مين جرب مدارس الرواد بالرياض …. بصراحه تاسيسهم ما اعجبني
البنات … بنتي في صف 3 ابتدائي
لا املائها صح ولا ا لرياضيات عندها تعرف لها كثير واحيانا المعلمه تقول الدرس مشروح حلي الواجب في البيت (( على بالها تعاقبهم )))
و القران لا مسجل ولا شي … وشاطره تقول لهم استغفروا ما جانا مطر
((( هذولا بنات صغار المفروض تعاملهم بالرفق مو بالتخويف )))
والانجليزي عندهم ولا شي … يعني ما احسهم تعلموا زين
وش الحل
مين جربها ………….. ووين تنصحوني اوديها
ابغى مدارس قريبه من عندنا ((( انا عند سكن جامعه الملك سعود )) وابغى مدرسه اقرب من الرواد لنا
وابغى مدارس اولاد وبنات
ومدارس دار السلام ما ابيها … ومدارس نجد ما ابيها …..
دلوني وين اوديهم ؟؟؟؟؟
طيب شوفي مدارس الأميريه يقول شديده وحلوة بس والله ما ادري وين مكانها هي في العليا
وعندك مدارس العليا هذي مره فضيعه وتدريسهم رووووعه من عند مركز صحارى
ولو انك قريبه كان اقولك التربية النموذجية و بدر ..
هذا والله اعلم ..
 |
اقتباس |  |
 |
المشاركة الأساسية كتبها أداوي جروحي بروحي  |
 |
 |
| مرحبا طيب شوفي مدارس الأميريه يقول شديده وحلوة بس والله ما ادري وين مكانها هي في العليا وعندك مدارس العليا هذي مره فضيعه وتدريسهم رووووعه من عند مركز صحارى ولو انك قريبه كان اقولك التربية النموذجية و بدر .. هذا والله اعلم .. |
||
 |
 |
اهلا
يعني انتي الحين جبتي مدرستين
الاميريه … والعليا
طيب وش دراك عن المدارس هذي … يعني هل المعلومه من ناس جربوها ولا انتي سامعه
وياليت كم اقساطها اذا تعرفين
وهل فيها بنات واولاد … لأني ابنقل بنتي مع اخوانها … عشان ما تروح مع السواق بلحالها ويصير مشوارهم واحد
وتقولين لو اني قريبه كان تقولين لي مدارس التربيه النموذجيه وبدر <<<< وين يعني اصير قريبه <<< ما فهمت ؟؟؟
وجزاك الله خير
وياليت مواعيد الانصراف والحضور …… ومين سمع بمدارس ابن خلدون … اللي سمع عنها وش رايهم فيها ؟؟؟ ومشكورين
ما ابغى كل سنه اطلع عيالي من مدرستهم …. ولأن الرواد بعيده وما اعجبني تاسيس البنات فيها … ودنا نطلعهم >>>> وتكون مدرستهم الدائمه باذن الله
وابغى مدارس منضبطين ….. مو مهيتين الاولاد بشوشهم في الشوارع وتغيب وقله حيا ولا مهيتين البنات صياعه وملابس مطلعين صدورهم وعبايات كانها جلابيه
ويسلمو
والله اشوف بنت اخوي تمدح ابن خلدون,,,طيب انتي روحي وشوفي بنفسك,,,
طيب التربيه النموذجيه على ماعتقد لايعلى عليه ماشاء الله<<<احساسي,,,
قصدي قريبه يعني في شرق الرياض التربية فضيييييييييعه ..
الأميرية اخوان زميلتي تقول حلوة ..
اما مدارس العليا رووووووعه كانوا عيال عمتي فيها وتأسسوا صح .. وفيها قسم بنات ..
ابن خلودن والله ماادري زميلات اختي مدرسات فيها ..
ودمتي بخير ..
قمةفي الرووعه وانا مرة دخلت قسم البنات بالامانة كانك في مدارس نموذجيه او التشبيه الاقرب
في مدارس الكويت اذا كنت داخلتهاواذاكنتفي الريان زي ماتفضلت الاخت مدارس النموذجية
:9_28:
انا في شمال الرياض
وابغى مدارس احد مجربها وعارفها …………….. وابغى فيها اولاد وبنات
عشان انقل بنتى مع اخوانها ((( عشان ما تروح مع السواق لحالها ))
ودمتم بخير
وينكم
وش رايكم بمدارس ابن خلدون
اذا قريبة من عنك مدارس العليا ترى احسن .
اما مدارس ابن خلدون تقول اختي انها حلوة بس لحد الآن ماكتملوا لأنها توها جديده بس تقول فيها نشاطات حلوة ويعطونهم 9 حصص .
انتي روحي وشوفي احسن من انك تسمعين
|
اقتباس | |
|
المشاركة الأساسية كتبها أداوي جروحي بروحي |
|
|
| هلا وغلا .. اذا قريبة من عنك مدارس العليا ترى احسن . اما مدارس ابن خلدون تقول اختي انها حلوة بس لحد الآن ماكتملوا لأنها توها جديده بس تقول فيها نشاطات حلوة ويعطونهم 9 حصص . انتي روحي وشوفي احسن من انك تسمعين |
||
|
|
يعطيك العافيه على ردك
والله سالت وحده عن مدارس العليا وقالت وععععععععععععع مو حلوه
واستحيت على اي اساس تذمها
فياليت تقولين لي انتي مجربتها ولا كيف ؟؟؟؟؟
ومتى مواعيد الانصراف عندهم … يعني كم حصه …. بصراحه شفت موقعهم على النت حلو
بس ابغى نظامهم وتدريسهم وانضباطهم … وصعبه اني اروح لهم اسالهم عن نفسهم