عاملتلكم اليوم رز بالحليب من مطبخي تاااااااااااااازة تفضلوا
المقادير كاستين صغار رز مصري
18 ملعقة حليب بودرة
6كاسات ماء ماصورتها
6 ملاعق اكل نشاء مذوبة بنص كاسة ماء
كاسة سكر بس ممكن زيادتها او التنقيص منها على حسب الرغبة
ملعقتين كبار ماء زهر
علبة قشطة لونا
هلق بنجي لطريقة
بنحط الرز بقدرعلى الغاز وبنغمره بالمي حتى ينسلق سلق تام
بندوب الحليب بالماء وبنحطه على الغاز حتى يغلي
بس يغلي الحليب بنضيف السكر والرز بعدين النشا المذوب بالماء والقشطة والماء زهر وبنحرك حتى يتكثف المزيج
ماصورت هي المراحل لانه كله لونه ابيض فمارح يبين شي 
نترك الرز بالحليب على الغاز بس على نار هادئة حتى يتكثف تمام وتروح نكهة النشا منه
بعدين بنسكب الرز بالحليب بزبادي صغيرة وبنقدمه بارد
ممكن نزينه بجوز الهند والمكسرات والزبيب حسب الرغبة
انا بحبه بطريقة مختلفة وهي اني اسكبه بالبايركس وبعدين دخله الفرن واشعل عليه النار من فوق حتى يترقد ويتحمر من الوجه
بتمنى يعجبكم وما بحلل النقل بدون ذكر المصدر
ولا تنسوني من دعائكم
انا احبه بعد بهالطريقه بس عمري ماجربته
تسلمين على الطريقة
شكله لذيذ..
إن شاء الله أجربه..
تم التقييم ويعطيك العافي ع الشرح الوافي..
تسلم الايادي والله بشهي وبجنن وحفظت المقادير عندي حتى اعملها قريب ان شالله
وهنا وعوافي على قلبكم يارب
وأنا بازيد عليه قرفة كمان
واكتبي اسمك يا عسل على الصور للحفاظ على حقك
والله يعطيكِ العافية
ماذا اقول
شكرا حبيباتي شرفني مروركم
أنا أسويه برز مطحون و بدون نشا، و عالوجه أزينه بحب الرمان، طعمه خطييير 
الله يعطيج العافية F: