مساءصباح الخير
اليوم دخلت المطبخ ومو عارفه ايش بدي اطبخ وساعه وانا بلف وبفكر ايش اعمل ايش اعمل بالاخير قررت اني اخبص واعمل طبخه من اختراعي وصورت الخطوات قلت ازا بتزبط وبتكون النتيجه مرضيةبفرجيها لبنات عروس ما زبطت بطعميها لزوجي عالساكت 
والنتيجه طلعت مرضية والطعم روعه
نبلش قطع دجاج مقطع الي قطع صغيره ومنضف بالطريقة المعتاده
3ملاعق كبيرة لبن بنحطها بصحن
بنضيف عليها ملح وفلفل اسود وبهارت وكاري
بنخلطهم جيدا
بنغطي قطع الدجاج بالخلطة
وبنغطيها بنايلون مطبخ وبتركها بالتلاجه لمده ساعتين
بنحط فنجان زيت زيتون في طنجره تكون واسعه
وبنسخه شويه
بنضيف قطع الدجاج على الزيت
وبنقلبها من كل الجهات
بنضيف كاسه ماء على باقي خلطه اللبن والبهارات
وبنضيفها على الدجاج
بنترك قطع الدجاج لنص ساعه
هلا بنجهز قطع البطاطا 3حبات بطاطا كبيره مقشره ومقطع مربعات كبيره
بنقلي قطع البطاطا
بعد نص ساعه بنصف قطع الدجاج في صينيه فرن
وبنضيف قطع البطاطا المقليه
بنجهز الليمون والثوم
عصير 3 حبات ليمون
و10 فصوص ثوم مهروسه
بنخلطهم سوا وبنحط ملح انا حطيت باكيت ماجي بودره وبنخلطهم
بنورزع الليمون والثوم على الدجاج
وبضيف باقي الماء والزيت الي سلقنا في الدجاج على الصينيه
وبندخلها الفرن ربع ساعه بعدين تحمر
هي الشكل النهائي
قدمتها مع الرز
طبعا الطعم يمممممممممممم يمممممممم طعم الليمون بيشهي :adore:
وبس صحتين وعافيه
ان شاء الله تعجبكم
بخليها تتحمر في الفرن مع الدجاج
يعطيكِ العافية
ودي لكِ
( اريد اقيمج على الوصفه الذيذه بس ميزانج رافض لي عوده بإذن الله )
اللهم إنك عفو تحب العفو فأعفوا عنا..
شكلها شهي جدا
تسلم يدك
تسلم الأيـاااااااااادي " اكليل "
سلمت يمينك
يعطيك العافية
تم التقييم
تسلم ايديك