السلام عليكم ورحمة الله وبركاته ..
عرايس المنتدى شخباركم ؟؟ أتمنى تكونون بأحسن الأحوال ..
اليوم سويت لك درس في بالي أسويلكم ياه من زمان ..
أتمنى يعجبكم ..
أنا سويته بعرس ذاك اليوم ولما شافوني بنات ادوام بمكياج لأول مرة قالوا واو وين خاشه كل هالجمال .. :rolleyes:
ولما أختي شافت الدرس قبل شوي طبقته وطلع عليها وايد حلو ..
يالله نبدي ..
1_ تنظيف البشرة بالسنفرة والصابون .. وترطيبها بكريم مرطب ونخلي ليما تشربه البشرة ..
تكون البشرة جذي ..
طبعاً أنا أخترت هالصورة لأن عجبتني عيونها وايد ..
2_ نضع الكونسيلر على العيوب البارزة ..
3_ نضع كريم الأساس ونوزعه على البشرة بشكل جيد ..
4_ نضع البودرة المثبته واللامعه .. وعلى فكرة أعجبتني طريقة وحدة البنات ذاك اليوم
من منتدى عروس بس تعذرني نسيت أسمها تحط المثبت على البودرة وهذي فكرة
ذكية لتثبيت المكياج بدون تخريب ..
ويكون الوجه جاهز للمكياج بطرقة رائعة ..
5 _ نلبس العدسات .. وأنا أفضل نلبسها قبل حتى كريم الترطيب في الخطوة الأولى ..
عموماً أترك الخيار لكم ..
وأغمج الحواجب .. بقلم الحواجب البني ..
وأحط اللون الأبيض اللؤلؤي تحت الحاجب وأطلعه بره شوي علشان يعطي سحبه حلوه للعين ..
وأكحل العين من الداخل باللون الأزرق ..
وأحط البودر السائب على عظمتي الخد .. لنظافة المكياج ..
6_ نحط اللون الوردي على عظمة الجفن .. أو الجفن العلوي .. ونحاول نمدده ..
وندمجه ويا اللون الأبيض اللؤلؤي اللي تحت الحاجب ..
طبعاً الكل يسأل ليش تحطين من فوق لتحت ..
لأني تعلمت من ماكييره شفتها على التلفزيون تحط اللون الفاتح قبل .. علشان
نتحكم بدمجه .. مع اللون الفاتح فوق .. ومع الغامج تحت ..
7_ نجيب الشادو الأسود الغامج بلمعه خفيفه ..
وحاولوا تاخذون اللي بعلبه بروحه .. لأن يكون أثقل وأوضح ..
ونحطه على الجفن من فوق .. وندمجه مع الوردي .. ونسحبه شوي لي بره علشان يعطي
سحبه حلوة وفنية ومحترفه للعين ..
8 _ نجيب الكحل الجاف الأسود .. وأفضل ماركة هي ماك بلا شك ..
ونكحل العين تحت الرموش من تحت .. بس لا يغطي على الكحل الأزرق اللي حطيناه قبل شوي ..
يعني الأزرق .. وتحته الأسود ..
بهالطريقة ..
9_ بعدين نجيب اللون الأزرق من الشدو ..
ونحطه من تحت العين وفوق الكحل الجاف الأسود .. ونمده لي أخر العين وفوق شوي علشان يدمج مع الأسود ..
بهالطريقة ..
10_ نحاول بالشدو الأسود نثقل الرسمة وندمجه مع الأزرق .. بهالطريقة ..
11_ الحين نجيب الحكل السائل .. على فكرة في نوعين أنا وايد أحبهم ..
اللي أهو بودي شوب .. ينشف بسرعة مو معقوله وخطه ثقيل وحلو ..
واليزابيث من محمود سعيد ..
نحدد العين من فوق .. ومثلث بسيط من الداخل ..
ومن تحت نسحبه شوي .. ونحدد العين أكثر من تحديد الجاف والشدو ..
بهالطريقة ..
12_ الخطوة الأخيرة ..
بفرشاة نشيل الباودر على عظمتي الخد ..
نحدد الخشم .. ونحط على عظمة الخشم والخد العلوي لمعة بسيطه ..
والبلاش الوردي بلا شك ..
والحمرة (( الروج )) .. بهالطريقة ..
وشوية زري على الأبيض اللي تحت الحاجب يطلعه حلو وايد ..
انتهى الدرس ..
أتمنى يعجبكم .. وأتمنى تجربونه وايد حلو مع التطبيق ..
ومككن تحطونه ألوان غير هذي ..
مثلاً .. أنا حطيت مرة بنفسجي فوق .. وتركواز تحت ..
والكل مدحه .. 
أكيد إذا عندكم أسئلة .. أتمنى ما تترددون بطرحها ..
وإذا عجبكم الدرس .. إدعولي الله يغفرلي وأتزوج .. 😉
وصوتولي .. بتقييم العضو .. 
وشكراً ..
لا تنسون تتغطون .. ولا تتبرجون إلا لأهلكم وأزواجكم ..
————————————————
أستقبل طلبات الدروس مثل ميكاج خفيف أو ثقيل
أو لون معين أو طريق معينه أو نوع عين معينة ..
أو حتى تصغير الأنف وغيره .. على الرسائل الخاصة ..
———————————–
على فكرة .. شكراً لإدارة عروس .. على القيمز ..
كل يوم مقزرتها عليهم .. بس كله أخسر .. 
(y)
تسلمين غلاي
ياريت كل أسبوع تحطي درس مختلف يعني مرة للسهرات ومرة للخروج الصباحي وكده يعني لاني بجد نفسي اتعلم اسوي مكياج لوحدي ………… إن شاء الله على ايدك الأفادة
الله يعطيـج العافية
الله يعطيج الصحه والعافيه
بس الازرق لو كان بخط خفيف كان احلى
تسلم ايدك ياغاليه
امنيه
سلم يداك
موضوع مميز و طريقه سهله
نتزين و نتعدل و ما كو فايده يالله كله بأجره . ويعطيج العافيه
تسلمين عزيزتي على هالموضوع الجميل..