طالبتكم حبيباتي أبيكم تساعدوني
بتجينا خدامة جديدة على البيت
وانا مالي خبرة ويا الخدامات و لا قد احتكيت فيهم وايد
لأنه زوجة أبوي هي كانت المسؤوله عنهم بالبيت
بس بعد طلاقهم الحين انا بروحي بنت بالبيت وهذي أول خدامة دائمة راح توصلنا
اللي قبلها كانوا مؤقتات وكان يعرفون شغلهم عدل بدون ما أقولها سوي كذا وكذا
الحين هذي اللي راح تجينا أول مره تدخل بلد عربي كانت مشتغله ببلدها ::: هي فلبينية
انا ماني عارفة شنو المفروض أقولها أول ماتجينا يعني بالنسبة لعاداتنا من ناحية اللبس
وأمور ثانية
أبيكم تساعدوني وتعطوني فكرة عن شنو مفروض أقولها
وبعد بالنسبة للتنظيف ::: والله ماني عارفة شقولها : شنو اللي مفروض تنظفه يوميا
وشنو اللي بالأسبوع مرة … يعني بشكل عام أبيكم تساعدوني شلون أتعامل وياها
وشلون تقسم وقتها بالبيت لأنه بيتنا كبير وايد
عشان تعرف شغلها ((وما لها وما عليها مثل ما يقولوا)) من أول ماتوصل
على فكرة مكتوب بسيرتها انها تطبخ :: بس أكيد طبيخها نفس طبيخ الفلبينين
وانا بعلمها على أكلنا كله عشان تطبخ بروحها بعدين
وفكرت أخليها تسوي دفتر تكتب فيه الطبخات
حلوة الفكرة و لا مو شي 🙁 ؟؟
أنطركم يابنات لا تبخلون علي بخبرتكم
المهم اول ما تجيك ؟ اكيد راح تجي وهي لابسه لبس الله لايوريك وريحتها زيت ومن حوستهم ذيك
1…انت تقومين تروحين تشترين لها كم قطعه من الزي الموحد حق الخدم يعني اللي يجيك بنطلون وبالطو طويل
او ثوب كامل وغالبا تجي كاروهات انت اشتري لها الوان فاتحه عشان يسير شكلها نظيف
2… تشترين لها شامبو مزيل عرق
3… تقولين لها لازم كل يوم تتروشين
4…. تدخلينها المطبخ تقولين لها ابغى المطبخ على طول نظيف كل اسبوعين تنظفين الدوالايب من جوا
والثلاجه والفرن تقريبا يوميا تنظفها وتمسحها
5…تودينها على دورات المياه اليي يستخدم كثير يوميا يتنظف واللي بعيد ما حد يدخله مره بالاسبوع
6…تورينها غرفة الجلوس تقولين لها هذي الغرفه يوميا تنظيف كامل من تمسيح وكنيس
7…الغسيل والكوي مره في الاسبوع
8…. اذا بتعلمينها الطبخ لازم تقص اظافرها كل كم يوم وتغطي شعرها ما يطلع ولا شعره
وانوم تنام معاك اقصد في الوقت الي انت تدخلين غرفتك عشان تنامين وتقوم حسب وقتكم اللي تحتاجونها فيه
وانشا الله اكون افدتك
اذا فيه شي بتسالين عنه ارسلي لي ع الخاص
وتحياتي لك
انا عمري 23 … ماني صغيرة ههههه بس ماعرف بهالسوالف
بس جد مشكــــورة على هالنصايح
::::::::::
سالفة انها تنام وياي أحسها صعبة لأني تعودت أنام بروحي
عندنا غرفة خدم خارج البيت بس أبوي يقول ما يصير تنام بروحها برا
وقاللي نفس كلامك انها تنام وياي وانا مابي
🙁
مادري عاد
:::::::::::::::::::::::::::
مشكورة مرة ثانية حبيبتي
:shy:
يجي منكم أكثر
شوفي فيء …
طبعــا لما تجي بتكون كانهــا هايشــة .. (الله يكرم السامعيــن)
دخليها الحمام .. واعطيها ملابس عدلــة … ومحتشمــة ..
وخبريها .. وين تخلي اغراضها .. وويش هي مهامها
طبعــا كلميها بالعربي .. وبالحركات .. وان شالله بتفهــم ..
طبعــا في البدايــة خليها تكون معــاش في الغرفــة .. استحملي فترة بسيــطة ..
وبعديــن خليها تنــام في غرفتهــا
علميها طبخــات عربيــة .. واللي تحبوهــا .. وان شالله خير .
:shy:
هايشة عاد هههههههههههههه … لا حرام بالصورة شكلها شيك شوي ونظيفة
بعدين هي تعرف انقلش الحمدلله يعني راح يكون سهل أكلمها ::: هذا على حسب اللي مكتوب
بالسيرة .. لأني ما أحب أقعد أتكلم عربي مكسر
مشكورة حبيبتي ماقصرتي
انا خايفة وايد من سالفة اللبس لأنه أخواني كلهم شباب ومادري راح ترضى تلبس يونيفورم أو لأ
ويمكن تقولي انها بتلبس على كيفها
خدامتنا اللي قبل كنت أقولها عيب تلبسين هالقمصان القصيرة وبنطلوناتها وايد ضيقه
ترد علي زين انتي ليش تلبسين ؟؟؟؟؟
:qaq:
هههههههه
أحسهم ما يقدرون يستوعبون ان حنا أهل البيت وانه هم جايين حق شغل ومو حق الدلع والتكشخ
عسى خـــير
(w)
شوفي ماما …
مكاتب الشغـــالات عمرهــم ما يعطوا بيـانات عدلــة
يعني فيــه شغالات صح متعلمــات …
بس المكاتب تزيــد عليهــم بهــارات عــاليــة
يعني يزودون كلام من عندهــم علشان يمشي الشغــل حقهــم
نحن شغــالــة ولد عميي .. كانت في جــامعـيـة في الفلبيــن
واويــن تريد تشتغل علشان تصرف ع جامعتهــا
هم فهمونا انها تريد شغــل وبس ..
ولما وصلت .. والله الله لا راويكي ملابسهــا
مع ان صورتهــا محتشمــة مرة وتنورة طويلــة والحالــة حــالة
بس اول ما وصلت لا حجـاب ولا غيره ..
وكانت مو محترمــة ابدا ..
لان ولد عمي كان صغير في الســن .. وزوجــتــه بعد صغيرة .. وعندهــم طفليــن ..
ولما قلنا لها تلبسي كذا .. رفضت .. وقالت انا ما البس كذا انا متعودة
ولما اصرينــا عليها .. وافقــت .. بس تعــالي سمعي الاعذار ..
اويـن حر .. ما تقدر ع الشيلــة .. وما تقدر ع الملابس الطويلــة وغيرها من السوالف
بس زوجـة ولد عمي وقفت لها بالمرصــاد .. ووقفتها عند حدهــا ..
انت اول ما تدخل البيت .. كوني مجهــزة لها ملابس قديمــة مــال .. لندني اذا عندك .. او ملابس سـاترة او اليونوفيرم
لا تخليها ع كيفها .. ولا تخليها تلبس تنانير وقمصــان او بنطلونــات وشبـاب عندكم في البيت ..
وع فكــرة هذولا الفلبينــات عندهــم قانون ياخذوا اجازة يوم في الاسبوع
فحاولي انــك ما تعطيها فرصــة ..
لانك راح تكوني انت المسؤولــة عنها في الاول والاخير ..
وذا ردت عليش .. خليها تحترم نفسها بصرخــة في وجهــها او نظارات حـادة منك
او خلي ابوكي يكلمها … لان الشغــالات يخافوا من الابــاء او المسؤوليــن عنهــم
هذا اللي انا خايفه منه سالفة اللبس وانها تطلع وحده عنادية ومو هينة
:angry:
بالنسبة للإجازة حنا معودين خدمنا انه مرة بالشهر او مرة كل أسبوعين يطلعون بس يقضون فيها
مشاوريهم :::
واللي قاعدة أحاتيه بعد انها تلزم يكون عندها جوال … ماعندي مانع يكون عندها جوال
عشان تكلم أهلها منه بس مادري شلون راح أتحكم فيها انه ما تستخدمه الا وقت ما تخلص شغلها
:gum:
anyway أبوي قاللي انها راح توصل عقب 10 أيام وعسى يكون قدومها خير وتريحني
:::::::
انا مستانسة لأنها أول خدامة لي
:shy:
<<<< هههههههههههه وناسة