب ونص سكر بني

كوب ونص سكر ابيض نخلطهن رباعه في وعاء

كوب ونص طحين ارز (رز وتطحنينه) ونخلطه مع اللي فوق

كوبين وربع زيت جوز الهند

ونخلط كل هالمقادير مع بعض زين مازين :handup:

واخيرا نصبها في غرشه لها غطاء عشان نسكرها ونحافظ عليها في حرارة الغرفه

والحين بخبركم بطريقة استخدامه

تاخذين شور عادي تنظفين جسمج بالشاور جل وعقب تنشفين جسمج زين ولاقطرة ماي انتبهي

وتحطين من السكراب وتفركين بحركه دائريه فرك زيييييييييييييين وكل جسمج كله كله ماعدا بشرة الويه ..وعقب تغسلين جيمج بالماي بسسسسسسسسسسس

واللي ماتحب ريحة جوز الهند ترش عجسمها كله بودي مست عشان تروح ريحة جوز الهند قبل لا تنشفه
واحلى بودي مست سبراي اللي عند البودي شوب دوم اخذ منه واستخدمه تبقى ريحته في الجسم ولايحسس الجسم منه و انا احب الروز بودي مست ريحته روووووووعه وممكن تحطين اي بودي مست تفضلينه بالريحه اللي تحبينها طبعا

وهذي صورة البودي مست

جربنها والتجربه خير برهان

تراها رووووووووووووووعه ولو تستخدمنها يوميا بتشوفن احلى النتايج و بتستون عرايس صدق وتلقن زي اللمبه

نيي الحين لفوائد كل من المكونات

@@السكر يجدد خلايا البشره وبالتالي يفتح البشره ويحرك الدوره الدمويه ومعلومه من وحده يابانيه ان السكر يشد البشره ..

@@الرز يحتوي على مواد تساعد على تفتيح البشره وتوحيد لونها ويجدد خلايا البشره وينشط الدوره الدمويه ويصفي البشره من الشوائب..

@@زيت جوز الهند وزيت جوز الهند لا يرطب الجلد فقط بل يحميه من البكتريا ويحافظ عليه في شباب لمدة أطول وصحة أكثر، والسبب هو احتواؤه على نسبة كبيرة من مضادات الأكسدة التي سرعان ما توقف النمو البكتيري عند اصطدامهما، وبذلك يمنع الهجوم البكتيري المدمر ويمدنا بالحماية منه، حيث يتخلل زيت جوز الهند الطبيعي الطبقات الداخلية للبشرة مقويا الأنسجة الداخلية، ومن هنا تحتفظ هذه الأنسجة بترابطها القوي فلا تتشقق، وزيت جوز الهند الطبيعي الخام لا يعطي للجلد فقط مظهرا حيويا مؤقتا بل يساعد على الشفاء والإصلاح حيث يساعد على إزالة الطبقة الخارجية من الجلد الميت، ومن فوائده العظيمة أيضا أنه يقلل من ضررالتعرض الطويل لأشعة الشمس لأنه يمتص داخل الجلد وفي داخل تركيب خلايا النسيج المترابط.

لذلك انا فكرت فيه لفوائده العظيمه للجسم..

اتمنى ان سكراب دلع نال على اجابكن ورضاكن واتمنى انكن تجربنه وتستفيدن مثل مااستفدت منه

والاهم ان تعم الفايده للجميع:Zd_bye_3:

ولاتحرمني دعواااااااااااااااتكن في ظهر الغيب