اولاً : طقم شناط على الاقل اربعة او خمس
( شنطة صغيرة للمكياج – شنطة متوسطة بعجلات للسفر الداخلي حق يومين كذا – شنطة مقاسها لاكبير ولا صغير تنفع داخلي حق 10 الى 15 يوم – كبيرة للسفر الطويل وتنفع في الخارجي – شنطة خاصة لزوجك فقط اذا سافر لوحدة يومين ثلاث غيرها لاتسمحين له الا اذا كان دراسه او عمل او احد الضروريات …… شنطة البدل تلاقينها بعلاقاتها ومريحه للرجل عشان ما يتعب في الكوي )
ابدأ في الأطقم الي لازم تشترينها من الملابس والاقمشه .
طقم ارواب الحمام عدد ( 1)
طقم مناشف نوع ممتاز عدد ( 6 ) ثلاثه لكِ بلون مختلف وثلاثه لهُ بلون مختلف لكن نفس الشكل ..
طقم مناشف لتمسيح اليدين في الحمام ( 2 ) لكما ( 2 ) لضيوف .
احذيه لكما عدد (4) للمنزل انتقيها بعنايه ( مريحة يعني في البيت )
طقم اول ليلة افضل شي يكون لونه ابيض وايطالي مكون من على الاقل اربع قطع ( الروب طويل – قميص طويل – قميص قصير – الداخلي 😮 )عدد(1)
طقم بجامه تلاقونها عند البي اتش والمذر كير بكثرة مكون من بنطلون طويله وبدي عريان وروب اكمام طويله اشتري (2) تنفعك في البيت واذا دخل عليك احد من جارتك او غيرة او في السفر تنفع كثير ..اشتري وحدة مشجر وحدة سادة ..
ملابس داخلية قطنيه عاديه انصحكم من عند لاسينزا او bh ممتازة واشكال وانواع …..
تجي علبة فيها يمكن خمسة ولا سته حلوه مرة من عند bh بسل لازم تعرفين مقاسك مزبوط ( زي مقاس التنوره او اكبر شوي ) يعني الي تلبس 42 تاخذ 44 .. وفيه ملون وابيض لاتفوتكم مريحة انا لهلحين وانا اشتري منها ….
طقم سنتيانات مع الداخلي تبعها اشتري اصلية (2) دانتيل على الاقل ..
والباقي النتِ حرة واشتري ابيض واسود وحركات ازرق او اي شيء اخر انتِ تحتاجينه … المهم خمسة او ستة ..اطقم ,,,,, تحتاجينها لاغراض اخرى …
طقم عبايه مسترة وزينة …. وكم طرحة على كم غطوة وعبايه من غير الطقم ..
اطقم خروج تايرات ( 2 ) فستان عادي كجوال او اي مديل فستان يعني (2 )
طقم با نطلون (2 ) بس حسب عيلتكم وعيلته والي راح يجونكم او يعزمونكم اما انتم ترحولهم كرري الشيء الي تحبينه …
( لاتكثرون تراكم تعافونها بع الزواج وكل ما نزلتي السوق مع سي السيد بتلمين )
اما الأن الاشياء المنفصلة :
بعض الداخليات الي تلبسينها وقت الدورة او على القمصان الخفيفة وما جاء معها داخلي ( اشتري اللوان واشكال متعددة ) بس اعرفي هي ليش ومع ايش تلبس اكتبي كل شيء اشتريته با الوصف واللون …
شلاح طويلة وقصيرة ابيض – سكري واسود …
سنتيانات 4 اهم شيء عشان تلبسينها مع الجلابيات والبلايز وغيرة الالوان الي تفضلينها .;)
قمصان نوم افضل قصيرة او كما تحبين كم شكل على كم لون عدد ( 7 ) اذا امكن ……
بجايم طويله كم وحدة كم طويل عشان البرد وكم وحدة كم قصير وعند لاسنزا وإيتام bh احلى من نعومي …. عدد ( 5 ) ..
بجايم شورت عدد ( 5 ) .. من نعومي او السوق متروس من الزين بس مو تلمين وما تعرفين الزين من الشين انتبهي خذي الي ما يصبغ مع الغسل وخذي الزين …. ولا تتسرعين
قمصان البيت العريانه والي كمها كت والي كمها طويل والي قصير السوق متروس منها من الماركات انا افضل لاسنزا و نعومي في هذا النوع بذات نعومي في القمصان حقت البيت … واذا كانت بوال افضل واحلى ..
المهم عدد (5 ) على الاقل
تنانير – بلايز – جلابيات – بديهات – بنطلاونات – جاكتات – شيلان
على كيفك الالوان و نوعية الاقمشه وكمان العدد حسب خرجاتك والي تحتاجينه لاتلمن الا الضروري ….
شراريب الي تحتاجينه بس حبيت اذكركم ..
طقم مفرش سرير عدد ( 2 ) اصلي واشتري واحد لزينه وترى ملايان اشكال وانواع من هذه النوعية ( من غير البس من شرشف ومخدات لسرير عشان تغيرين من فترة لفترة وشتري اللوان حلوة ومناسبة للعرسان ..مو تشترين حمار الوحش ولا جلد النمر يكافي اشتري شي زين وحلو …;)
في عندك بن طالب _ شن ون – حلو وتر السوق مليان …..
((المهم اشتري شرشف صلاة وسجادة خاصة فيك تحطينها في غرفة النوم عشان للصلاة والوتر لاتنسون توترون قبل النوم ))
الله لا يحرمنا منك بشر
جزاك الله خير ، ماقصرتي
وأحب اضيف للعرايس
لا تكثرون من اللبس خصوصاً لبس البيت ، الحمد الله الأسواق
في كل مكان ، أهم شيء يكون يكفيك لمدة شهرين ، وبعدها
إطلعي وإشتري عادي ، وعودي زوجك على كذا
مو :s مثل حالاتي كنت مستحية ، ومجهزتني الوالدة الله يسعدها ويخليها
من إلى ، يعني مانقص شيء
أختكم:همسة
وصح نحن الامهات نحرص انه ما ينقص عليكم شيء من غير شر ….
وترى الكريم كريم والبخيل بخيل مايتغير …… شيء بعد الزواج …
++++++++++++++++++++++++++
والصراحه اتحفتينا ولج بوووسه امممموااااح
++++++++++++++++++++++++++++
انا من الامارات ..في محلات ذكرتيها موجوده عدنا وفي مش موجوده
بس المهم اني اخذتلي فكره.. وبصراحه نسخت كل اللي كتبتيه عن المكياج والملابس عندي عشان باجر اوديه السوق ويايه
++++++++++++++++++++++++++++
بس لي طلب ومستحيه… اخاف انا انكون ثقلنا عليج:o
1 . يريت تعطيني فكره عن الذهب .. والكسسوار(شنط و احذيه)
++++++++++++++++++++++++
وبذكــــــــــــــــــــــــرج بالخير طول عمري;)
تسلمين والله انج ما قصرتي
وسديتي ووفيتي والله
والله يوفقج ……….
رشا عيوني ما ادري وش عاداتكم با الذهب ….. لكن ما ابخل عليك واقول لك ِ عن عاداتنا ……..
حزام ذهب رقيق ويكون منه حزام ومنه ينفع عقد اذا لقيتي جاهز كان بها واذا ما لقيتي صمميه انتِ لايكون غالي مره متوسط السعر المهم على قدر ما تقدرين تدفعين …. ويليت يكون مثل مديل الشال ( عرفتيه ) الي طالع اطقم يكون يلف حولين العنق وشكلة فخم وبسيط في نفس الوقت …
طقمين واحد ذهب اصفر واحد ابيض … وطقم لؤلؤ
ساعة طقم انت ورجلك بشرط تلبسونها با استمرار وانتِ خذي ساعة اخرى مزدوجة ( يعني تلبس على الاطقم الذهبي والفضي )..عشان يمكن تجيك ساعة هديه لاتكثرين بعد سنه او سنتين اشتري ,,,,,
سلاسل من دون تعليقات على الاقل ( 4 ) وحدة حلبي او من نوع فاخر يبان عليها عشان تلبس على الجلابيات اذا جاك احد في البيت وانت عروسه
او على الفساتين اذا ما تبغين تلبسين طقم ….
ام الثلاثة الثانية تشترين السلاسل الطالعة الزينة وبعضها مدموج فيها نحاسي و فضي وذهبي ..
التعليقات العدد الي يكفيك عشان يمكن تجيك هدايه . اشتري الي مرصعة بلاحجارالكريمة واذا كان عندكم يجي معها اخراصها افضل ,,,
واشتري الاشياء الضغيرة الي تلبسينها على البلايز وقت العمل مثلاً وغيرها حسب احتياجك وذوقك …
الاخراص الخفيفة والي تناسب دائرة وجهك وتكون مناسبه للسلاسل الي اخترتيها ….. ولاتنسين خرص لؤلؤ يعطي الوجة براءة وصفاء
خواتم اشتري الرقيقة لوكت البت والعمل واشتري الفخمة وقت العزايم تلبسينها …
الاساور طبعاً المريح منها والي بعضها يكون خفيف والاخر ثقيل …
البناجر وهذه لازم عندنا با السعودية البعض يشتري ستة مثل بعض تكون مو مرة مديلة عفش يكون رقيق وفخم في نفس الوقت والبعض يفضل اربع اربع والاخر كل ثنتين شكل غير عشان تستفيد من لبسها بعدين
المهم نستري 12 حبة وطبعاً موديلاتها تارسة السوق ….
بس هذا الي يلبسه معظم بنات السعودية ……
الله لايحرمنا منك آمين
طبعاً هالموضوع وغيره محفوظ عندي
😉تسلم ايدينك جعلها ماتشوف مكروه(a)
كفيتي ووفيتي الصراحه انا ماكان عندي
خبره بها الموضوع واستفدت منك كثير الله يكثر من
امثالك ويعطيك العافيه:o 😮 😮
😉