انا قبل ثلاث شهور اشتريت كتلوج للعرايس ولفت نظري فساتين العرايس لدار البيت القديم للأزياء فالامرات بس المشكله دورت على رقم هالمحل وما حصلته حتى فالبداله
اذا وحده فيكم سمعت عن المحل بلييييز ادلني عليه
في دبي مكانه شفتي السوق الذهب هناك ..بيت من طين بتحصلينه ..
انا متعامله مع البيت القديم للتراث .. وصاحبة المحل اسمها ام ظبيه ..
موديلااتها رووووووعه وفخمه ..
اما بالنسبه لمكانه .. في سوق الذهب الي فدبي ..
المحل بتحصلينه في بيت قديم شرات المتحف
وبالتوفيق
يزاكن الله خير
الحين فاتحه في فيلا .. من شهر تقريبا سرتلها بس تبين الصدق ماحبيته فساتينها وااايد ثقيلها واسعارها بعد عاليه لانها قامت تفصل لأميرات .. بس الناس اذواق انا عموما احب الستايل الغريب والبسيط حلاة الانثى بنعومتها كل ماكانت ناعمه كل ماكانت حلوه وجذابه ..
واذا تبين رقمها حاضرين خبريني وبطرشه لج
اسعار ام ظبيه.. اتجاوزت الخيال!!! خلها تكتب على فلتها خاص للأميرات وبس !!
احسن م الوحده اتسير واتضيع بوقتها!!!! قبل موديلاتها كانن احلا وفخمه وااايد..
الحين!!! كل شي دفش ! وغااالي بمبالغه !!
انا عن نفسي مانصحج تضيعين وقتج .. لانها بالفعل من قامت تفصل للأميرات والشيخات استوت تكلمج بكل تعالي مب شرات اول . ..
و بيني وبينج اخر كوليكشن شفته عندها لو هي بتدفعلي قيمة ها الفساتين مالبستها دفاااشه لآبعد مدى يبالج تتمرنين على الاثقال قبل لاتفكرين تسوين عندها من ثقل فساتينها لووووووول..
بس بعد الناس اذواق ولولا تعدد الاذواق لبارت السلع يا ختيه ..