رولات الباذنجان المحشيه بالمعكرونه ) 2024.

اول شي الباذنجان نقطعه شرايح و نقليه او نشويه في الفرن على راحتج ..(الصوره رقم واحد))

لعمل صوص الطماطم : نقلي ثوم و نضيف عليه عصير طماطم يعني نحط الطماطم في خلاص العصير و بعدين نضيف صلصه طماطم و ملح و فلفل و يصير عندنا صوص غليط و اخر شي نضيف ريحان (بيزل او مشموم ) طازج فريش بعد ما نشيله من على النار ((الصوره رقم 2)) و ممكن تستخدمين صوص البيتزا الجاهز اذا عندج

للحشوه :نحتاج الي معكرونه و تفضل تكون صغيره …و دجاجه تفور ثم تنتف او تفتت …نحمر بصل و نضيف الدجاج و الريحان و فلفل اسود و جبن ريكوتا او فيلاديلفا او اي نوع جبن عندج و بعدين ضيفي ملح حسب الرغبه و انتبهي لان الجبن ممكن يكون مالح كفايه ..و اخر شي نضيف عليهم المعكرونه بعد ما سلقناها و نخلط كل شي ويا بعد الي ان يتجانس و نتركه على جنب((الصوره رقم 3))

بعدين ناخذ كل حبه باذنجان و نحط فيها شويه من حشويه المعكرونه و نلفها ((الصوره رقم 4))

و بعد ما نخلص من الكميه كلها نرش عليها جبن مازيرولا و بعدين الصوص و بعدين مازيرولا و شويه من الريحان ((الصوره رقم 5 و 6 ))

و ندخلها الفرن لين تذوب الجبنه و نقدمها ((اخر صورتين))

و هني و عافيه