رجعت لكم بمشكلتي وستفساراتي 2024.

ازيكو يا جميلات ..

ان شاء لله كل وحده تبي يزيد ونها الله يعطيها وييزيد .. واللي مثل حالتي الله يساعدها ويقوى

اردتها وينقص وزنها وتصير مونيكان ..

بنات اولا مشكلتي انا ذابحه نفسي ومقلله اكلي واقاعده امشي على جهاز السير الكهربائي

يوم وترك لكن وزني ما يتحرك ياربي شسوي ..

لا تقولين اشربي اناناس وكيوي شربت ولا صار شي .. كسري كسرت واكلت وشربت ببسي

ايش اسوي زياده ..

ابي اضعف للعيد ابي يتغير شكلي تعبت من السمنه … ..

اسالتي :

انا سمعت كثير عن خلطة الكمون والليمون ..

اول شي بقولكم اشلون انا اسويها قولوا لي اذا صح ولا غلط ..

اقطع اذا ليمون اصفر الكبير نصها واذا الاخضر الصغير وحده كامله ,, واحط ملعقتين صغار كمون و

ماي حار واخليه طول اللي واشربه الصبح وساعات اسخنه بالمكرويف واشربه على الريق

الصبح ..

وثانيا قريت انه يمنع الحمل وانا للحين بنت وخايفة .. وبعد يقولون يكبر الصدر ..

😐 اووووف شسوي … اكمل ولا اوقف ولا شسالفه .. وبعد كم ممكن يبين المفعول ..

وهل شراب الزنجبيل والشاي الاخضر زين يقلل الوزن ..

والمشي المفروض كم نمشي ؟

وبس هاذي كل استفساراتي وياليت اللي تعرف ترد بكل مصداقية .. مابي كلام بالهوا ..

والله حاسه بكائبه وقهر ..

ومشكورين وجزاكم الله الف خير ..

باقولج شي عن تجربه

انه كنت 135

الله لايعيدها من ايام

ضعفت خلال 7 شهور 35 ك

اتبعت رجيم السعرات الحراريه

انصحج فيه

طبعا اول شي مافيه حرام كلشي اكل شوكلت برجر اي شي بخاطري بس مازيد عن 1000 كالوري

وكان وزني ينزل باستمرار
ولاحسيت انه ثابت

كسرته بوجبه شوي غريبه عن اللي معوده جسمي عليه

وانصحج بالتمارين والرياضه

ياريت ترسلين لي او تساعديني بشريط متابعه الوزن ابي اسوي لي واحد

او ممكن تعلميني ابي واحد احط له 25 ك

اقتباس

المشاركة الأساسية كتبها DrEaM Red RoSe

	أول شي هدي باالك هي طبيعة اجسام ( راح أجاوبك على اللي أعرفه ) انتي شكلك تمشي من فترة ( من شريط الوزن مبين إنك خسرتي الحمد لله , ماشاء الله تبارك الله ) غيري مدة المشي بدل نص ساعة , خليها ساعة بدل ساعة زيديها نص ساعة خذي بريك بين كل نص سااعة دقيقتين مثلا اشربي موية لا تكثري و كملي و الأسبوع الثاني غيري المشي يوم نص ساعة يوم ساعة يوم 45 دقيقة زيدي السرعة يمكن سرعتك بطيئة !! سوي تمارين أثقال آيروبيك يمكن انتي من النوع اللي يتعشى بالليل ثقيل ( كلي بس زبادي و فواكه و خضار بالليل ) الفطور عادي أول اليوم يكون الأيض بجسمك عااالي تحرقيه الغدا ربع الصحن كاربوهيدرات و نصه خضااار ( سلطة ) و ملعقة صغيرة دهون و ربع بروتين و مو مشكلة لو كثرتي بروتين البروتين يساعد على بناء عضلات حارقة للدهون و اذا بتتبعي ذه النظام اكسريه كل 10 أيام أو كل أسبوعين مو تكسريه كل ويك اند جسمك ما يلحق يتعود أساساً على النظام و انصحك كل أسبوعين اي مشرووب لحاله بدون رياضة و تخفيف أكل ما يسوي الا شي بسيط يا دوووب يعني الليمون سمعت كثرته مو زينة و ما أدري لا تكثري منه على العموم سوي لك مغلي الكمون و شاي أخضر و زنجبيل و قرفة لبطنك أنا جربت قرفة و زنجبيل يريح البطن بس اممم ما ينزل الوزن الصراحة الشاي الأخضر قلت من قبل يحرر الماء المرتبط بالدهون و يصير الدهن متفكك و نزوله أسرع يعني الباقي عليكي كملي و جربي ذه النظام هو مو ريجيم قد ما هو أسلوب حياة حاسة باحباطك . شوفي روابط باليوتيوب عن قبل و بعد خسارة الوزن بالإنجليش اكتبي بيعطيكي حااااافز شوفي رياضات آيروبيك كمان باليوتيوب و fitness الله يوفقك و يرزقك ما تتمني

مشكورة وجزاج الله الف خير على الرد ..

الغاليه انا مخففه وما قاعده اتعشى صار لي فتره .. وان شاء لله بلعب رساضه اكثر اسوي اللي

قلتي لي عليه .. حتى مغلي الكمون والقرفه والزنجيبل والشاي الاخضر بسويه ..

واكرر شكري لج والله يرزقج الخير وكل ما تتمنين ان شاء لله ..

اقتباس

المشاركة الأساسية كتبها تتاوي

	الاخت دريم ماقصرت اسمعيني حبيبتي لا تكتئبي ولا تحبطي ولا شي كل اللي عليكي انك تغيري نظام اكلك وصدقيني راح تضعفي بإذن الله اشربي ماي كثير باليوم لا تتعشي بعد الساعة 8 لو ايش مايصير ووقت الجوع ن بعد العشا اكيد بتجوعي اكلي خيارة او كاسة حليب قليل او خالي الدسم وحاولي تنامي بدري وتصحي بدري العبي رياضة يوميا او عالاقل 3 مرات بالاسبوع لا تاكلي حلويات ابدا اكلي فواكة وخضار يوميا لاااااازم خصوصا الجرجير عشان شعرك مايتساقط وملفوف لانه حاااارق للدهون … سوي شوربه الملفوف حارقة للدهون كثري وجباتك باليوم لا تقلليها لان اذا تقلليها يصير العكس وتسمني يعني خلي وجباتك باليوم خمسة او ست وجبات بس طبعا خفيفة يعني مابين الفطور والغذا لازم تاكلي شي خفيف مثلا تفاحة او زبادي وخيار او اي شي ومابين الغذا والعشا يعني وقت المغرب لان كل مااكلتي بتساعدي جسمك على حرق الدهون بشكل اكبر لان الجسم بيكون في حالة حرق دائمة بس اذا ماتاكلي بيصيرله خمول ومابيحرق لانه مابيلاقي شي يحرقه ان شاء الله اكون افدتك

مشكورة اختي على الرد والله يجزيج الف خير ..

وان شاء لله بسوي اللي قلتي لي عليه بخصوصو العشى والمشي ..

واكرر شكري لج والله يرزقج اللي تمنين ان شاء لله ..

اقتباس

المشاركة الأساسية كتبها dlo3t dedo

	الاخوات كفو ووفو

شكرا ..

اقتباس

المشاركة الأساسية كتبها تراجي ام الزين كله

	الله يثبتتج ويقويج باقولج شي عن تجربه انه كنت 135 الله لايعيدها من ايام ضعفت خلال 7 شهور 35 ك اتبعت رجيم السعرات الحراريه انصحج فيه طبعا اول شي مافيه حرام كلشي اكل شوكلت برجر اي شي بخاطري بس مازيد عن 1000 كالوري وكان وزني ينزل باستمرار ولاحسيت انه ثابت كسرته بوجبه شوي غريبه عن اللي معوده جسمي عليه وانصحج بالتمارين والرياضه ياريت ترسلين لي او تساعديني بشريط متابعه الوزن ابي اسوي لي واحد او ممكن تعلميني ابي واحد احط له 25 ك

مشالله لا حوة ولا قوة الا بالله ..

مبروك الوزن الجديد وعقبال ما توصلين للوزن اللي تبين ..

الغاليه مشكورة على النصايح وان شاء لله بتبعهم ..

وجزاج الله الف خير والله يحقق لج اللي تبين يارب

وهاذي الرابط للشريط ..

http://go.3roos.com/lecgrq3wrrb