1) بللي الفرشاه بالماي وحطي طرفها على ورقة كلينكس عشان تشفط الزيادة منها .. وعقب مرريها على اللون البيج ولوني فيه كامل الجفن وصولاً إلى حدود الحاجب.
2) بفرشاه ثانية حطي اللون النحاسي على كامل الجفن المتحرك.
3) نفس الخطوة رقم 1 لكن هالمرة للون الأحمر الفاتح .. حطي اللون على الجفن المتحرك وشوي عند الثنية بين الجفن المتحرك وركزي اللون على الجفن المتحرك.. لازم تمدين الظل على برا بحيث يكون متدرج.
وهذي صورة ثانية للعين وهي مفتوحة
4) الحين حطي الدرجة الثانية الأغمق شوي من اللون الأحمر على الثنية على شكل هلال.
5) الحين بلون الأحمر القاني "العادي" عيدي على اللون السبق بعد ما يجف.
وهذي صورة ثانية للعين وهي مفتوحة
نكمل بقية الدرس ..
6) الحين باللون الماروني عيدي على نفس الخط السابق لكن هالمرة بتركيز أكثر .. ودمجي الألوان مع بعضها.
7) الحين حطي الآي لاينر فوق وتحت .. لاحظي رسمة الآي لاينر مفتوحة عند بداية العين ونهايتها.
8) على خط الآي لاينر التحتاني حطي الشادو الأحمر العادي وموهي عشان ما يبين الخط محدد وايد .. وحطي اللون الأصفر المائي على عظمة الحاجب وخليه يجف.
9) عقبها حطي اللون الأصفر البودرة على عظمة الحاجب مع التمويه والدمج … وحطي عند بداية العين لون أصفر مائي عشان تبين العين أوسع .. ولا تنسين الفتحة اللي عند نهاية العين وحطي فيها نفس اللون.
10) حطي القلتر الخمري على المكان اللي فيه الشدو الأحمر .. والقلتر الأبيض على عظمة الحاجب.
11) رتبي الحاجب واملي الفراغات بلون حاجبج وحطي الجيل الخاص بالحواجب إذا عندج.
12) قوسي الرموش وحطي ماسكارا طبقة أولى .. عقب كحلي العين من الداخل بلون ذهبي.
13) وأخبراً وليس آخراً .. استخدمي لون ظل ذهبي مع فرشاه ضعيفة وحطي خط من نهاية العين وسحبيه على برا .. وعقبها حطي طبقة الماسكارا الثانية وثبتي مكياجج بمثبت المكياج.
وهذي هي الصورة النهائية ..
عاد لا تبخلون علينا بدعواتكم … وموفقين إن شاء الله في التطبيق.
الله يوفقك ويناولك مرادك دنيا وآخرة
MerCi bas ma fi sowar
بس ماكو صور ليش؟؟؟؟؟؟؟؟
فين الصور مع الشرح الجميل ده
قمر
بس حبيت يكون عندكم امانه و تقولون منقول لان هذا موضوع اخت اسمها الياسيه في منتدى ثاني و كانت مصورة عيونها
و مسويه الدرس و الغريب انج حتى العنوان ماخذتنه مثل ما هو بدون ما تقولين انه منقول …
على كل حال مشكورة اختي على الموضوع و صدق طلعت الرسمه حلوة وايد الله يعطيها العافيه على المجهود
و الله يعطيج العافيه على النقل .. و البحث عن الافضل
بس تسلمين ع النقل
(f) وتسلم يدينك (f)
بس الصور ما طلعت عندي عالعموم شكراً
:smile::flower::smile::flower: