رشوش العرس ولوازمه افيدوني لو سمحتوا 2024.

مرحبا بنات
بنات بخصوص الطاولة اللي يخلونها بداية قاعة العرس وعليها مرش وعطر وساعات اشياء زيادة ممكن تفيدوني شنو يخلون عليها بالضبط لاني عليمية في هالسوالف وابي ابيض الويه
اللي اعرفه مرش فيه ماي ورد وغرشة عطر وبخور واذا في اشياء غير او زيادة نوروني الله ينور عليكم دنيا وآخرة
وسؤال ثاني بخصوص النثور اللي ينثرونه على العروس والمعرس اللي اعرفه مشموم مطيب ومعاه اشياء يا ريت تفيدوني شنو هالاشياء لان مرة جفت وحدة جنها مخليه ورق لماع مال الزينة مقصص ويا المشموم فمادري شنو يحطون انتوا نوروني وربي يجزاكم عني كل خير

يا الله يا بنات جد ياني احباط منكم
131 زيارة للموضوع ولا رد واحد حتى لو بدعوة حلوة
معقول كل اللي دخلوا ولا وحدة تعرف لسوالف العرس وتجاوب سؤالي ^o)
عموما مشكورين بنات جزاكم الله خير ما قصرتوا

يا حبيبتي ريتني يمج وادلج
بس الصارحه احنه فبلدي ما نحط اي شي
واللي شفته فالمنتدى انهم يحطون اي شي يجي فالبال
انتي ذكرتي الاساسيات اليي هي بخور
وعطور
ممكن تحطين شوكلاته مرتبه بلون فستانج وبلون الديكور
ممكن كاب كيك او بسكوت
اي نوع من انواع التوزيعات
تبين حطي شموع تعطي منضر جذاب
اتمنلى اكون فدتج واسسسسسسسفه عالتقصييييييييير

وهاي بعد من منتدانا وتقول انها حطن فيهم
المدخن وغرش مليتهم ماي ورد وزعفران وطاسة البخور

ماي ورد وبخور وعود ..

والاشياء الي ينثرونها على العروس .. ممكن مشموم او ممكن تاخذين لج كم روزة وتفللين اوراقها وتنثرينهم .. وممكن تضيفين ريالات .. او حلاوة مشبوكة بريال بطريقة حلوة