دلوعة توتي وعرايس المنتدى ممكن لحظة 2024.

بإختصار .. عيد زواجي الأول الشهر الجاي وطبعاً بما أنه أول عيد زواج حابه أسوي شي مميز يتذذذذذذذذذكره زوجي طول عمره ، ما ادري شسوي من أفكار فكرت اني أروح بيت ابوي ومن هناك أروح الصالون أسوي شعري واحط مكياج وألبس فستان عرسي طبعا إن شاء الله اقدر اضعف وألبسه أو اني البس ثياب الملجة لأنهم عاجبينه كلش وما لبستهم قدامه الا مرة وهي ليلة الملجة أي العقد وبعدها شسوي خاطري هالليلة يكون فيها فعاليات شنو تقترحون عليي يا بنات ؟؟؟

وسؤال ثاني : عيد زواجي وعقد قراني في نفس الشهر تقترحون عليي احتفل بعيد زواجي لأن بكون مر عليه سنه والا احتفل بعقد القران ؟؟ لأن كان بين عقد القران والزواج سنة كاملة.. مع إن زوجي يعترف اكثر بعقد القران .. بس إذا جذي بينمحي ذكرى زواجي .

وبالنسبة للهدية شرايكم في حذاء ؟؟ كان عاجبنه وما شراه .

ياريت دلوعة توتي تعطيني من أفكارك الحلوة وكل البنات ..

وشكراً مقدماً ..

عزيزتي .. دموع حالمة
يالغالية أنا شايفة فكرة إنك تلبسين فستان الزواج ولا الملكة حركة مرررررة حلوة
وبالنسبة لي انا ما حسوي شئ يوم عيد زواجي بإذن الله ..
يكفي أشتريله هدية
الصراحة المفروض هم يشدون حيلهم ويفاجأونا ذيك اليوم
صح ولا لا .. يعني طوال السنة ندلع فيهم بمناسبة ولا بدون ..
المفروض يومها هو يسوي كل شئ
هههههههههه عشان كذا اشوف تكشخين وتشترين له هدية بس
مومهم أيش الهدية .. قد ماتشوفين انه يحتاجها .. او خاطره فيها وماشراها للحين
وبالنسبة للسؤال الثاني افضل تحتفلين بيوم زواجكم مـو يوم الملكة
أحلىىىىى …
الصراحة هذاك اليوم غيرررررر شكل
والله يوفقك ويسعد قلبك حبيبتي .. ويتمملك على خير
وأي شئ ثاني خاطرك فيه لا تستحين أنا أختك .. وإن شاء الله ماحقصر معاكي
تحياتي القلبية لك ..

دمتي بـــود

دلوعة توتي .. شكراً عزيزتي على الرد السريع ..

وبالنسبة لليلة الأحتفال أخاف اني احتفل بعيد زواجنا ويكون زوجي مو متهيأ لهذي الليلة لأنه هو دايماً يحتفل بليلة العقد لأنه يحس إن ليلة العقد هي ليلة تعارفنا على بعض والزواج الرسمي فمحتارة واااااااااااااااااااايد ..

ومثل ما قلتي راح اتكشخ واشتري هدية وبس .. بس محتارة احين في الليلة المناسبة للأحتفال .

حبيبتي بالنسبة لي ………….أنا عملت حفلة وكانت حفلة خاصة :shy: ……….لبست فستان سهرة واتعلدت على قولتكم (r) ………وعملت حفلة في البيت عملت زينة وزينت الصالة و حطيت شموع ووضعت عبارات باسم زوجي وعبارت رقيقة واهم شي حضرت الكاميرا (p) وجبت كيك وحلويات(^) وحضرت الموسيقى وطبعا اهديته هدية وكارد رومنسي ………..بصراحة عجبته الحلفة كتير و انا رائي تعملي حفلة خاصة فيك وفيه و رح ينبسط منها خصوصا ان بعد هيك رح تيجيبي اولاد ان شاء الله وما رح يكون عندك وقت تحك راسك:gum: ………..خخخخخخخخخخخ على العموم الله يتم عليك ويفرحك دنيا وآخرة ………تحياتي

شكراً اختي gha 1982 على الرد ..

فكرتك كمان حلوة .. بس ما قلتي لي رايك متى اسوي الحفلة في ذكرى عقدنا او زواجنا؟؟

أنا رأيي تعمليها ليلة العقد اذا كان زوجك يعترف فيها اكثر ورح يكون متهئ لها وللحفلة اذا عملتيها ………وان شاء الله يسعدكم

شكراً على رأيك عزيزتي .. وشكلي راح اسويها بهاليلة مثل ما قلتي انتي ودلوعة توتي ..

وياريت البنات يعطوني آراء أكثر..

دموع حالمة
أيه يالغالية دام زوجك يحب ويعترف بليلة العقد أكثر .. خلاص سويها بليلة العقد ..
والله يباركلكم ويسعدكم يارب ويجعل حياتكم كلها أفراح بأفراح :shy:
تحياتي القلبية لك ..

دمتي بـــود

شكراً دلوعة توتي مرة ثانية خلاص توكلنا على الله راح اسويها لليلة العقد ..

وأنتظر أفكار باقي البنات ..