السلام عليكم ورحمة الله وبركاته
الروب أو الزبادي أو اللبن الرايب اللي بنكهة الفواكه .. تدرون شلون تسوينه بالبيت ؟؟
شفت الطريقة على قناة فتافيت وجربته وطلع بالضبــــط نفس اللي أشتريه مع فرق السعر الكبير وحجم العلبة النتفة اللي يبيعونها .. أبداً مافي مقارنة الصراحة !!
والأحلى بالموضوع أن الروب اللي استخدمته بطريقتي قليل الدسم :shy:
بكل بساطة :
اختاري عصير الفاكهة اللي تبين نكهته بالروب + روب عادي بدون نكهه
اخلطيهم مع بعض والناتج = روب بالفواكه !!
انا جربت روب نادك قليل الدسم مع عصير كوكتيل KDD والنتيجة روووعة حتى تريقت فيه الصبح الحمدلله .. وما تحتاجون مقادير معينة يعني إنتي وذوقج تبين نكهة خفيفة أو قوية و كثافة الروب تبينه ثقيل أو سائل 
وطبعاً تقدرون تضيفون عليه أي فاكهة سواء طازجة أو مجففة وإذا تبون مكسرات بعد .. أي شي تبونه ضيفوه واستمتعوا بالطعم اللذيذ خصوصاً اللي قاعدة اتخفف وزنها تقدر تستفيد وايد من هالوصفة لأنها اتشبع من غير ما اتسمن :B_wink:
ولدي وايد يحبه ومرات اتوهق اذا خلص
الله يعطيكي العافيه
انا بحبه جدا بالخوخ ودايما بشتريه طب اعمله بالخوخ ازاى احط الخوخ عليه واضربهم بس
يزاكم الله خير والله يعافيكم ويحفظكم ويخليكم يا أحلى بنات على هالردود اللي اتهبل وربي يحفظ عيالكم ويفرحكم فيهم يارب وتشوفونهم مثل ما اتمنون وأحسن
beautysendrela .. حبيبتي ما يحتاج تضربينه بس يا دوب ضيفي عصير الخوخ وإذا حبيبتي تضيفين عليه قطع فرش أو مجفف على راحتج وتخلطينه باليد .. بالخلاط يصير سائل :21_91:
