ازيكم يا بنوتات يارب تكونو بخير وكله تمام 
بعد غياب طويل من العيد اللي فات مش نزلت موضوع رجعتلكم بديزاين جديد اتمنى ينال اعجباكم 
الديزاين عبارة عن اشكال جديدة للفرنش مانيكير وانا سميته Crazy French وهو سهل جدا جدا مش هيحتاج غير شوية ابتكار وذوق في اختيار الالوان 
الموضوع جهد شخصيييييي ولا أحلل اي حد يقوم بنقله الا بذكر اسمي واسم الموقع
شكل التطبيق 
الأدوات المستخدمة
1- لونين من المانيكير نختارهم على حسب ذوقنا
2- ملمع اظافر
3- كريستالات او ستيكرز ولو مش متوفر مش مهم هنتصرف هههههه 
الخطوات
اول خطوة بنحط بيس كوت اذا متوفر ولو مش متوفر بندخل بالخطوة التانية على طول
بعد كده نبدأ نحط اللون اللي هيمثل القاعدة الاساسية للفرنش وهنا انا اخترت الموفي ونسيبه ينشف تماما
تالت خطوة هنعمل الفرنش باللون التاني وانا اخترت الاسود وللبنات الي مش بتعرف تعمل الفرنش بايدها وبتتلخبط شوفو الرابط دا فيه طريقة رائعة وسهلة تقدرو تستخدموها لعمل فرنش مرتب
http://forums.3roos.com/blog.php?b=996
وهيكون الفرنش جاهز بعد ما نشف
اخر خطوة هتكون حسب ابتكارتنا وافكارنا هنا انا استخدمت اكسسوارات على شكل قلوب موفي حطيتها بواسطه الملمع الشفاف بشكل مايل عاللون الاسود وطلع شكلها كده
وعشان انطق الديزاين اكتر حطيتله نقط بطول الفرنش باللون الابيض ودا شكله النهائي
وهنا ديزاينات للفرنش عملت وردات بدل الاكسسوارات كا تغيير او للبنوتات الي مش عندهم كريستالات و ستيكرز
الفرنش بالفضي والازرق مع وردات باللون الابيض
وهنا فرنش بالالوان الطبيعيه الوردي والابيض مع وردات فوشيا
تم بحمد الله
ان شالله يكون الديزاين نال رضاكم وانتظروني في تطبيقات تانية جديدة 
وياريت اي بنوته عندها صور ديزاينات حلوة او حد عنده ديزاين ويحب يشوف خطواته بالصور ماعليه غير يرسلي صورة الديزاين وباذن الله بنزله لكم اذا كان في استطاعتي تنفيذه 
لو عجبكم موضوعي المتواضع ادعولي ربنا ييسر حالي ويرزقني بالزوج الصالح عاجل غير اجل :032:
ههههههههههههههههه
تسلم ايدك يا انوووووووووش
طول عمرك مبدعة والله حلو اوىىىىىىى يا قمر ماشاء الله
ماشاء الله عليكى مبدعه
قوليلى هو الوردة الفوشيا دى اكسسورى ولا انتى اللى عملاها
http://forums.3roos.com/showthread.php?t=575020
مشكوره يالغلا
ويعطيج الف عافيه
بس الميزان ما رضى ايقيمج
مشكوووووووره
حبيت الاخيرة اكثر .. الله ينولج الي في بالج يااارب ..