اولا وقبل بدئي في موضوعي ارجو منكم اخواتي فضلا وليس امرا الدعاء بالفرج العاجل لاهالينا في قطاع غزة وجزاكم الله كل خير
ثانيا ببتدي في وصفتي لليوم ونظرا لانه كثير اخوات بيسالوا عن طرق مختلفة وتتبيلات جديدة للدجاج رايحة افيدكم بخلطتي والي من دون مدح لنفسي والله الشاهد ولمحبتي للمساعدة للجميع ما في حدا بيذوق عندي اكلة الا وثاني يوم متصل ياخذ طريقتها
اول شي بنغسل الدجاج انا استخدمت صدور الدجاج وقصدت استعمالها اولا لانه بنحبها اكثر شي في الدجاج ثانيا علشان تشوفوا وتجربوا انها رايحة تظل طرية من الداخل لانه معروف انها اول جزء
بينشف الدجاج
بنغسله بطريقتنا الخاصة (كل واحدة بتختلف طريقتها عن الثانية انا بغسل الدجاج احيانا بالخل والزيت والملح او زيت وملح وليمون وشوي طحين قمح)
وبنترك الدجاج وبنروح نحضر التتبيلة وهي عبارة عن (نص كوب زيت زيتون +عصير ليمونة كبيرة +فلفل اسود+ملعقة سماق كبيرة+بودرة الثوم+بهارات عربية مخلطة +بصلة مقطعة صغيرة وهي اختياري+اي بهارات امريكية عندك زعتر ناشف وبقدونس ناشف)بنخلطهم جميعهم وبنحصل على هذه النتيجة
بنصف قطع الدجاج على صينية وبنجففهم شوي باستعمال الورق الخاص بالمطبخ وبنرشهم بالملح
وبعدها بنغمس كل قطعة في التتبيلة وبنرجع بنصفهم من جديد بندخلهم الفرن على حرارة عالية في الرف الاوسط مدة نصف ساعة فقط لا غير والنتيجة دجاج محمر من الخارج وطري من الداخل من غير ما يكون ناشف
بعد ما حطينا الدجاج وصار بالفرن بنروح بنجهز شوربة السبانخ
وهي عبارة عن سبانخ
بنغسلة منيح منيح علشان نتخلص من الاتربة والرمال وجميع الاوساخ الي فيه شخصيا بغسل كل ورقة بورقتها
بنفرمه فرم متوسط
بنقطع بصلة صغيرة وبنحطها مع تقريبا ملعقتين زيت نباتيوبنخليها تتذبل شوي
بعدها بنضيف السبانخ وبنخليه يتقلب مع البصل
وبعدها رايح ينزل مي كثر علشان هيك رايحين نضيف كمية متوسطة من الماء تقريبا 3 الى 4 اكواب
مع الملح والبهارات ومكعبين ماجي
بنخليهم على الغاز بعد ما يغلو على شعلة متوسطة
وبعدها بنضيف تقريب الكوبين حمص مسلوق وجاهز
وبنضيف على السبانخ وبنخليه مدة عشر دقائق علشان بغلي وياخذ طعم السبانخ
واخر شي بنقلي سنين ثوم مع ملعقة زيت كبيرة وبنضيفه عليه وبيكون جاهز عندنا
بنرجع للدجاج بعد مرور النصف ساعة وخمس دقائق بنطلعه من الفرن وبنخليه يرتاح مدة 10 دقائق علشان المي الي جواته ما تطلع وبنغطيه في ورقة قصدير
بعدها بنقطعه الى شرائح اذا بتحبو وبنشيل العظم وهذه النتيجة
وممكن انا احيانا اذا ما بيكون في شي فيه صوص جنبه يعني مثلا احيانا بقدم جنبه سلطة خضرا وبطاطا بوريه بعمل صوص من المي الي نزلت من الدجاحج بضيف ملعقة زبدة +ومعقة كبيرة طحين
وبحرك ولعدها بضيف حليب او كريمة اذا متوفر وشوي مية
وهذا السبانخ
بنقدم مع السبانخ الارز بالشعيرية (بس للامانه انا كان زايد عندي يومها ارز مع الخضار وقدمته )
صحة وعافية وان شاء الله اكلاتي تكون اعجبتكم
يمي يمييييي
يسعدني اكون اول وحده ترد
الله يعطيكي العافيه بصراحه الطبق روووووووووعه كالعاده ما شاء الله
اممممممممممم شكرا لك دايما مميزة باكلاتك
الله يفرج على غزة و اهلها و الله اني مو قادرة اطالع الاخبار بسببهم لان حالهم يدمر
الله يفرج عليهم
الله يفرج على غزة و اهلها و الله اني مو قادرة اطالع الاخبار بسببهم لان حالهم يدمر
الله يفرج عليهم
يسلموووو ايديك على الوصفات الحلوة والمميزة يا عسل
الله يسعدك ويوفقك ويهنيكي بحياتك
يارب يفك اسر اخواننا في غزة ويرد كيد المتوحشين عنهم ويحميهم ويحمي جميع بلاد المسلمين وينصرهم على اعدائهم ويثبتهم ياااارب
/
::
يسلمووووووووووووووووووووووووووووووووووووو
يعطيك العاااااااااااااااااااااااااااااااااااااااااافيه
/
::
جزاكم الله خير على دعواتكم لاهلنا في غزة
دائما تسعدوني بتواصلكم اللطيف